Horiso 77:3 - Sơ̆p Hlabơar Nơ̆r 'Bok Kei-Dei

³ Inh 'blŏk kơ Ih, ơ Kră Yang 'Bok Kei-Dei Inh ôr tơtok, Inh tơchĕng dêh na jơhngơ̆m inh rơdu rơmơ̆n. Sêla

Horiso 77:3 ပူးပေါင်းရင်းမြစ်များ

Bl 37:35

Đĭ-đăng lu kon drŏ-nglo, kon drŏ-kăn ngôi tăp dăr kơ sư, pơlung ngôi apong kơ sư, mă-lei Jakôp 'bă lu sư ưh kơ chu păng khan thoi âu: Inh gô grong sơ'ngon dĭng truh lôch hơdai kon hơ'lơ̆p inh tơ lăm bơsat! Noh boih, 'bă Jôsep nhơ̆m hmoi kơ sư thoi noh.

Jop 15:11

Tơdrong Kră Yang 'Bok Kei-Dei pơlung ih, Nơ̆r Sư pơma bơtho rơngơp hiôk ih mơ̆ng tam mă tôm hă?

Jop 31:23

Yua kơ inh hli kơ tơdrong răm truh đơ̆ng Kră Yang 'Bok Kei-Dei, Inh hli krưp kơ tơdrong rang mơnhal Sư na inh ưh kơ layơ pơm tơdrong noh.

Jop 6:4

Yua kơ 'brơ̆m Tơ'ngla Kră Yang Hloh prah 'bơm inh, Jơhngơ̆m inh huch đak hơkăm, Inh hli tơrơ tơdrong Kră Yang 'Bok Kei-Dei blah inh.

Jop 7:11

“Yua kơ noh na inh ưh kơ ĕnh nơ̆r inh wă pơma; Yua kơ jơhngơ̆m inh sơ'ngon inh gô pơma; inh gô ôr mưh jơhngơ̆m inh pơmat dêh.

Horiso 42:11

Ơ bơhngol inh, yua kơ kiơ ih rơdu klai păng liơ ih rŭng răng lăm akâu inh? Chang hơmĕng bĕ kơ Kră Yang 'Bok Kei-Dei; Inh oei bơnê ư-ang kơ sư, Kră Yang Kră Yang 'Bok Kei-Dei Tơ'ngla dŏng pơklaih inh.

Horiso 42:5

Ơ bơhngol inh, yua kơ kiơ ih rơdu klai păng rŭng răng lăm akâu inh. Chang hơmĕng bĕ kơ Kră Yang 'Bok Kei-Dei, Inh oei bơnê ư-ang kơ Sư. Kră Yang 'Bok Kei-Dei Tơ'ngla dŏng pơklaih inh.

Horiso 43:5

Ơ bơhngol inh, yua kơ kiơ ih ơh sơ'ngon? Păng rŭng răng lăm akâu inh? Chang hơmĕng bĕ, kơ Kră Yang 'Bok Kei-Dei. Inh oei bơnê kơ Sư, Sư Tơ'ngla dŏng pơklaih inh păng Kră Yang 'Bok Kei-Dei inh.c

Horiso 50:15

Lăm năr anat anot krao bĕ Inh. Inh gô pơklaih ih, na ih gô bơnê ư-ang kơ Inh.”

Horiso 61:2

Đơ̆ng tôch kơ teh đak, inh gô ôr krao Ih, tơdah jơhngơ̆m inh rơdu boih; Apinh Ih chông ba inh 'bơ̆t tơmo kơjung hloh kơ inh.

Hơri Hiôk 3:1

Kơmăng inh 'bĭch kơpal giơng, Inh chơchă bơngai mă jơhngơ̆m inh hơyuh. Inh chă sư ră mă-lei ưh kơ 'bôh.

Êsai 26:16

Ơ Kră Yang, lu sư chă Ih kơplah lu sư đei tơdrong pơmat-tat, lu sư krao khan apinh Ih mơmơnh kơplah Ih đei phak bơtho lu sư.

Je 17:17

Ih boih jơ̆ anih mă inh kơ'nơp năr đei tơdrong pơmat-tat truh, 'Nĕ pă pơm kơ inh hli tơrơ!

Nhom 3:17

Sư pơm kơ bơhngol inh ataih đơ̆ng tơdrong hiôk-hian, Inh hiơt đĭ boih tơdrong pŭn hiôk.

Nhom 3:39

Yua kơ kiơ mă bơngai oei arih oei jŏk roi, yua kơ pŭ phak đơ̆ng tơdrong yoch sư kơdih.