Horiso 79:3 - Sơ̆p Hlabơar Nơ̆r 'Bok Kei-Dei

³ Lu sư pơlôch pham lĕch thoi đak ro tăp dăr kơ pơlei Jêrusalem. Ưh kơ đei bu 'bŭ akâu bơngai lôch.

Horiso 79:3 ပူးပေါင်းရင်းမြစ်များ

Horiso 141:7

“Thoi đe rơuơ chŭn păng choh teh Kơting lu sư tơrak 'brak tơ 'măng jang dêh atâu.”

Horiso 79:10

Yua kơ kiơ lu teh đak pơ̆n khan: “Kră Yang 'Bok Kei-Dei lu sư tơ yơ?” 'Bơ̆t anăp lu nhôn ăn kơ kon bơngai băt iung kơting kơ lu đĭch đam Ih, mă đe pơlôch boih.

Je 14:16

Lu kon pơlei mă mơ̆ng lu sư khan lê̆ adrol noh kư̆m lôch kơ đao gưm, pơngot rơwĕt hơdai hăm akăn, hăm kon drŏ-nglo kon drŏ-kăn lu sư. Akâu lu sư đe gô klơ̆m lê̆ hnơ̆k hnăk tơ rok trong pơlei Jêrusalem, ưh kơ đei bu 'bŭ. Inh gô tuh tơdrong kơnê̆ đêl lu sư pơm tơ kơ̆l lu sư.”

Je 15:3

Kră Yang khan: “Inh wă phak đei puăn tơdrong: Wă pơlôch păng đao gưm, kŏ gô hek sa, sem grơ̆ păng lu sem bri gô kăp sa păng pơrăm đĭ lu sư.

Je 16:4

“Lu sư gô lôch hơbuh krưp dêh; ưh kơ đei bu hmoi ưh kơ đei bu 'bŭ lu sư, akâu bơngai lôch jing mơ̆r kơ teh. Lu sư gô lôch kơ đao gưm păng lôch kơ pơngot rơwĕt. Akâu lôch lu sư gô ăn kơ sem păr păng sem bri sa.”

Je 25:33

Lăm năr noh akâu atâu bơngai mă Kră Yang pơlôch 'bĕnh-'bang jơ̆p kơ teh đơ̆ng gah âu truh tơ gah to, ưh kơ đei bu hmoi, ưh kơ đei bu 'bŭ hơmet, gô pơm mơ̆r kơ teh!

Je 34:20

Inh jao lu sư tơ lăm ti lu bơngai ayăt kơ lu sư, lu bơngai 'maih wă pơlôch pơrăm lu sư. Atâu akâu lu sư lôch gô ăn kơ sem grơ̆ păng sem bri sa.

Jêphania 1:17

Inh gô ba tơdrong gleh truh kơ kon bơngai. Lu sư gô yak nơnăm thoi lu bơngai măt tol, yua kơ lu sư đei pơm yoch hăm Kră Yang; đe gô 'bet lu sư. Pham lu sư lĕch thoi 'mui teh păng sĕch lu sư thoi 'mê̆ mơ̆r.

Mathiơ 23:35

Lu bơngai 'lơ̆ng lôch yua kơ lu bơngai thoi iĕm âu lơ boih tơpă, đơ̆ng Kain pơlôch Abel blŭng-a sơ̆ truh tơ iĕm pơlôch Sachari kon 'bok Barachi tơ hnam 'Bok Kei-Dei tơm.

Rom 8:36

Tơdrong 'noh lăm sơ̆p hla bơar 'Bok Kei-Dei đe chih thoi âu: “Ơ 'Bok Kei-Dei, yua kơ nhôn lui kơ Ih, đe nŏng kơ chă nhôn pă dơh năr wă pơlôch. Đe lăng nhôn thoi lĕ kơ triu đe wă 'buh sa.”

Tơdrông Tơ'bôh 11:9

Đĭ-đăng kon tơring tơrang rim dêh, rim teh đak, rim nơ̆r pơma wang luh năm lăng bre sư lôch, kuă ăn 'bŭ bre sư truh tơ pêng năr minh puăt.

Tơdrông Tơ'bôh 16:6

yua kơ lu sư pơlôch tuh pham lu kon Ih, păng lu bơngai pơtruh nơ̆r Ih, na dang ei Ih pơkăl ăn kơ lu sư huch pham 'noh trŏ tơpă.”

Tơdrông Tơ'bôh 17:6

Păng inh 'bôh sư suai kơ pham lu bơngai lui, lu bơngai năm ră roi tơdrong Kră Yang Yêsu. Inh 'bôh bơngai drŏ-kăn noh inh sơleng kơ đon, ưh kơ hlôh tơdrong kiơ.

Tơdrông Tơ'bôh 18:24

“'Bok Kei-Dei phak pơlei noh yua kơ đei pham lu bơngai pơtruh nơ̆r Sư, pham lu kon Sư păng pham dôm lu bơngai mă đe pơlôch jơ̆p kơ teh đak ro lăm pơlei noh.”