Horiso 73:25 - Sơ̆p Hlabơar Nơ̆r 'Bok Kei-Dei

²⁵ Tơ kơpal plĕnh inh ưh kơ đei bu, 'nguaih Kơ Kră Yang? Lăm teh đak, inh ưh kơ đei hơpơi chă bu nai 'nguaih Kơ Ih.

Horiso 73:25 ပူးပေါင်းရင်းမြစ်များ

Horiso 104:34

Ăn tơdrong inh tơchĕng 'lơ̆ng lăp đon Sư. Inh gô chơt hiôk lăm Kră Yang.

Horiso 16:11

Ih gô tơ'bôh ăn kơ inh trong tơdrong arih; 'Bơ̆t anăp Ih 'bĕnh hăm tơdrong chhôk hal. Gah 'ma kơ Kră Yang đei tơdrong chơt hiôk ling-lang khŏm khŏm.

Horiso 16:2

Inh đei khan păng Kră Yang boih: “Ih boih Kră Yang inh. 'Nguaih kơ Ih inh ưh kơ đei pŭn hiôka nai dơ̆ng.”

Horiso 16:5

Kră Yang jơ̆ mŭk inh yua păng kơchŏkb inh nhă: Ih boih wei-lăng chăl arih inh.

Horiso 17:15

Bĭ inh âu, lăm tơdrong tơpăt inh gô 'bôh muh măt Ih; Mưh hơđơ̆r, inh gô lăp đon lăng rup hơbŏ Ih.e

Horiso 37:4

Hiôk chơt bĕ lăm Kră Yang, na Sư gô ăn kơ ih tơdrong kiơ ih 'maih wă.

Horiso 43:4

Dang ei inh gô năm truh tơ anih Chơnang soi kơ Kră Yang 'Bok Kei-Dei. Wă khan truh tơ Kră Yang 'Bok Kei-Dei, noh boih tơdrong mă inh chơt hiôk 'nă hal, Ơ Kră Yang, Kră Yang 'Bok Kei-Dei inh, Inh gô iŏk brŏ reh bơnê ư-ang kơ Ih.

Horiso 63:3

Yua kơ tơdrong 'mêm Ih, Gĭt hloh kơ tơdrong arih; Hơkŭng inh bơnê ư-ang kơ Ih.

Horiso 89:6

Yua kơ tơ plĕnh, hăm đei bu gơh pơtŏ hăm Kră Yang? Hăm đei bu lăm lu yang nhen thoi Kră Yang.

Mathiơ 10:37

“Bu 'mêm kơ mĕ 'bă sư hloh kơ sư 'mêm kơ Inh, bơngai 'noh ưh kơ trŏ kơ tơbôl hăm Inh ôh. Bu 'mêm kơ kon sư hloh kơ sư 'mêm kơ Inh, bơngai 'noh kư̆m ưh kơ trŏ wă tơbôl hăm Inh mơ̆n.

Mathiơ 5:8

“Pŭn dêh lu bơngai jơhngơ̆m 'lơ̆ng rơgoh, lu sư gô 'bôh 'Bok Kei-Dei.

Philip 3:8

Mă tơdrong kiơ đe khan yua, inh lăng ưh pă yua boih, yua kơ dôm tơdrong inh sơđơ̆ng kơ Yŏng inh Yêsu Krist kăl hloh kơ đĭ-đăng tơdrong noh. Inh hăt kơ kiơ̆ Sư lê̆ đĭ dôm tơdrong akâu inh sơđơ̆ng thoi lĕ kơ hla đuih đăm, wă kơ inh gơh sơng iŏk Yêsu Krist,

I Yo 3:2

Ơ lu bôl buăl mă juăt păng inh tơpă, dang ei bơ̆n kon 'Bok Kei-Dei, sơmă bơ̆n ưh tam băt bơ̆n gô jing thoi yơ ning-mônh. Mă-lei bơ̆n băt tơdrong âu tơpă: Lăp Yêsu Krist jur tơ ala teh âu ning-mônh, bơ̆n gô jing thoi Sư, kơlih kơ bơ̆n gô 'bôh Sư tơpă.

Tơdrông Tơ'bôh 21:3

Păng inh kư̆m kơtơ̆ng 'bơ̆r đe pơma re đơ̆ng tang-dŏ 'Bok Kei-Dei khan thoi âu: “'Nâu boih đe khan 'Bok Kei-Dei oei hơdai hăm kon bơngai. Sư oei tŏk-bŏk hăm kon bơngai, na kon bơngai jing kon Sư păng Sư jing Kră Yang kon bơngai.