Horiso 73:27 - Sơ̆p Hlabơar Nơ̆r 'Bok Kei-Dei

²⁷ To lu bơngai ataih đơ̆ng Ih gô hiong răm; Ih gô pơrăm lê̆ lu bơngai kuă kơ chu Ih.

Horiso 73:27 ပူးပေါင်းရင်းမြစ်များ

I Ho 10:13

Pơtao Sôl lôch, yua kơ sư pơm yoch ưh kơ hli gơnang kơ Kră Yang; sư ưh kơ kiơ̆ nơ̆r Kră Yang bơtho pơkă păng kư̆m kiơ̆ bơngai krao apinh yang atâu,

Esther 9:30

Morđêkai gơih ăn hla bơar lu kơthơ âu kơ đĭ-đăng adrĕch Juđa, oei lăm minh-hrĕng 'bar-jĭt tơpơh tŏ char lăm dêh char pơtao Asêrus pơgơ̆r; bre sư chih hăm nơ̆r rơngơp hăm tơdrong tơpă,

Horiso 106:39

Lu sư jing 'mê̆ yua kơ đơ̆ng tơdrong jang kơdih lu sư. Na lu sư jing pơm đi ngôi kư̆ kă.

Horiso 119:155

Tơdrong dŏng pơklaih ataih dơ̆ng lu bơngai pơm kơnê̆. Yua kơ lu sư ưh kơ đei chơchă lu tơdrong juăt Ih.

Le 34:15

'Nĕ kơ pơgơ̆p hơdai hăm lu bơngai tơ lăm char noh. Mưh lu sư pơm pơyô kư̆ kă kơplah lu sư pơm yang, sư pơtơm ih sa, đơ̆ng noh ih gô sa hloi tơmam sư pơm yang.

Êsai 29:13

Kră Yang khan: Kon pơlei âu năm jê̆ Inh hăm 'bơ̆r lu sư đĕch; kơkuh kơ Inh hăm hơkŭng, mă-lei jơhngơ̆m lu sư ataih đơ̆ng Inh. Tơdrong lu sư hli yom kơ Inh jơ̆ kiơ̆ tơdrong tơtă kon bơngai đĕch păng đơ̆ng kon bơngai bơtho ăn.

Je 12:2

Ih pơtăm lu sư, lu sư chăt rơh, wơ̆ tih păng đei plei, 'bơ̆r lu sư jê̆ Ih, mă-lei jơhngơ̆m lu sư ataih đơ̆ng Ih.

Je 17:13

Ơ Kră Yang, Ih boih anih hơmĕng tơm kơ bơngai Isơrael, lu bơngai bu achăng lê̆ Ih gô mơlâu! Bơngai bu weh đơ̆ng Inh, chih jô̆ anăn lu sư gah anih lôch, yua kơ lu sư achăng lê̆ Kră Yang mă tu đak glung arih ling-lang.

Jo 15:39

lu iĕm athei đei sĭt reng noh tơ hơbĕn dah ao, mưh iĕm lăng 'bôh reng noh lu iĕm gô 'blŏk kơ dôm khôi juăt nơ̆r Kră Yang tơtă păng pơm kiơ̆, ưh kơ kiơ̆ jơhngơ̆m lăp măt lăng, ngăl pơm kơ iĕm pơm yoch ngôi kư̆ kă.

Êphêsô 2:13

Mă-lei mă khan iĕm ataih đơ̆ng 'Bok Kei-Dei dang noh sơ̆, dang ei truh tơ Sư boih, yua kơ Yêsu Krist lôch tuh pham tang iĕm tơ 'long pơglang, pơm kơ iĕm jing minh jơhngơ̆m minh đon hăm Sư.

Êphêsô 2:17

Yêsu Krist jur bơtho tơdrong hiôk-hian kơ lu iĕm bơngai nai mă ataih kơ Sư sơ̆; lu bơngai Juđê mă ưh kơ ataih kơ Sư, Sư kư̆m bơtho mơ̆n.

Ya 4:4

Iĕm pơm thoi noh, thoi lĕ kơ bơngai drŏ-kăn kơđang kơ̆l ako klo sư, na jing 'mêm kơ bơngai mă ayăt kơ klo sư dơ̆ng. Iĕm ưh tam băt ôh hă, dah iĕm 'mêm kơ tơdrong ala teh iĕm dang ayăt kơ 'Bok Kei-Dei? Thoi noh bơngai bu oei 'mêm kơ tơdrong ala teh, bơngai noh ayăt kơ 'Bok Kei-Dei boih.