Horiso 9:17 - Sơ̆p Hlabơar Nơ̆r 'Bok Kei-Dei

¹⁷ Lu bơngai pơm kơnê̆ gô huŏng tơ pơlei lu lôch, Păng đĭ lu bơngai mă hiơt kơ Kră Yang 'Bok Kei-Dei.

Horiso 9:17 ပူးပေါင်းရင်းမြစ်များ

Jop 5:13

Sư rôp lu bơngai hơgei 'bơ̆r đon huŏng lăm tơdrong kơnê̆ lu sư wă pơm. Sư kư̆m pơtôch lê̆ 'bônh đĕch tơdrong lu bơngai kơnê̆ wă pơm.

Jop 8:13

Noh bơih tơdrong truh kơ lu bơngai mă sơngah kơ Kră Yang 'Bok Kei-Dei; lu bơngai mă ưh kơ lui tơdrong hơmĕng lu sư hiong đĭ.

Horiso 106:13

Mă-lei lu sư 'bônh kơ hiơt kơ tơdrong Sư đei pơm boih. Ưh pă đei gô nơ̆r Kră Yang pơđâu.

Horiso 44:17

Dôm tơdrong noh truh boih kơ lu nhôn, mă-lei lu nhôn ưh kơ đei hiơt kơ Ih. Kŭm ưh kơ pơm kơnê̆ tơdrong pơgơ̆p hăm Ih.

Horiso 44:20

Dah lu nhôn đei hiơt kơ anăn Kră Yang 'Bok Kei-Dei lu nhôn, Păng yơ̆r tid năm kiơ̆ yang nai.

Horiso 49:14

Thoi khŭl triu, đe wă 'bŭ lăm bơsat. Tơdrong lôch gô wei lu sư: Truh pơgê lu bơngai tơpăt gô pơgơ̆r lu sư, Tơdrong 'lơ̆ng rŏ lu sư ôm răm đĭ tơ pơlei lôch, ataih đơ̆ng anih lu sư oei.

Horiso 50:22

Thoi noh, ơ lu bơngai hiơt kơ Kră Yang 'Bok Kei-Dei, lăng bĕ tơdrong 'nâu. Inh gô hek pơrăm ih, ưh kơ đei bu dŏng ôh.

Tơdrông Pơđơk 14:32

Bơngai kơnê̆ gô răm lăm tơdrong yoch sư pơm. Mă khan oei lăm anih lôch bơngai tơpăt đei anih gơnang.

Tơdrông Pơđơk 5:22

Lu bơngai pơm kơnê̆ gô 'leh hơđong đơ̆ng tơdrong yoch sư kơdih. Tơdrong yoch sư kơdih gô chô̆ sư.

Êsai 3:11

Răm-'băm dêh kơ lu bơngai pơm kơnê̆, sư gô đei tơdrong pơmat-tat! Lu sư gô pŭ iŏk đêl ti lu sư pơm!

Êsai 5:14

Noh bơih na jing dêh hơtâu pơih 'măng sư rai să ha 'bơ̆r wă 'maih luăn sư ưh kơ pơdơh ôh, lu bơngai đe ư-ang păng kon pơlei pơla sư đĭ-đăng lu bơngai chơt hiôk oei lăm pơlei, tă kơ huŏng tơ lăm noh ngăl.

Je 13:25

'Nâu boih tơdrong Inh 'măn lê̆ kơ iĕm, đei klah asong hơgăt lê̆ pha ăn kơ ih.” Noh Kră Yang khan: Yua kơ iĕm hiơt kơ Inh boih; na gơnang kơ rup yang hơlĕnh pơdăr.

Je 18:15

Mă-lei kon pơlei Inh hiơt kơ Inh; Soh 'long 'bâu phu kơ rup yang kư̆ kă. Sơ̆ lu sư kiơ̆ trong so, mă-lei pơ̆k huŏng yua kơ rup yang, Na weh kiơ̆ trong nai, lu trong tam mă hơmet.

Je 2:32

Kon adruh hăm hiơt kơ tơmam pơguăng sư, mŏ mai hle hăm trŏ kơ sư hiơt kơ hơbĕn ao pơkong sư? Mă-lei kon pơlei Inh hiơt kơ Inh đunh boih pă kĕ jô̆ dang yơ.

Je 3:21

Đe kơtơ̆ng nơ̆r tơ kơpal kông groi: Noh nơ̆r lu kon pơlei Isơrael nhơ̆m hmoi păng ôr krao, yua kơ lu sư yak kiơ̆ trong glăi, hiong hiơt boih kơ Kră Yang 'Bok Kei-Dei lu sư.

Êsêkiên 22:16

Đe gô pơjăm ih 'bơ̆t anăp lu teh đak nai, kơplah noh ih gô băt Inh boih Kră Yang.

Hôsia 2:13

Inh gô phak sư yua kơ lu năr mă sư soh pơyơ̆r 'long 'bâu phu kơ rup yang Baal, sư pơguăng đoh maih tơ đon 'bot kong păng dôm tơmam gĭt na năm kiơ̆ pơyô sư, na sư hiơt boih kơ Inh!” Kră Yang khan thoi noh.

Tơdrông Tơ'bôh 20:15

Bơngai bu ưh kơ đei anăn đe chih tơ lăm sơ̆p hla bơar tơdrong arih, bơngai noh kư̆m trŏ kơ đe tơlơ̆ sư tơ lăm dơnâu ŭnh mơ̆n.

Tơdrông Tơ'bôh 21:8

Gah lu bơngai lêl, lu bơngai achăng tŭk tơdrong lui, lu bơngai pơm kơnê̆, lu bơngai pơlôch đe, lu bơngai pơm pơyô kư̆ kă, lu bơngai pơm pơjâu chă sol đe, lu bơngai kơkuh kơ yang nai, lu bơngai hơlĕnh pơdăr đon đe, đĭ lu bơngai thoi noh gô huŏng tơ dơnâu ŭnh tŏ hang hơt, 'noh tơdrong lôch mă 'bar.”