Horiso 78:7 - Sơ̆p Hlabơar Nơ̆r 'Bok Kei-Dei

⁷ Wă kơ lu sư đei jơhngơ̆m băt gơnang kơ Kră Yang 'Bok Kei-Dei. Wă huay kơ hiơt kơ dôm tơdrong Kră Yang đei pơm. Păng wei răk dôm nơ̆r Sư tơtă.

Horiso 78:7 ပူးပေါင်းရင်းမြစ်များ

Horiso 103:2

Ơ bơhngol inh, kơkuh bơnê bĕ kơ Kră Yang. 'Nĕ hiơt dôm tơdrong 'lơ̆ng Sư pơm.

Horiso 105:45

Wă kơ lu sư bơwei tơdrong Kră Yang tơtă Păng pơm kiơ̆ dôm khôi juăt Sư Halêluya!

Horiso 105:5

Athei 'blŏk bĕ dôm tơdrong jang hlĭch chrơp Sư đei pơm boih Tơdrong hlĭch chrơp păng tơdrong sek tơlang đơ̆ng 'bơ̆r sư đei khan.

Horiso 146:5

Pŭn dêh kơ bơngai bu đei Kră Yang 'Bok Kei-Dei Jakôp tơgŭm Sư. Bơngai bu hơmĕng kơ Kră Yang 'Bok Kei-Dei sư!

Horiso 40:4

Pŭn dêh kơ đe bu mă gơnang kơ Kră Yang. Ưh kơ kiơ̆ lu bơngai pơang Păng lu bơngai chă yang glăi!a

Horiso 62:5

Ơ bơhngol inh pơdơh bĕ tơ anih Kră Yang 'Bok Kei-Dei; Yua kơ inh chang hơmĕng kơ Sư.

Horiso 91:14

Kră Yang khan: “Yua kơ ih 'mêm kơ Inh na Inh gô dŏng pơklaih ih; Yua kơ ih băt anăn Inh. Na Inh gô wei-lăng ih

I Kor 11:24

krao khan bơnê kơ 'Bok Kei-Dei na phĕ hloi 'bĕng mi 'noh păng khan: “'Bĕng âu boih akâu Inh. Akâu Inh âu boih wă pơchah yua kơ iĕm. Iĕm kư̆m athei pơm thoi âu ling-lang wă 'blŏk hơdơ̆r kơ Inh.”

Both 4:9

Athei wei răk, pơ'lơ̆ng kơdih akâu iĕm, kơnh hli kơ iĕm hiơt dôm tơdrong mă măt lu iĕm 'bôh boih păng 'nĕ ăn lu tơdrong noh lĕch đơ̆ng lăm jơhngơ̆m iĕm păng athei bơtho bĕ kơ lu kon sâu se iĕm dơ̆ng.

Both 5:29

Ô tơdah lu kon pơlei âu đei jơhngơ̆m hli yom kơ Inh hăm wei răk dôm lu nơ̆r Inh tơtă ling-lang lu sư păng kon sâu lu sư gơh đei tơdrong pŭn hiôk ling-lang.

Both 6:12

Lu iĕm kơchăng bĕ kơdih 'nĕ hiơt kơ Kră Yang tơ'ngla chông tơlĕch iĕm đơ̆ng dêh Êyiptơ, đơ̆ng pơm đĭch.

Both 6:21

Na iĕm gô tơl, sơ̆ lu bơ̆n pơm đĭch kơ Pharaôn tơ dêh Êyiptơ na Kră Yang đei yua ti pran kơtang Sư chông ba lu bơ̆n lĕch đơ̆ng dêh Êyiptơ ei;

Both 6:25

Tơdah lu bơ̆n kơchăng pơm kiơ̆ đĭ lu nơ̆r tơtă âu đơ̆ng Kră Yang 'Bok Kei-Dei bơ̆n, na gơh jô̆ bơ̆n 'lơ̆ng tơpăt.

Both 8:11

Athei kơchăng bĕ, 'nĕ hiơt kơ Kră Yang 'Bok Kei-Dei, wei răk dôm nơ̆r Sư tơtă, nơ̆r Sư tơbăt păng khôi juăt Sư mă đơ̆ng inh bơtho lu iĕm năr 'nâu.

Both 8:2

Athei 'blŏk kơ đĭ-đăng trong mă Kră Yang 'Bok Kei-Dei iĕm chông anhăk ba iĕm lăm puăn-jĭt sơnăm kơ 'nâu tơ lăm char glă pơmat-tat, wă pơlong iĕm, wă kơ băt iĕm hăm đei wei răk dôm nơ̆r Sư tơtă dah ưh.

I Pet 1:21

'Bok Kei-Dei boih tơiung arih Sư đơ̆ng lôch păng ăn kơ Sư tŏk pơgơ̆r tơ plĕnh. Yua kơ Yêsu Krist jur huai iŏk bơ̆n boih, na bơ̆n băt lui kơ 'Bok Kei-Dei hăm băt kơ Sư gô atŏk lu bơ̆n tơ kơpal plĕnh.

I Yo 5:3

Dah bơ̆n 'mêm kơ 'Bok Kei-Dei lei bơ̆n athei răk dôm tơdrong Sư pơkă. Dôm tơdrong Sư pơkă noh ưh kơ gleh ôh.

Tơdrông Tơ'bôh 14:12

Yua kơ thoi noh boih na lu bơ̆n bơngai lui kơ Yêsu păng kiơ̆ tơdrong 'Bok Kei-Dei pơkă, bơ̆n athei adrin lui khŏm khŏm 'nĕ kơ achăng lê̆ Sư, mă đe pơmat bơ̆n dang yơ.