Horiso 85:12 - Sơ̆p Hlabơar Nơ̆r 'Bok Kei-Dei

¹² Sĭt tơpă, Kră Yang gô ăn pŭn hiôk, Păng teh bơ̆n gô đei plei sa.

Horiso 85:12 ပူးပေါင်းရင်းမြစ်များ

Horiso 67:6

Teh pơjing boih kơ lu 'nhot sa hla pơkao. Kră Yang 'Bok Kei-Dei jơ̆ Kră Yang 'Bok Kei-Dei lu nhôn, gô ăn pŭn hiôk kơ lu nhôn.

Horiso 72:16

Ăn kơ đei 'ba hơbŏ rơkah rơkai tơ kơpal teh păng 'bĕnh tơ kơpal kông; plei 'long sa lơlap thoi bri tơ char Liban. Ăn kơ kon pơlei oei lăm pơlei tih gô hrôh ngôh thoi 'nhĕt tơ mir.

Horiso 84:11

Kră Yang 'Bok Kei-Dei jơ̆ măt 'năr păng khêl; Kră Yang ăn tơdrong mơnat păng ư-ang, Sư ưh kơ đei sơngah ôh ăn tơdrong 'lơ̆ng rŏ. Kơ bu mă oei arih sa tơpăt.

Êsai 32:15

Dĭng truh kơ Yang bơhngol đơ̆ng kơpal plĕnh jur tơ lu bơ̆n, char glă gô jing chŭn mir teh mơ̆r 'lơ̆ng, chŭn mir teh mơ̆r 'lơ̆ng noh chăt jing dang lĕ kơ bri brah.

Êsai 45:8

Ơ lu plĕnh tơ kơpal ti, ăn bĕ hơmơ̆l tuh tơdrong 'lơ̆ng tơpăt thoi 'mi. Ơ teh pơih bĕ mă să, wă kơ găr tơdrong dŏng pơklaih, păng găr tơdrong 'lơ̆ng tơpăt chăt bluh tơmơ̆ng! Inh bơih Kră Yang Tơ'ngla pơjing tơdrong noh.

Lêwi 25:19

Teh gô chăt lơ plei 'long sa, lu iĕm gô sa phĭ jơnap păng arih hiôk hơđơ̆ng lăm char iĕm.

Lêwi 26:4

thoi noh Inh gô tơjur ăn đak 'mi trŏ kơ bơyan sư lăm teh gô đei lơ 'long plei sa tơ mir gô đei 'nhot sa.

Mi 6:8

Ơ kon bơngai: Tơdrong mă Kră Yang wă kơ ih pơm 'lơ̆ng tơpăt, wă kơ đei tơdrong 'mêm mơnat păng yak năm hăm jơhngơ̆m iơ̆m dim, pơyom kơ 'Bok Kei-Dei ưh?

Sa 8:12

“Yua kơ tơ noh gô đei găr adrĕch hiôk-hian; tơm hơmu gô đei plei păng teh gô jing mơ̆r chăt lu tơmam sa, đơ̆ng plĕnh gô đei tŭk jur, Inh gô pơm kơ lu kon pơlei mă oei oei âu gơh yua dôm tơdrong noh.

Mathiơ 13:23

Gah lu bơngai mă thoi lĕ kơ găr 'ba huŏng 'bơ̆t teh 'lơ̆ng, lu bơngai noh boih kơtơ̆ng tơdrong 'Bok Kei-Dei păng hlôh wao, kiơ̆ hloi kơjăp, na đei plei tơpă, mơ'nah minh-hrĕng, mơ'nah tơdrâu-jĭt, mơ'nah pêng-jĭt.”

Mathiơ 13:8

Kư̆m đei mơ'nah huŏng tơ teh 'lơ̆ng, na đei hloi plei trem mơ'nah minh-hrĕng, mơ'nah tơdrâu-jĭt, mơ'nah pêng-jĭt.

Jang 2:41

Thoi noh lu bơngai mă iŏk nơ̆r bơtho 'noh, lu sư iŏk 'batem. Lăm năr 'nei đei dang pêng-rơbâu 'nu bơngai mơ̆t tơ lu bơngai lui.

Jang 21:20

Hlôi sư pơma đang boih na lu sư khan bơnê kơ Kră Yang 'Bok Kei-Dei. Klaih kơ noh lu sư khan kơ Pôl: “Ơ oh, ih băt boih đei dôm rơbâu 'nu bơngai Juđê lui kơ Kră Yang Yêsu boih. Đĭ-đăng lu sư adrin kiơ̆ tơdrong juăt Môis ngăl.

I Kor 1:30

'Bok Kei-Dei ăn kơ bơ̆n oei hơdai minh jơhngơ̆m minh đon hăm Yêsu Krist. 'Bok Kei-Dei ăn kơ Kon Sư Yêsu Krist tơbăt ăn kơ bơ̆n gơh tơchĕng hơgei gah tơdrong Sư. Yua kơ đơ̆ng Yêsu Krist na 'Bok Kei-Dei huai iŏk bơ̆n đơ̆ng tơdrong yoch, Sư jô̆ bơ̆n jing bơngai tơpăt hăm Sư păng Sư ăn kơ bơ̆n jing bơngai 'lơ̆ng.

Êphêsô 1:3

Bơnê kơ Kră Yang 'Bok Kei-Dei 'Bă Yêsu Krist Yŏng bơ̆n, yua kơ Sư ăn kơ bơ̆n tôm tơdrong hiôk 'lơ̆ng tơ plĕnh ti. Bơ̆n đei tôm tơdrong noh yua kơ bơ̆n lui kơ Yêsu Krist.

Ya 1:17

Yua kơ tơdrong hiôk tơdrong 'lơ̆ng ưh kơ lĕch đơ̆ng nai ôh, tă lĕch đơ̆ng 'Bok Kei-Dei ngăl. Sư boih pơjing ăn kơ bơ̆n tôm tơdrong hơdah, thoi kơ măt 'năr, măt khei, lu sơnglŏng. Sư pơchrang hơdah kơ bơ̆n ling-lang ưh kơ tơplih kiơ phara ôh.