Horiso 86:10 - Sơ̆p Hlabơar Nơ̆r 'Bok Kei-Dei

¹⁰ Ih Kră Yang mơsêh, pơm tôm tơdrong hlĭch chrơp; Lăp minh 'nu Ih đĕch Kră Yang 'Bok Kei-Dei.

Horiso 86:10 ပူးပေါင်းရင်းမြစ်များ

Jop 11:7

Ih hăm kĕ hlôh băt tơdrong jrŭ hlĭch Kră Yang 'Bok Kei-Dei. Păng băt tôch hơđăl kơ Kră Yang Tih Hloh?

Horiso 72:18

Trŏ kơkuh bơnê kơ Kră Yang 'Bok Kei-Dei bơngai Isơrael, Lăp minh 'nu Sư đĕch pơm tơdrong hlĭch chrơp!

Horiso 86:8

Ơ Kră Yang, lăm lu yang ưh kơ đei bu thoi Ih; Dôm tơdrong jang lu sư kư̆m ưh kơ đei thoi tơdrong jang Ih.

Le 15:11

Ơ Kră Yang! Lăm lu yang bu yang, thoi Ih? 'Lơ̆ng rơgoh, mơsêh mơyang, mă đei ư-ang, Trŏ kơ hli, trŏ kơ pơyom, gơh pơm dôm tơdrong hlĭch chrơp.

Êsai 37:16

Ơ Kră Yang Tih Hloh, 'Bok Kei-Dei đe Isơrael, Tơ'ngla hơ-oei tŏk-bŏk chêrubim, lăp minh Ih đĕch jơ̆ Kră Yang 'Bok Kei-Dei mă pơgơ̆r rim teh đak; Ih bơih pơjing plĕnh păng teh.

Êsai 37:20

Ơ Kră Yang, Kră Yang 'Bok Kei-Dei lu nhôn, dang ei apinh Ih dŏng pơklaih lu nhôn đơ̆ng ti Senakêrip, wă kơ rim teh đak băt kơ minh Ih đĕch Kră Yang!

Êsai 45:5

Inh bơih Kră Yang, ưh kơ đei yang nai dơ̆ng ôh, 'nguaih kơ Inh ưh kơ đei Yang nai dơ̆ng. Mă đơ̆ng ih ưh kơ băt kơ inh, Inh gô ăn kơ ih pran kơtang.

Markôs 12:29

Yêsu khan kơ sư thoi âu: “Đĭ-đăng tơdrong juăt, tơdrong juăt âu kăl hloh: ‘Ơ bơngai Isơrael, pôm Kră Yang bơ̆n 'Bok Kei-Dei đĕch Kră Yang tih hloh.

Jang 4:30

Apinh Ih yua mơsêh mơyang Ih wă pơklaih đe jĭ jăn. Păng apinh Kon Ih Yêsu mă 'lơ̆ng tơpăt ăn kơ nhôn pơm lơ tơdrong mơsêh mơyang.”

I Kor 8:4

Thoi noh na gah tơdrong sa tơmam đe sơmah kơ yang bơ̆n băt mơ̆n rup yang ưh kơ sĭ yang tơpă ôh. Mă tơpă bơ̆n băt kơ minh 'nu đĕch Kră Yang Tih Hloh.

Êphêsô 4:6

Kră Yang bơ̆n kư̆m lăp minh 'nu 'Bok Kei-Dei đĕch, Sư 'Bă tơm kơ đĭ-đăng. Sư boih tih hloh, Sư pơgơ̆r đĭ-đăng kơ bơ̆n, tơgŭm đĭ-đăng kơ bơ̆n, oei hơdai đĭ-đăng kơ bơ̆n.

Both 32:39

Lăng bĕ, Inh âu boih Kră Yang 'Bok Kei-Dei. 'Nguaih kơ Inh ưh kơ đei yang nai dơ̆ng. Inh gơh ăn lôch păng ăn arih dơ̆ng, Inh teh rơka păng Inh ming pơklaih. Ưh kơ đei bu gơh tơgar iŏk klaih đơ̆ng tơpang ti Inh.

Hêbrơ 2:4

'Bok Kei-Dei ăn kơ lu bơngai noh gơh pơm lơ tơdrong mơsêh wă tơbăt kơ bơ̆n tơdrong noh sĭt tơpă. Păng Sư ăn kơ lu bơngai lui, Yang Bơhngol 'Lơ̆ng hơgei gơh pơm lơ tơdrong nai dơ̆ng, mă Sư ăn pơm kiơ̆ thoi Sư lăp đon.