Horiso 78:12 - Sơ̆p Hlabơar Nơ̆r 'Bok Kei-Dei

¹² Kră Yang đei pơm boih dôm tơdrong hlĭch chrơp 'bơ̆t anăp 'bok lu sư. Tơ lăm char Êyiptơ, lăm anih thŭng dơnă Sôan.

Horiso 78:12 ပူးပေါင်းရင်းမြစ်များ

Bl 32:3

Jakôp wơh đam sư năm tơ 'nhŏng sư Êsâu adrol tơ lăm dêh char Sir tơring Eđôm:

II Pot 17:7

Tơdrong 'nâu truh yua kơ kon pơlei Isơrael đei pơm yoch boih hăm Kră Yang 'Bok Kei-Dei lu sư, Tơ'ngla mă hlôi dui iŏk lu sư lĕch đơ̆ng dêh Êyiptơ; păng đơ̆ng pơtao Pharaôn pơtao đe Êyiptơ pơgŏ pơđep lu sư. Lu sư hlôi kơkuh bơih kơ yang nai,

Ne 9:10

Pơm boih tơdrong mơsêh hlĭch păng tơdrong hlĭch chrơp wă blah Pharaôn, hăm lu đĭch đam sư păng kon pơlei pơla lăm teh đak sư; yua kơ Ih băt: Lu sư pơgŏ pơjuă pơđep 'bok lu nhôn kơnê̆ dêh, đe oei ang truh tơ dang ei.

Horiso 106:22

Đei pơm lơ tơdrong hlĭch chrơp tơ dêh Cham păng lu tơdrong trŏ kơ hli tơ đak dơsĭ 'brê.

Horiso 135:9

Ơ bơngai Êyiptơ! Sư ăn boih dôm tơdrong hlĭch chrơp tơ iĕm, wă phak pơtao Pharaôn păng lu jang kơ sư;

Le 7:1

Kră Yang pơma hăm Môis khan: Lăng, Inh pôk ih nhen thoi Kră Yang 'Bok Kei-Dei kơ Pharaôn, na Arôn 'nhŏng ih gô thoi bơngai khan lê̆ adrol ăn kơ ih.

Êsai 19:11

Lu kră pơlei Sôan ngăl kơtul, lu bơngai hơgei oei jang hăm Pharaôn lu sư chă đon kơhlôh kơwao, liơ iĕm gơh khan kơ Pharaôn khan: “Inh jơ̆ minh lăm lu bơngai hơgei, kon sâu lu đe pơtao adrol sơ̆?”

Êsai 19:13

Lu kră pơlei Sôan kơtul ngăl, lu kră pơlei Nôp huŏng lăm tơdrong đe hơlĕnh, lu bơngai pơm kră lăm tơring đơ̆ng adrĕch pha pơm kơ đe Êyiptơ jrok trong.

Êsêkiên 30:14

Inh gô pơm ăn kơ tơring Phatrôs jing răm pă đei; ăn ŭnh sa tơ pơlei Sôan păng phak pơlei Thêbes.

Jo 13:22

Lu sư yak năm đơ̆ng gah gơal tŏk truh tơ pơlei tih Hêbrôn, tơ noh đei Ahiman, Sêsai păng Tanmai, lu kon sâu Anak oei tơ noh. Đe pơjing pơlei tih Hêbrôn tơpơh sơnăm adrol kơ pơlei Sôan lăm char Êyiptơ,

Both 4:34

Hăm tam đei yang kiơ rơih iŏk minh adrĕch kon pơlei 'nâu đơ̆ng adrĕch kon pơlei nai kơ sư kơdih, hăm tơdrong pơlong lăng, hăm tơdrong hlĭch chrơp, hăm tơdrong mơsêh mơyang pran kơtang đơ̆ng ti sư, hăm tơdrong tơblah, hăm tơdrong hli krưp thoi đĭ-đăng tơdrong Kră Yang 'Bok Kei-Dei lu iĕm đei pơm boih kơ lu iĕm hăm dêh char Êyiptơ 'bơ̆t tơm măt lu iĕm?

Both 6:22

Kră Yang đei pơm tơ'bôh boih dôm lu tơdra hlĭch păng mơsêh mơyang krưp dêh tơpă, pơrăm dêh Êyiptơ, Pharaôn păng đĭ lu yŏng mơng sư 'bơ̆t anăp bơ̆n.

Jôsuê 9:9

Lu sư tơl, lu đĭch đam ih âu đơ̆ng dêh ataih kơtơ̆ng ang kơ anăn Kră Yang 'Bok Kei-Dei ih, yua kơ lu nhôn đei kơtơ̆ng boih đe roi gah Kră Yang păng tôm tơdrong Kră Yang hlôi pơm boih lăm char Êyiptơ.