Horiso 78:4 - Sơ̆p Hlabơar Nơ̆r 'Bok Kei-Dei

⁴ Lu bơ̆n kư̆m ưh kơ ôn dôm tơdrong noh kơ kon sâu lu bơ̆n. Bơ̆n gô roi kơ adrĕch adrung đơ̆ng rŏng dôm tơdrong trŏ hơri bơnê kơ Kră Yang, Tơdrong mơsêh păng tơdrong jang hlĭch chrơp mă Kră Yang đei pơm.

Horiso 78:4 ပူးပေါင်းရင်းမြစ်များ

Jop 15:18

Tơdrong lu bơngai hơgei tơ'bôh ăn kơ inh, ưh kơ ôn ôh dôm tơdrong kiơ mă sư pơhrăm đơ̆ng 'bok lu sư

Horiso 26:7

Hơri nơ̆r bơnê re, Păng ră roi dôm tơdrong hlĭch chrơp mă Ih đei pơm.

Horiso 9:14

Tơ 'măng jang kon hơdruh Siôn. Inh ră roi đĭ dôm tơdrong 'mêm bơnê kơ Ih, Păng gô chơt hiôk lăm tơdrong Ih dŏng pơklaih

Le 12:26

Mưh kon sâu lu iĕm apinh khan: Tơdrong giĕng 'nâu wă khan kiơ?

Le 13:14

Na tơdah dơning dơmônh kon drŏ-nglo iĕm apinh iĕm: Tơdrong noh wă khan kiơ? Lei ih athei roi kơ sư: 'Noh yua kơ Kră Yang yua ti mơsêh pơklaih lu nhôn lĕch đơ̆ng dêh Êyiptơ, dêh mă nhôn pơm đĭch;

Le 13:8

Lăm năr noh athei roi ăn kơ kon drŏ-nglo iĕm, bơ̆n pơm tơdrong 'noh yua kơ Kră Yang pơm 'lơ̆ng kơ inh, kơplah inh lĕch đơ̆ng dêh Êyiptơ.

Êsai 38:19

Lu bơngai arih, lu bơngai arih đĕch ư-ang kơ Ih. Thoi inh đei pơm năr âu. Lu bơngai pơm 'bă gô bơtho ăn kơ kon hơ'lơ̆p sư băt tơdrong tơpăt Ih.

Jôel 1:3

Ră roi bĕ tơdrong âu kơ lu kon sâu iĕm, na kon sâu iĕm gô roi kơ kon sâu lu sư, na kon sâu lu sư kư̆m roi kơ adrĕch adrung kon sâu lu sư đơ̆ng rŏng.

Both 11:19

Athei bơtho dơ̆ng kơ lu kon sâu iĕm, tơ'blŏk mă lu sư oei ngôi lăm hnam dah yak rok trong, kơplah oei tep dah iung đơ̆ng tep.

Both 4:9

Athei wei răk, pơ'lơ̆ng kơdih akâu iĕm, kơnh hli kơ iĕm hiơt dôm tơdrong mă măt lu iĕm 'bôh boih păng 'nĕ ăn lu tơdrong noh lĕch đơ̆ng lăm jơhngơ̆m iĕm păng athei bơtho bĕ kơ lu kon sâu se iĕm dơ̆ng.

Both 6:7

Athei adrin bơtho ăn dôm tơdrong noh kơ lu kon iĕm păng bơtho tơdrong âu kơplah sư oei lăm hnam, dah oei năm rok trong, dah wă tep, dah iung đơ̆ng tep.