Horiso 88:5 - Sơ̆p Hlabơar Nơ̆r 'Bok Kei-Dei

⁵ Đe lê̆ inh hăm lu bơngai lôch, thoi bơngai mă đe pơlôch tơ'bĭch lăm bơsat. Thoi bơngai mă Ih ưh pă 'blŏk boih, thoi lu bơngai mă ti Ih pă bơwei.

Horiso 88:5 ပူးပေါင်းရင်းမြစ်များ

Bl 19:29

Na, kơplah Kră Yang 'Bok Kei-Dei pơrăm lu pơlei lăm thŭng, wă khan pơlei mă Lot oei, na Sư oei 'blŏk hloi kơ Abraham păng sư pơklaih hloi Lot đơ̆ng anih mă pơrăm tih noh.

Bl 8:1

Kră Yang 'Bok Kei-Dei 'blŏk kơ Nôê păng dôm lu sem brem mă mơ̆t hơdai sư lăm duk, na Kră Yang 'Bok Kei-Dei ăn kial tih tơthu bah tơ kơpal teh, na đak sư dơ̆ng.

Jop 11:10

Tơdah Sư năm brih, rôp ih pơm bơnă, păng sek tơlang, lei bu gơh găn khă Sư?

Jop 17:1

Tơdrong arih inh wă tôch; khei năr inh wă jê̆ truh; Bơsat oei gô inh.

Jop 6:9

Kuă kơ kiơ Kră Yang lăp đon pơjuă bơhlơ̆r inh. Rŏ kơ Sư yua ti Sư chơ̆ng kơtĕch lê̆ chăl arih inh.

Horiso 136:23

Sư 'blŏk hơdơ̆r kơ lu nhôn răm-'băm. Tơdrong 'mêm Sư oei oei ling-lang.

Horiso 28:1

Ơ Kră Yang, inh krao apinh Ih, Ơ tơmo inh 'nĕ kơ chĭt đon Hăm inh. Dah Ih ngăn kơ inh. Inh gô thoi bơngai wă huŏng tơ lăm sơlŭng jrŭ.

Horiso 31:12

Inh jing bơngai lu sư hiơt, d thoi lôch boih, Inh thoi minh pôm ge pơchah pơchek.

Horiso 31:22

Lăm năr chhŭr nuih inh khan thoi âu: “Đe tơweh inh ataih boih đơ̆ng anăp Ih.” Mă-lei Ih mơ̆ng nơ̆r inh krao apinh. Kơplah inh krao Ih dŏng pơklaih.

Horiso 88:16

Tơdrong Ih hil dêh 'bơm tơ inh. Tơdrong Ih tơhli pơlôch pơrăm inh.

Êsai 53:8

Đe rôp sek tơlang sư ưh kơ trŏ na ba hloi sư na pơlôch; lăm jơhnơr hơdai hăm sư. Hăm đei bu băt tơchĕng khan sư lôch; yua kơ tơdrong yoch kon pơlei Inh, mă trŏ kơ sek tơlang păng pơlôch.

Êsêkiên 37:11

Kră Yang khan kơ inh: “Ơ kon bơngai, lu kơting âu boih đĭ kơ adrĕch Isơrael. To, lu sư khan: ‘Kơting lu bơ̆n kro boih, tơdrong hơmĕng lu bơ̆n hiong đĭ boih, lu bơ̆n lôch răm đĭ boih!’