Horiso 87:4 - Sơ̆p Hlabơar Nơ̆r 'Bok Kei-Dei

⁴ “Inh gô roi gah Êyiptơ păng Babilôn lu bơngai char mă băt kơ inh. To Philistin, Tirơ păng Êthiôpi; Lu bơngai âu tơpŭ tơ Siôn.”

Horiso 87:4 ပူးပေါင်းရင်းမြစ်များ

Jop 9:13

Kră Yang 'Bok Kei-Dei ưh kơ đei lê̆ ôh tơdrong Sư hil; Lu bơngai tơgŭm Rahape bon drap ala jơ̆ng Sư.

Horiso 137:1

Lu nhôn oei ngôi cheng đak glung Babilôn. 'Blŏk kơ Siôn, na nhơ̆m.

Horiso 45:12

Kon adruhh Tir gô năm ba ăn tơmam, Păng lu bơngai mơdrŏng hloh lăm kon pơlei gô năm apinh tơdrong mơnat ih.

Horiso 68:31

Lu bơngai tơpăt gô lĕch đơ̆ng char Êyiptơ. Bơngai Êthiôpi gô hăt hot yơ̆r ti krao apinh Kră Yang 'Bok Kei-Dei.

Horiso 89:10

Kră Yang teh pơjuă Rahap.a Thoi akâu bơngai lôch. Ih yua kơkŏng ti pran Ih teh tơklah lu ayăt kơ Ih.

Êsai 19:11

Lu kră pơlei Sôan ngăl kơtul, lu bơngai hơgei oei jang hăm Pharaôn lu sư chă đon kơhlôh kơwao, liơ iĕm gơh khan kơ Pharaôn khan: “Inh jơ̆ minh lăm lu bơngai hơgei, kon sâu lu đe pơtao adrol sơ̆?”

Êsai 51:9

Ơ ti Kră Yang hơđơ̆r bĕ hơđơ̆r bĕ! Pơpôi jơhngơ̆m pran. Iung bĕ thoi sơ̆. Thoi jơhngơ̆m blŭng-a sơ̆! Hăm trŏ kơ Ih Tơ'ngla wă koh hơjăl Ahap, păng 'bet bơih kon sem brem tih noh dah kiơ?

Je 25:9

'nâu, Inh gô krao đĭ adrĕch adrung gah yă-nơ̆m păng đĭch đam Inh Nebukatnessar pơtao Babilôn,’ Kră Yang khan: ‘Inh gô ba lu sư blah iŏk dêh char âu hăm lu kon pơlei oei lăm char âu păng pơm kơ lu kon pơlei oei tăp dăr kơ char âu hai. Inh gô pơrăm đĭ lu sư, pơm kơ lu sư đe lăng 'brơ̆ krưp, đe pơjăm păng hiong răm hlŏng hloi.

Êsêkiên 28:2

“Ơ kon bơngai, khan bĕ kơ pơtao Tirơ: Kră Yang khan thoi âu; yua kơ jơhngơ̆m ih pơang, ih khan: “Inh jing yang hơ-oei kơpal tang-dŏ pơtao yang lăm tŏk-bŏk đak dơsĭ,” mă-lei ih kon bơngai đĕch, ưh kơ sĭ yang ôh mă khan ih tơchĕng khan ih hơgei thoi yang.

Da 4:30

Na sư khan: 'Nâu ưh kơ trŏ hă pơlei tih Babilôn mă đei pơdơ̆ng đơ̆ng tơdrong pran inh, wă pơm pơlei tơm lăm chăl pơtao inh păng wă pơư pơang 'lơ̆ng rŏ kơ inh.

Jang 8:27

Na Philip năm hloi. Kơplah Philip yak rok trong ei sư 'bôh minh 'nu bơngai pơm tih kư̆m oei yak rok trong ei mơ̆n. Bơngai pơm tih ei, sư khŭl bơngai dêh char Êthiôpia. Sư wei-lăng jên yă Kanđake. Yă Kanđake pơm pơtao dêh char Êthiôpia. Na bơngai mă wei jên yă pơtao ei, ki sư năm tơ Pơlei Jêrusalem năm kơkuh kơ 'Bok Kei-Dei.

Tơdrông Tơ'bôh 17:5

Klĕng bơngai drŏ-kăn noh đe chih anăn sư, mă đe chih tơwer hrĕp. Đe chih thoi âu: “Pơlei Babilôn pơlei tih dêh mĕ kơ lu drŏ-kăn đi, tơ'bôh kơ đe tơdrong 'mê̆ jơ̆p kơ teh đak.”

Tơdrông Tơ'bôh 18:2

Sư pơma 'bơ̆r re kơ đe thoi âu: “Pơlei Babilôn, pơlei tih dêh, pơchah răm boih, ăn ngôi kơ yang sơmăt mă đe anăn yang kơnê̆ oei, păng đĭ lu sem brem sem păr pơm tơpu oei hơdai lăm noh 'mê̆-'mach dêh.

I Sam 17:8

Gôliat, sư dơ̆ng krao ôr lu bơngai Isơrael khan: Yua kơ kiơ lu iĕm 'maih tơblah? Inh âu bơngai tih kơjung nuih kơtang lăm lu linh Philistin, lu iĕm đĭch đam Sôl dah kiơ? Rơih bĕ minh 'nu đơ̆ng lăm lu iĕm jur năm tơblah inh âu.