Horiso 78:38 - Sơ̆p Hlabơar Nơ̆r 'Bok Kei-Dei

³⁸ Mă-lei yua kơ tơdrong 'mêm mơnat Sư huay kơ jô̆ yoch, ưh kơ wă pơrăm lu sư; Lơ wơ̆t sư gơ̆t lê̆ kơ hil, Sư ưh kơ mah tơ'bôh dêh tơdrong Sư hil.

Horiso 78:38 ပူးပေါင်းရင်းမြစ်များ

II Sam 24:16

Linh jang 'lơ̆ng chro ti sư tơ gah pơlei Jêrusalem wă pơrăm lê̆ pơlei, mă-lei Kră Yang ưh pă wă pơmat lu sư dơ̆ng, na Sư khan kơ linh jang 'lơ̆ng mă oei pơrăm kon pơlei pơla: “Tôm boih! Dui ti ih brŏk bĕ!” Kơplah noh linh jang 'lơ̆ng Kră Yang oei 'bơ̆t dơnih pơjuă 'ba, Arauna, bơngai Jêbus.

II Pot 13:23

Mă-lei Kră Yang mơnat tơgŭm wei-lăng lu sư yua kơ Sư pơkă bơih hăm Abraham, Isăk păng Jakôp. Kră Yang ưh kơ wă pơrăm lu sư, ưh kơ achăng lê̆ lu sư truh tơ dang ei.

II Pot 21:20

Sư pơm tơdrong kơnê̆ 'bơ̆t anăp Kră Yang lei-lăi thoi Manase 'bă sư hlôi pơm bơih.

Horiso 99:8

Ơ Kră Yang 'Bok Kei-Dei lu nhôn, Ih tơl tơwih boih nơ̆r lu sư, Ih boih Kră Yang 'Bok Kei-Dei mă đei mơnat ăn kơ lu sư, Mă-lei Ih kư̆m pơm tơwih tơdrong yoch đêl lu sư pơm.

Êsai 48:9

Yua kơ anăn Inh kơdih, na Inh ĕnh tơdrong blĕk Inh; yua kơ tơdrong ư-ang Inh kơdih, na pơgơ̆t tơdrong Inh huay kơ pơlôch pơrăm iĕm.

Êsêkiên 20:17

Mă-lei Inh lăng oei mơnat kơ lu sư, Inh ưh kơ wă pơrăm lu sư, Inh ưh wă pơlôch lu sư lăm char glă.

Hôsia 11:9

Inh pơgơ̆t jơhngơ̆m tơtŏ Inh, păng Inh ưh kơ wă pơlôch pơrăm boih Êphraim, Yua kơ Inh jơ̆ Kră Yang 'Bok Kei-Dei, ưh kơ trŏ kon bơngai ôh. Inh Tơ'ngla rơgoh 'lơ̆ng 'bơ̆t anăp lu iĕm, ưh kơ wă hil pơrăm lu iĕm ôh.

Am 7:3

Kră Yang tơplih đon tơchĕng. Kră Yang khan thoi âu: Tơdrong noh huay pă đei truh dơ̆ng.

Am 7:6

Kră Yang khan: Tơdrong noh huay pă truh dơ̆ng.