Horiso 74:13 - Sơ̆p Hlabơar Nơ̆r 'Bok Kei-Dei

¹³ Kră Yang yua boih tơdrong mơsêh Ih klah asong đak dơsĭ. Teh pơchah kơ̆l sem brem kơnê̆ lăm đak.

Horiso 74:13 ပူးပေါင်းရင်းမြစ်များ

Ne 9:11

Ih tơklah lê̆ đak dơsĭ 'bơ̆t anăp lu sư. Lu sư yak tŏk-bŏk đak dơsĭ hlôi thoi nơnăm kơpal teh hrĕng kro, bĕ lu bơngai druh, Ih klơ̆m lê̆ lu sư tơ sơlŭng jrŭ, nhen thoi klơ̆m tơmo lăm đak tih.

Horiso 66:6

Sư tơplih đak dơsĭ jing teh hrĕng kro. Kon bơngai yak jơ̆ng tŏk kơ đak krong. Bĕ bơ̆n chơt hiôk lăm Sư.

Horiso 78:13

Kră Yang blă lê̆ đak dơsĭ ăn kơ lu sư tŏk rok, Pơm ăn kơ đak dơ̆ng minh 'bôt tơbơ̆ng thoi dur.

Le 14:21

Môis yơ̆r ti sư tơ đak dơsĭ Kră Yang pơm kial tih đơ̆ng gah hơlĕch tơthu tơ đak dơsĭ pơm kơ đak akŭm tơklah asong 'bar pah jing teh hrĕng,

Le 14:28

Na đak lơ̆p klơ̆p đĭ hloi khŭl linh chĕp gre aseh, hăm đĭ-đăng lu linh Pharaôn lu druh jur kiơ̆ kon pơlei Isơrael lăm đak dơsĭ, ưh kơ đei minh 'nu bu klaih.

Êsêkiên 29:3

Pơma khan kơ sư: Kră Yang khan thoi âu: “Ơ Pharaôn, pơtao Êyiptơ, âu Inh blah ih, ih jing sem brem tih kơnê̆ oei 'bĭch lăm đak glung. Ih khan: “Đak krong Nil noh gah Inh, đêl Inh kôch pơm sư.

Êsêkiên 32:2

“Ơ kon bơngai, athei nhơ̆m hmoi kơ Pharaôn pơtao Êyiptơ, khan bĕ kơ sư: ‘Ih nhen thoi dăm-brang lăm lu dêh char, ih kư̆m thoi sem brem kơnê̆ lăm đak dơsĭ, pơm kơ lu đak glung tơprah, ih wơ̆r đak hăm jơ̆ng, pơm kơ lu đak glung jing gơsŏk.