Horiso 89:5 - Sơ̆p Hlabơar Nơ̆r 'Bok Kei-Dei

⁵ Ơ Kră Yang, jơ̆p kơ plĕnh, gô kơkuh bơnê kơ tơdrong hlĭch chrơp Ih. Tơdrong tơpăt Ih đe kư̆m gô kơkuh bơnê. Tơ lăm khŭl 'lơ̆ng rơgoh.

Horiso 89:5 ပူးပေါင်းရင်းမြစ်များ

I Ho 17:11

Truh năr ih wă tôch lôch năm oei hơdai hăm lu 'bok ih, Inh gô pôk hơtŏk minh 'nu pơtrơp ih, minh 'nu lăm lu kon drŏ-nglo ih pơtrơp đơ̆ng ih, păng Inh gô ăn kơ dêh char sư kơjăp.

I Ho 17:12

Sư boih gô pơm minh pôm hnam kơ Inh păng Inh gô ăn tang-dŏ pơtao sư kơjăp ling-lang.

Jop 5:1

“Ih krao apinh bĕ, hăm đei bu tơl ih? Ih wă gơnang kơ bu lăm lu linh jang 'lơ̆ng rơgoh?

Horiso 132:11

Kră Yang đei pơkă pơkăm boih hăm Đawit. Sư ưh kơ đei sơngah dơ̆ng: “Inh gô pôk hơtŏk tơ tang-dŏ pơtao Ih. Minh 'nu kon drŏ-nglo lĕch đơ̆ng akâu akar Ih.

Horiso 19:1

Lu hơtăl plĕnh ră roi tơdrong ư-ang Kră Yang 'Bok Kei-Dei, Tơ plĕnh ti tơ'bôh tơdrong jang đơ̆ng ti Sư pơm.

Horiso 50:6

Tơ plĕnh roi tơbăt tơdrong tơpăt Sư. Yua kơ Kră Yang 'Bok Kei-Dei boih Tơ'ngla sek tơlang. Sêla

Horiso 61:8

Thoi noh inh gô hơri bơnê kơ anăn ling-lang. Păng rim năr pơm pơkeh dôm tơdrong inh pơkă.

Horiso 89:30

Tơdah kon sâu sư achăng lê̆ tơdrong juăt Inh, ưh kơ kiơ̆ nơ̆r Inh tơtă.

Horiso 89:37

Sư gô kơjăp ling-lang thoi măt khei. Thoi đei tơ'bôh sĭt tơ kơpal plĕnh noh.” Sêla

Horiso 89:7

Kră Yang 'Bok Kei-Dei trŏ kơ hli yom tơpă lăm khŭl Yang 'lơ̆ng rơgoh. Sư Kră Yang Tih Hloh. Trŏ kơ hli krưp hloh kơ lu Yang tăp dăr kơ Sư.

Horiso 97:6

Tơ jơ̆p kơ plĕnh roi tơdrong tơpăt Sư, păng đĭ-đăng kon pơlei 'bôh boih tơdrong ư-ang Sư.

Êsai 44:23

Ơ lu plĕnh, hơri chơt hiôk bĕ! Yua kơ Kră Yang pơm bơih tơdrong âu, Ơ teh đak ôr jreo bĕ, Ơ lu kông, ơ lu bri hăm lu 'long lăm noh hơri ôr bĕ! Yua kơ Kră Yang huai iŏk bơih Jakôp păng gô đei ư-ang lăm Isơrael.

Êsai 9:6

Tơdrong Sư pơgơ̆r rai tŏk păng hiôk-hian đei hơnơ̆ng ling-lang ưh kơ đei layơ tôch, tơ anih tang-dŏ pơtao Đawit păng dêh char pơtao pơgơ̆r noh kơjăp pran, hăm tơdrong sek tơlang trŏ păng tơdrong 'lơ̆ng tơpăt đơ̆ng dang ei truh tơ ning-mônh ưh kơ đei layơ tôch, jơhngơ̆m hưch hanh Kră Yang Tih Hloh sĭt gô pơm tơdrong noh!

Da 7:10

Đơ̆ng 'bơ̆t anăp sư, đei glung ŭnh ro tơ jơ̆p-jang; rơbâu hơngan linh jang awih awăn kơ sư păng rơbâu hơngan kon bơngai dơ̆ng 'bơ̆t anăp sư. Tơdrong sek tơlang hơmet lê̆ boih păng đe kư̆m pơih lu sơ̆p hla bơar.

Êphêsô 3:10

Mă dang ei Sư ăn kơ lu bơngai lui kơ Kon Sư tơbăt ăn kơ lu yŏng pơgơ̆r lu linh jang, tơbăt ăn kơ lu yŏng pơgơ̆r oei tơ kơpal plĕnh wă kơ lu sư băt kơ tơdrong tơchĕng 'Bok Kei-Dei hơgei tơpă wă tơgŭm kon bơngai.

Both 33:2

Sư khan: Kră Yang truh đơ̆ng kông Sinai. Pơchrang hơdah kơpal lu bơ̆n đơ̆ng Seirơ, păng rang mơnhal đơ̆ng Kông Paran; Sư truh hăm lơ rơbâu hơngan linh jang, Rang hơdah kơmlat lĕch đơ̆ng ti 'ma Sư.

II Tes 1:7

Sư ăn đĭ-đăng kơ lu bơ̆n huay kơ đei tơdrong gleh đơ̆ng năr Kră Yang Yêsu Krist jur đơ̆ng plĕnh. Sư jur hơdai hăm lu linh pran kơtang jang tơdrong Sư.

I Pet 1:12

'Bok Kei-Dei tơbăt kơ lu sư dôm tơdrong lu sư wă pơma khan lê̆ hơdrol noh, Sư ưh kơ ăn truh chăl arih lu sư ôh, Sư ăn truh chăl arih lu bơ̆n dang ei. Thoi noh na 'Bok Kei-Dei ăn Yang Bơhngol 'Lơ̆ng Sư jur oei hăm lu 'bok bơtho tơdrong 'nao 'lơ̆ng Yêsu Krist, na lu 'bok bơtho noh roi tơbăt kơ iĕm boih tơdrong Sư wă pơklaih bơ̆n noh. Lu linh jang kơpal plĕnh kư̆m wă kơ hlôh tơdrong 'noh mơ̆n.