Horiso 75:7 - Sơ̆p Hlabơar Nơ̆r 'Bok Kei-Dei

⁷ Mă-lei Kră Yang 'Bok Kei-Dei Tơ'ngla sek tơlang; Sư tơjur đe âu păng hơtŏk đe noh.

Horiso 75:7 ပူးပေါင်းရင်းမြစ်များ

II Sam 5:2

Adrol sơ̆ kơplah Sôl oei pơm pơtao, ih boih pơgơ̆r lu linh Isơrael năm tơblah. ‘Kră Yang đei khan kơ ih’ ‘Ih boih gô wei rong kon pơlei pơla Isơrael Inh, păng pơgơ̆r lu sư.”

II Sam 6:21

Đawit tơl khan: “Inh suang wă ư-ang kơ Kră Yang Tơ'ngla mă rơih iŏk inh ưh kơ rơih 'bă ih păng đĭ kơ adrĕch sư, Sư pôk inh pơm pơtao kon pơlei Isơrael, jing kon pơlei Kră Yang, lei na inh suang chơt hiôk wă ư-ang kơ Kră Yang.”

Horiso 147:6

Kră Yang dŏng tơgŭm lu bơngai pơmat-tat. Teh tơhuŏng lu bơngai pơm kơnê̆ tơ teh.

Horiso 50:6

Tơ plĕnh roi tơbăt tơdrong tơpăt Sư. Yua kơ Kră Yang 'Bok Kei-Dei boih Tơ'ngla sek tơlang. Sêla

Horiso 58:11

Na đe gô khan: “Sĭt tơpă gô đei apah kơ lu bơngai tơpăt, Sĭt tơpă đei Kră Yang 'Bok Kei-Dei sek tơlang kơpal teh.”

Da 2:37

Ơ pơtao, pơtao kơ lu pơtao, yua kơ Kră Yang 'Bok Kei-Dei kơpal plĕnh đei ăn boih teh đak, gơh kĕ pran kơtang păng tơdrong ư-ang kơ pơtao.

Da 5:18

Ơ pơtao, Kră Yang 'Bok Kei-Dei Tih hloh đei ăn boih tang-dŏ pơtao păng tơdrong pơgơ̆r tih, tơdrong pơyom, tơdrong ư-ang kơ pơtao Nebukatnessar 'bă ih.

Luka 1:52

Sư tơjur tŭk đĭ lu bơngai mă pơm tih sơ̆, na atŏk dơ̆ng lu bơngai mă pơm iĕ hloh kơ đe.

Yo 15:16

Ưh kơ sĭ iĕm krao Inh tơbôl păng iĕm ôh sơ̆, Inh krao iĕm wă kơ iĕm bôl păng Inh păng Inh wơh iĕm, wă kơ iĕm năm chă bơtho đe wă kơ đei plei păng wă kơ plei noh huay kơ ôm. Dah iĕm apinh 'Bă Inh tơdrong kiơ yua kơ iĕm tơbôl păng Inh, tơdrong noh Sư gô ăn kơ iĕm tơpă.

Rom 11:15

'Bok Kei-Dei ưh kơ iŏk lu bơngai Isơrael dang ei yua kơ lu sư ưh kơ lui kơ Yêsu; noh na Sư ăn kơ iĕm lui hơdrol kơ lu sư, na dang ei iĕm hiôk hăm 'Bok Kei-Dei boih. Ning-mônh lu bơngai Isơrael kư̆m lui kơ Yêsu, 'Bok Kei-Dei kư̆m iŏk lu sư mơ̆n, lu sư gô hiôk dang kơ bơngai iung arih đơ̆ng lôch boih.

Galati 1:15

Mă-lei 'Bok Kei-Dei 'mêm mơnat kơ inh. Sư rơih iŏk inh đơ̆ng inh tam mă tơpŭ sơ̆. Sư krao inh wă kơ inh jang tơdrong Sư.

I Sam 15:23

Hơngah ưh kơ pơm kiơ̆ noh kư̆m yoch thoi bơngai pơjâu hơlĕnh; Pơang kư̆m yoch thoi kơkuh kơ rup yang. Yua kơ đơ̆ng ih achăng lê̆ nơ̆r Kră Yang, na sư kư̆m achăng lê̆ ih ưh kơ ăn kơ ih pơm pơtao.

I Sam 15:28

Samuel khan kơ sư: Năr 'nâu Kră Yang kư̆m hek teh đak Isơrael đơ̆ng ih kư̆m thoi noh mơ̆n, na pơjao ăn kơ bơngai nai đơ̆ng, trŏ hloh kơ ih.

I Sam 16:1

Kră Yang khan kơ Samuel: Ih oei sơ'ngon kơ Sôl dĭng truh dang yơ? Inh achăng lê̆ sư boih, ưh pă ăn sư pơm pơtao bơngai Isơrael dơ̆ng. Tuh bĕ đak rơmă 'bĕnh kơ trôm hơke na ih năm; Inh wơh ih năm tơ'bơ̆p 'bok Jese Betlehem; yua lăm lu kon sư, Inh đei rơih iŏk minh 'nu wă pơm pơtao.