Horiso 78:72 - Sơ̆p Hlabơar Nơ̆r 'Bok Kei-Dei

⁷² Đawit wei lu sư kiơ̆ kơ jơhngơ̆m 'lơ̆ng tơpăt. Hăm tơdrong gơh hơgei na chông anhăk lu sư.

Horiso 78:72 ပူးပေါင်းရင်းမြစ်များ

II Sam 8:15

Đawit pơm pơtao pơgơ̆r kơ đĭ-đăng dêh char Isơrael, pơgơ̆r kon pơlei sư hăm tơdrong juăt trŏ tơpăt.

I Pot 15:5

yua kơ Đawit đei pơm bơih 'lơ̆ng tơpăt 'bơ̆t anăp Kră Yang, sư pơm kiơ̆ tôm tơdrong mă Kră Yang tơtă kơ sư lăm đĭ chăl arih sư, lăp minh tơdrong pơm glăi hăm Uri bơngai Hêtit đĕch.

I Pot 3:28

Đĭ-đăng bơngai Isơrael kơtơ̆ng tơdrong pơtao sek tơlang noh lu sư hli yom ư-ang kơ pơtao, yua kơ lu sư 'bôh pơtao đei tơdrong gơh hơgei đơ̆ng Kră Yang 'Bok Kei-Dei, wă kơ sek tơlang tơpăt.

I Pot 9:4

“Gah ih, tơdah ih yak kiơ̆ trong Inh kư̆m thoi Đawit, 'bă ih yak năm bơih hăm jơhngơ̆m đon rơgoh 'lơ̆ng tơpăt pơm kiơ̆ dôm nơ̆r Inh athei ih, wei răk dôm nơ̆r Inh pơkă tơtă khan kơ ih,

Horiso 75:2

Truh 'bơ̆t jơ Inh pơkă boih, Inh gô đei sek tơlang tơpăt.

Êsêkiên 34:2

Ơ kon bơngai, khan lê̆ adrol wă blah plơ̆ lu bơngai wei triu, lu bơngai wei rong Isơrael; khan lê̆ adrol pơma kơ lu sư, athei khan lê̆ kơ bơngai wei triu: Kră Yang khan thoi âu: Răm-'băm tơpă, ơ lu bơngai wei rong Isơrael, lăp hiơ̆k kơ wei rong kơdih akâu đĕch, hăm trŏ kơ lu bơngai wei triu noh wei rong khŭl triu dah kiơ?

Jang 13:22

Klaih kơ noh 'Bok Kei-Dei tơlĕch 'bok pơtao Sôl, tơplih Đawit dơ̆ng pơm pơtao lu sư. Na 'Bok Kei-Dei jô̆ kơ Đawit thoi âu: ‘Inh lăp đon păng Đawit kon 'bok Jesê, sư gô pơm kiơ̆ kơ Inh wă ling-lang.’

Jang 13:36

Gah Đawit, lăp sư oei arih sư pơm kiơ̆ kơ 'Bok Kei-Dei wă. Na sư lôch, đe 'bŭ akâu sư hơdai păng lu 'bok sư, akâu sư jing ôm.

II Tim 2:15

Ơ Timôthê, ih athei adrin jang tơdrong 'Bok Kei-Dei wă kơ Sư lăp đon kơ tơdrong jang ih tơpă. Ih jang thoi noh ih huay kơ mơlâu kơ tơdrong jang ih ôh, yua kơ ih bơtho trŏ tơdrong 'Bok Kei-Dei.

Ya 1:5

Tơ̆ng đei lăm lu iĕm bơngai bu ưh tam gan hlôh tơdrong 'Bok Kei-Dei, bơngai noh athei apinh 'Bok Kei-Dei ăn kơ sư hlôh. Na 'Bok Kei-Dei gô ăn kơ sư hlôh tơpă, yua kơ 'Bok Kei-Dei hơlăng dêh, Sư ưh kơ kret ôh kơ lu bơngai mă apinh Sư păng Sư huay kơ hil kơ lu bơngai mă apinh Sư noh.