Horiso 77:18 - Sơ̆p Hlabơar Nơ̆r 'Bok Kei-Dei

¹⁸ Grơ̆m Ih re kiơ̆ lăm kial hơbŭt; Kơmlat pơchrang hơdah kơ teh đak; Teh pơpơ̆ păng tơdrŏ.

Horiso 77:18 ပူးပေါင်းရင်းမြစ်များ

II Sam 22:14

Kră Yang ăn grơ̆m glaih kơpal plĕnh. Nơ̆r re jơwa đơ̆ng Tơ'ngla Kơjung hloh kơ đĭ-đăng.

II Sam 22:8

Kơplah noh teh adrŏ kyĭng kyơ̆ng, hơnă lu plĕnh kư̆m adrŏ gĭl-gŭl, yua kơ Kră Yang hil mĭl.

Horiso 104:7

Ih hil chrih đak tơrơ hloi kơtơ̆ng jơwa grơ̆m Ih đak kơdâu ôn đĭ

Horiso 18:14

Sư prah 'brơ̆m pơm kơ lu ayăt kơ inh tơklah tơklang đĭ, Tơlĕch kơmlat pơm kơ lu sư mơnhal hơwơ̆l hơwang.

Horiso 18:15

Ơ Kră Yang, đơ̆ng nơ̆r Ih chrih, Kial lĕch đơ̆ng trôm muh Ih, na kơđĕl đak dơsĭ 'bôh hơnă teh đak kư̆m 'bôh bang.

Horiso 18:7

Dang ei teh pơpơ̆ păng tơdrŏ, Na lu kông kư̆m tơrĭ păng kư̆m tơdrŏ, yua kơ Sư hil.

Horiso 97:4

Kơmlat đơ̆ng Sư pơchrang hơdah tơ lăm teh đak, Plei teh 'bôh na hli pơpơ̆,

Le 19:16

Pơgê năr mă pêng, đei grơ̆m glaih kơmlat, hơmơ̆l kok hơ'bơ̆l dêh gom tơ kơpal kông păng kơtơ̆ng đei jơwa hlôm tơgiĕp re dêh pơm kơ đĭ-đăng kon pơlei oei lăm bơsŭn hli tơrơ ngăl.

Le 19:18

'Nhui gom jơ̆p kơ kông Sinai, yua kơ Kră Yang jur tơ lăm ŭnh: 'Nhui ŭnh noh tŏk tơ kơpal kơjung nhen thoi đơ̆ng tơnuh ŭnh tih păng jơ̆p kơ kông pơpơ̆ dêh.

Habakuk 3:4

Tơdrong rang mơnhal Sư thoi măt 'năr. Dôm lu chră hơdah lĕch đơ̆ng ti 'ma Sư, Tơdrong mơsêh Sư ôn tơ lăm noh.

Mathiơ 27:51

Na che đe chô̆ pơgăn tơ hnam akŭm 'Bok Kei-Dei tơm tơhek chuơ̆ng tŏk-bŏk đơ̆ng kơpal tơ ala hloi. Teh adrŏ mơ'nưt mơ'nat păng tơmo kŭk mah pơchah.

Mathiơ 28:2

Na teh adrŏ mơ'nưt mơ'nat hloi, yua kơ linh jang 'lơ̆ng Kră Yang jur đơ̆ng plĕnh pơih ăn 'măng bơsat Yêsu. Linh jang ei tơoei kơpal tơnglơ̆p tơmo noh.

Tơdrông Tơ'bôh 11:19

Inh 'bôh hnam 'Bok Kei-Dei tơ plĕnh ti pơih 'măng, na inh 'bôh hom tih đe tah tơmo lat chih tơdrong 'Bok Kei-Dei pơkă kơ kon bơngai sơ̆. Na đei grơ̆m glaih tơdrăng kơmlat kơchêr kơchar, teh adrŏ mơ'nưt mơ'nat păng 'mi pru prĕl tih.

Tơdrông Tơ'bôh 18:1

Klaih kơ noh inh 'bôh minh 'nu linh jang nai jur đơ̆ng plĕnh pran kơtang 'lơ̆ng klă klang rang jơ̆p teh.

Tơdrông Tơ'bôh 20:11

Inh kư̆m 'bôh minh pôm tang-dŏ tih krưp kok 'lơ̆ng păng 'bôh minh 'nu 'Bok oei kơpal tang-dŏ noh. Kơplah noh plĕnh păng teh hiong hiach đĭ, dang sư hli tơrơ kơ 'Bok noh jing ưh pă đei plĕnh păng teh tơ yơ.

Lu 5:4

Ơ Kră Yang kơplah Ih lĕch đơ̆ng dêh Sêir, kơplah Ih yak rok char Eđôm, Na teh tơdrŏ, plĕnh tơjur đak 'mi. Hơmơ̆l tơjur đak 'mi.