Horiso 88:11 - Sơ̆p Hlabơar Nơ̆r 'Bok Kei-Dei

¹¹ Tơdrong 'mêm Ih, đe gô ră roi tơ lăm bơsat hă? Tơdrong tơpăt Ih đe gô bơtho tơ lăm anih lôch răm mơ̆n hă?

Horiso 88:11 ပူးပေါင်းရင်းမြစ်များ

Jop 21:30

Lăm năr đei tơdrong truh, lu bơngai kơnê̆ oei gơh hiôk. Oei gơh klaih lăm năr hil mĭl?

Jop 26:6

Pơlei bơngai lôch tơlĕch pơdah bơih 'bơ̆t anăp Kră Yang 'Bok Kei-Dei, Păng sơlŭng jrŭ ưh kơ đei che pĕng hlơp,

Horiso 55:23

Ơ Kră Yang 'Bok Kei-Dei ih boih gô. Klơ̆m lu bơngai pơm kơnê̆ chă pơhlŭ đe. Lu sư ưh pă đei arih truh minh puăt chăl đêl pơkă. Gah inh gô lui gơnang kơ Ih.

Horiso 6:6

Jơhngơ̆m inh đĭ boih, yua kơ inh ôr krao, Rim măng inh nhơ̆m, dĭng giơng mah hơiuh.

Horiso 73:18

Tơpă Ih dan boih lu sư 'bơ̆t trong tơsĕr. Ăn kơ lu sư huŏng tơ lăm anih lôch hiong.

Tơdrông Pơđơk 15:11

Hơlŭng jrŭ dêh atâu lăm âu Kră Yang 'bôh đĭ; Pơma kiơ lăm jơhngơ̆m kon bơngai!

Êsai 26:19

Lu bơngai lôch lăm Ih gô iung arih, akâu akar lôch bơih lu sư gô iung dơ̆ng. Ơ lu bơngai lăm 'mui teh iung bĕ, hiôk chơt hơri bĕ. Đak ngom Ih nhen đak ngom pơgê hrôih, teh gô tơpŭ tơlĕch lu bơngai đơ̆ng lôch bơih.

Êsêkiên 37:3

Kră Yang khan kơ inh: “Ơ kon bơngai, lu kơting âu hăm oei gơh arih dah ưh?” Inh tơl: “Ơ Kră Yang Ih đĕch băt tơdrong noh!”

Mathiơ 7:13

“Iĕm athei adrin mơ̆t trong 'măng iĕ mă năm tơ anih arih ling-lang. Trong 'măng tih mơ̆t 'bônh ră, mă-lei năm tơ dơnâu ŭnh 'Bok Kei-Dei phak, kư̆m lơ bơngai năm trong noh.

Rom 9:22

Na 'Bok Kei-Dei Sư kư̆m pơm gô mơ̆ng kơ Sư wă. Tơ̆ng kiơ̆ kơ Sư ơh, athei phak lu bơngai kơnê̆ dang ei trŏ, wă kơ kon bơngai jơ̆p kơ teh đak ư-ang kơ Sư Yang mơsêh pran kơtang. Mă-lei dang ei 'Bok Kei-Dei oei ĕnh kơ tơdrong phak noh.

II Pet 2:1

Kơplah noh sơ̆ đei lu bơngai mơ'nah hơlĕnh pơdăr khan sư bơngai pơtruh nơ̆r 'Bok Kei-Dei. Na đei 'bok bơtho lu iĕm mơ'nah dang ei kư̆m lei-lăi, lu sư mơ̆t chur tơ tŏk-bŏk lu iĕm pơm chă bơtho pơjing kơdih khan tơdrong 'Bok Kei-Dei. Tơdrong lu sư chă bơtho noh wă pơrăm lu bơngai lui đĕch păng lu sư sơngah kơ Yŏng bơ̆n Yêsu Krist tơ'ngla mă huai iŏk lu sư tăm. Lu sư pơm thoi noh, 'Bok Kei-Dei Sư ưh kơ anat ôh, Sư gô phak hloi tơpă.