Horiso 88:12 - Sơ̆p Hlabơar Nơ̆r 'Bok Kei-Dei

¹² Tơdrong mơsêh Ih gô tơbăt tơ anih măng mu mơ̆n hă? Păng hăm trŏ tơdrong tơpăt Ih gô tơ'bôh tơ lăm dêh mă đĭ pă 'blŏk?

Horiso 88:12 ပူးပေါင်းရင်းမြစ်များ

Horiso 143:3

Lu ayăt druh bơhngol inh, pơjuă bơhlơ̆r tơdrong arih inh tơ teh; Sư ăn kơ inh oei tơ lăm măng mu. Thoi bơngai lôch đĭ đunh boih.

Horiso 31:12

Inh jing bơngai lu sư hiơt, d thoi lôch boih, Inh thoi minh pôm ge pơchah pơchek.

Horiso 88:5

Đe lê̆ inh hăm lu bơngai lôch, thoi bơngai mă đe pơlôch tơ'bĭch lăm bơsat. Thoi bơngai mă Ih ưh pă 'blŏk boih, thoi lu bơngai mă ti Ih pă bơwei.

Bôk Bơthô 2:16

Tơpă đe kư̆m ưh kơ 'blŏk kơ bơngai hơgei dah bơngai kơtul ling-lang khŏm khŏm ôh, yua kơ bơ̆n băt lăm năr hơtuch kơnh bơngai hơgei dah bơngai kơtul đe kư̆m hiơt đĭ. Ơ! Bơngai hơgei dah bơngai kơtul kư̆m lôch lei-lăi.

Bôk Bơthô 8:10

Inh kư̆m đei 'bôh lu bơngai pơm kơnê̆ lôch, đei kon pơlei 'bŭ hơmet pơ'lơ̆ng; yua kơ sư juăt kơ năm tơ hnam akŭm. Na lu bơngai pơm 'lơ̆ng, oei kơtă lăm pơlei tih đe 'bônh kơ hiơt, noh kư̆m jơ̆ tơdrong kơ đei.

Bôk Bơthô 9:5

Bơngai arih sư băt kơdih sư gô lôch; mă-lei bơngai lôch ưh pă băt kiơ boih, kư̆m ưh kơ đei tơmam apah bơnê kiơ mơ̆n, yua kơ đe gô hiơt ưh pă đei bu 'blŏk kơ lu sư dơ̆ng.

Êsai 8:22

Đơ̆ng noh kŭp kơ̆l lăng tơ teh 'bôh tơdrong pơmat-tat măng mu, 'bôh tơdrong ơh sơ'ngon tơhuŏng lê̆ lu sư kơdih tơ anih măng mu gueo.

Mathiơ 8:12

Lu bơngai Juđê 'Bok Kei-Dei 'mêm kơeng kơ adrĕch adrung lu sư ră, mă-lei lu sư ưh kơ wă lui, na ning-mônh 'Bok Kei-Dei gô tơlơ̆ tŭk lu sư tơ lăm anih măng mu, lê̆ lu sư nhơ̆m hmoi tơkăp sơnĕnh tơ noh.”

Ju 1:13

Lu sư kư̆m thoi đak dơsĭ poh-yă tih, tơglăk kơmuh tơmông tơmang 'bĕnh-'bang tơdrong kơnê̆ 'mê̆-'mach. Păng thoi sơnglŏng nơnăm ưh pă tơklă kơ trong sư juăt kơ nơnăm. 'Bok Kei-Dei gô ăn kơ lu sư oei tơ anih măng mu ling-lang ưh kơ layơ tôch.