Horiso 79:1 - Sơ̆p Hlabơar Nơ̆r 'Bok Kei-Dei

¹ Ơ Kră Yang 'Bok Kei-Dei, lu bơngai tơmoi blah iŏk boih teh đak Ih. Pơm mơgrĭ kơ hnam akŭm Ih păng pơm kơ Jêrusalem hĕch hoch đĭ.

Horiso 79:1 ပူးပေါင်းရင်းမြစ်များ

II Pot 24:13

Thoi nơ̆r Kră Yang hlôi khan, pơtao Babilôn iŏk lê̆ đĭ dôm lu tơmam kăp đơ̆ng lăm hnam akŭm kơkuh kơ Kră Yang păng dôm lu tơmam gĭt đơ̆ng lăm hnam pơtao, teng iŏk lu tơmam yua lăm hnam akŭm kơkuh kơ Kră Yang mă Sôlômôn pơtao đe Isơrael hlôi pơm hăm maih.

II Ho 36:17

Kră Yang 'Bok Kei-Dei ăn pơtao bơngai Babilôn, iŏk đao gưm pơlôch lu kon tơdăm lăm anih rơgoh lu sư, ưh pă 'mêm mơnat kơ bu, tơdăm dah adruh 'lơ̆p, kră mă pă kĕ. Kră Yang 'Bok Kei-Dei jao đĭ lu sư lăm ti pơtao Babilôn.a

II Ho 36:19

Lu linh Babilôn soh hnam Kră Yang 'Bok Kei-Dei, teh pơchah lê̆ dur pơlei Jêrusalem, soh đĭ hnam pơtao păng pơrăm đĭ lu tơmam kăl yua lăm pơlei.

Horiso 50:1

Tơ'ngla mơsêh, jơ̆ Kră Yang 'Bok Kei-Dei, Kră Yang khan: Sư krao kon bơngai lăm teh đak. Đơ̆ng gah măt 'năr lĕch, truh tơ gah măt 'năr mơ̆ta

Horiso 78:71

Sư rôp iŏk Đawit đơ̆ng oei wei-lăng triu. Wă kơ Đawit jing bơngai wei-lăng adrĕch Jakôp, kon pơlei pơla Sư. Pơm pơtao Isơrael, kon pơlei pơla sư.

Le 15:17

Ơ Kră Yang! Ih gô ba lu sư mơ̆t păng pơtăm lu sư tơ kơpal kông Ih. Ơ Kră Yang; anih Ih đei hơmet boih, wă pơm anih Ih oei, Ơ Kră Yang! Anih 'lơ̆ng rơgoh mă ti Ih đei pơjing boih.

Êsai 47:6

Inh hil mĭl kơ kon pơlei Inh, Inh pơm kơ mŭk tơmam Inh jing 'mê̆-'mach, Inh pơjao đĭ lu sư lăm tơpang ti ih. Mă-lei ih ưh kơ đei 'mêm mơnat kơ lu sư; Ih tơ'băk bơih 'long ăt trăp kơpal bơngai kră pă kĕ.

Êsai 63:18

Kon pơlei 'lơ̆ng rơgoh Kră Yang 'nao đei anih 'nâu ưh tăm mă đunh; mă-lei bơngai ayăt kơ nhôn pơjuă lê̆ bơih anih 'lơ̆ng rơgoh Ih.

Je 26:18

Mika pơlei Môrêsêt, bơngai khan lê̆ adrol lăm chăl Hesekia, pơtao đe Juđa, kư̆m đei khan lê̆ adrol hăm lu bơngai Juđa: ‘Kră Yang Tih Hloh khan: Siôn đe gô choh rơuơ thoi chŭn, Jêrusalem gô pơchah răm jing juơ, păng kông đe man hnam akŭm jing bri kơdrơ̆ng.’

Je 39:8

Bơngai Kalđê iŏk ŭnh soh hnam pơtao, đĭ hnam kon pơlei păng teh pơchah lê̆ dur pơlei Jêrusalem.

Je 51:51

Lu nhôn mơlâu dêh, yua kơ đe pơjăm pơjuă lu nhôn, tơdrong mơlâu gom 'bĕnh kơ muh măt lu nhôn. Yua kơ lu bơngai tơmoi mơ̆t boih lăm Anih 'Lơ̆ng Rơgoh Kră Yang.”

Je 52:13

Sư athei đe soh hnam Kră Yang, hăm hnam pơtao păng đĭ-đăng hnam lăm pơlei Jêrusalem. Mă lu hnam kuan tih oei ŭnh sa đĭ.

Nhom 1:10

Lu bơngai ayăt yơ̆r ti boih wă iŏk dôm tơmam 'lơ̆ng sư; Yua kơ lu sư 'bôh boih lu kon pơlei tơmoi năm mơ̆t lăm anih rơgoh sư. Lu kon pơlei tơmoi noh Kră Yang đei khan: Ưh kơ gơh kơ mơ̆t ôh lăm khŭl sư;

Êsêkiên 9:7

Kră Yang khan kơ lu sư: “Pơm bĕ kơ hnam akŭm jing 'mê̆-'mach. Tuh tơ cham hnam akŭm 'bĕnh kơ bơngai lôch. Năm bĕ!” Na lu sư lĕch năm pơlôch đe lăm pơlei.

Mi 3:12

Thoi noh yua kơ lu iĕm, Siôn đe gô choh rơuơ thoi chŭn. Jêrusalem gô pơchah pơchek jing rơ̆m rĕk kông hnam yang jing thoi bri brah!

Luka 21:24

Đe gô koh pơlôch lu sư păng đao. Đe gô rôp lu sư, anhăk lu sư jơ̆p kơ teh đak pơm bơnă đe. Lu bơngai dêh đe gô pơjuă pơđep Pơlei Jêrusalem truh tơ 'Bok Kei-Dei ăn kơ sư rơngei đơ̆ng lu bơngai dêh đe ning-mônh.

Tơdrông Tơ'bôh 11:2

Gah tơ 'ngoaih hnam tơ cham ih lê̆ kơ pơtŏ kư̆m bưh, yua kơ cham noh đe pơjao ăn kơ lu bơngai oei tơ teh âu juă lăm pơlei 'lơ̆ng wă khan Pơlei Jêrusalem kơplah lăm puăn-jĭt 'bar khei.