Horiso 86:12 - Sơ̆p Hlabơar Nơ̆r 'Bok Kei-Dei

¹² Ơ Kră Yang 'Bok Kei-Dei inh. Inh kơkuh bơnê kơ Ih hăm đĭ jơhngơ̆m. Inh gô ư-ang anăn Ih ling-lang.

Horiso 86:12 ပူးပေါင်းရင်းမြစ်များ

I Ho 29:13

Dang ei, ơ Kră Yang 'Bok Kei-Dei lu nhôn, lu nhôn bơnê kơ Ih păng hơri ư-ang anăn Ih.

I Ho 29:20

Đawit khan kơ đĭ-đăng tơpôl: “Iĕm athei hơri bơnê kơkuh kơ Kră Yang 'Bok Kei-Dei lu iĕm.” Na đĭ-đăng khŭl tơpôl hơri bơnê hloi kơ Kră Yang 'Bok Kei-Dei yă 'bok lu sư, lu sư kŭp kơ̆l drap kơkuh kơ Kră Yang, păng kơkuh kơ pơtao.

Horiso 104:33

Đĭ chăl arih inh gô hơri bơnê kơ Kră Yang. Inh oei arih dang yơ, inh gô hơri bơnê kơ Kră Yang 'Bok Kei-Dei dang noh;

Horiso 34:1

Inh gô ư-ang akâu Kră Yang ling-lang. Tơdrong ư-ang kơ Sư oei 'bơ̆t hơkŭng inh

Horiso 9:1

Inh gô bơnê kơ Ih. Ơ Kră Yang, hăm đĭ jơhngơ̆m, Inh gô ră roi dôm tơdrong jang hlĭch chrơp Ih,

Horiso 9:2

Ơ Kră Yang Tih Hloh, inh gô chơt 'nă hal lăm Ih, păng hơri bơnê kơ Anăn Ih

Êsai 12:1

Lăm năr noh ih gô khan: “Ơ Kră Yang inh bơnê kơ Ih. Mă khan Ih hil mĭl kơ inh ră, mă-lei tơdrong Ih hil mĭl ưh pă đei bơih păng Ih pơlung inh bơih.

Jang 8:36

Kơplah bre sư oei yak rok trong ei, bre sư 'bôh đak. Na bơngai ei khan kơ Philip: “Ih lăng 'bơ̆t âu đei đak glung. Ih hăm gơh pơm kơ inh 'batem dang ei dah ưh?”

Rom 15:6

Thoi noh na đĭ-đăng kơ iĕm jing pôm 'bơ̆r pôm đon ư-ang Kră Yang 'Bok Kei-Dei mă 'Bă Yŏng Kơdră bơ̆n Yêsu Krist.

I Kor 10:31

Na inh tơl iĕm thoi âu: Mă tôm tơdrong bơ̆n sŏng sa nhă đak, mă tôm tơdrong bơ̆n jang pơm tơdrong kiơ, bơ̆n athei băt pơư pơang anăn 'Bok Kei-Dei lăm tôm tơdrong 'noh.

I Kor 6:20

yua kơ 'Bok Kei-Dei huai iŏk bơ̆n păng tơmam gĭt Sư tơpă. Thoi noh na bơ̆n dah pơyơ̆r bĕ akâu bơ̆n kơ Sư wă pơư pơang anăn Sư.

Êphêsô 5:19

Păng bơ̆n athei hơri bơnê kơ Kră Yang hăm đĭ jơhngơ̆m, mă bơ̆n hơri tơdrong 'Bok Kei-Dei hơdai hăm bơngai tơpôl, mă bơ̆n hơri tơdrong lu bơngai kră sơ̆, mă bơ̆n hơri tơdrong lu bơngai dang ei, mă bơ̆n hơri kiơ̆ kơ đon bơ̆n tơchĕng kơdih.

Both 6:5

Na lu iĕm athei đĭ jơhngơ̆m klơm klak, đĭ đon tơchĕng đĭ jơhngơ̆m pran 'mêm kơ Kră Yang 'Bok Kei-Dei iĕm.