Horiso 90:10 - Sơ̆p Hlabơar Nơ̆r 'Bok Kei-Dei

¹⁰ Sơnăm lu nhôn arih kư̆m lăp truh tơpơh-jĭt. Dah đei pran 'biơ̆ truh tơ tơhngam-jĭt. Mă-lei tơdrong pơang lu sư, jơ̆ lăp pơmat-tat păng ơh sơ'ngon. Yua kơ tơdrong arih lu nhôn 'bônh kơ tôch, đơ̆ng noh lu nhôn păr hiong.

Horiso 90:10 ပူးပေါင်းရင်းမြစ်များ

Bl 47:9

Jakôp tơl thoi âu: Lăm lu sơnăm inh arih oei tơ to tơ âu đei đĭ-đăng minh-hrĕng pêng-jĭt sơnăm, lăng lăm sơnăm inh oei arih kơđeh tơpă păng pơmat-tat, ưh kơ đei hơtŏ dang 'bok 'bă inh arih mă năm tơ jơ̆p-jang.

Bl 6:3

Kră Yang khan thoi âu: “Yang Bơhngol Inh ưh kơ oei lăm kon bơngai ling-lang ôh; yua kơ kon bơngai jơ̆ sĕch akar đĕch, chăl arih lu sư lăp minh-hrĕng 'bar-jĭt sơnăm đĕch.”

II Sam 19:35

Dang ei inh đei tơhngam-jĭt sơnăm boih, inh ưh pă băt kơ tơdrong 'lơ̆ng păng tơdrong kơnê̆ dơ̆ng boih Đĭch đam ih kư̆m ưh pă băt kơ tơmam sa, đak nhă nham dah ưh. Kŭm ưh pă gơh mơ̆ng nơ̆r hơri lu khŭl drŏ-nglo, drŏ-kăn hiôk dah ưh Đĭch đam ih pơnĕ pơm pơmat kơ pơtao yŏng tơ'ngla inh đĕch

II Sam 19:36

Đĭch đam pơtao adrin tŏk hlôi kơ Krong Jôrđăn hăm pơtao đĕch, ưh kơ trŏ kơ pơtao mah wă apah inh thoi noh

I Pot 1:1

Pơtao Đawit đĭ kră sơnăm đĭ kơjung boih, mă khan đe pơhrŭk ăn hơbĕn ao kơ sư lơ hơdôm blah ră mă-lei sư oei ưh kơ tơnŏ.

Jop 14:10

Mă-lei kon bơngai dah lôch bơih, pă đei kiơ, kon bơngai kơtĕch jơhngơ̆m năm tơ yơ?

Jop 20:8

Sư gô păr hiong biŏng thoi apo 'bôh kơmăng, pă đei bu 'bôh sư dơ̆ng,

Jop 24:24

Lu sư arih đei đe pơyom lăp minh bruh đĕch. Lu sư lôch hiong dong. Lu sư gô jô kro ruh hơlŭng thoi 'nhĕt Thoi hơie 'ba đe yuă lê̆ đơ̆ng tơm.

Jop 5:7

Mă-lei đơ̆ng năr đe tơpŭ kơ kon bơngai sư đei tơdrong pơmat-tat. Tơpă gô thoi ŭnh đeh đông tơ kơpal.”b

Horiso 78:39

Kră Yang 'blŏk kơ lu sư jơ̆ bơngai hmă đĕch. Thoi hơyuh kial lĕch boih pă wih dơ̆ng,

Êsai 38:12

Hnam inh đe yuih, pôk lê̆ ataih đơ̆ng inh, thoi đe pôk anih bơsŭn lu bơngai wei triu, inh lôm chăl arih inh nhen bơngai tanh brai. Kră Yang kăt lê̆ inh đơ̆ng hơtơ̆ng wai, Kră Yang pơtôch lê̆ tơdrong arih inh đơ̆ng kơ năr truh kơmăng!

Lêwi 27:7

Tơdah bơngai kră đơ̆ng tơdrâu-jĭt sơnăm truh tơ kơpal, ih athei jô̆ tơdrong gĭt sư mơjĭt-pơđăm seikơl jên hu, kơ bơngai drŏ-nglo păng mơjĭt seikơl jên hu, kơ bơngai drŏ-kăn.

Luka 12:20

Mă-lei 'Bok Kei-Dei khan kơ bơngai ei: ‘Ơ bơngai kơhlôh, măng kơnh boih Inh wă iŏk Bơhngol ih, đơ̆ng noh na ih lôch hloi măng kơnh. Mŭk tơmam ih wă ăn ngôi kơ đe iŏk đĕch.’ ”

Both 34:7

Môis lôch, kơplah sư đei minh-hrĕng 'bar-jĭt sơnăm; măt sư oei hơdah 'lơ̆ng, jơhngơ̆m sư oei pran.

Ya 4:14

Mă-lei iĕm ưh kơ băt kơ năr dơning iĕm thoi yơ, băt kơ iĕm oei arih băt kơ thoi yơ. Tơdrong arih bơ̆n thoi lĕ kơ tŭk, dang ei bơ̆n oei 'bôh sư gom kông, pă 'biơ̆ kơ 'noh ưh pă 'bôh kiơ dơ̆ng.

Jôsuê 14:11

Inh kư̆m oei đei jơhngơ̆m pran thoi kơplah Môis wơh inh năm sơ̆, inh oei đei jơhngơ̆m pran năm tơblah, thoi kơplah noh sơ̆,