Horiso 72:12 - Sơ̆p Hlabơar Nơ̆r 'Bok Kei-Dei

¹² Yua kơ sư gô pơklaih lu bơngai dơnuh hin, dah lu sư krao apinh. Păng dŏng pơklaih lu pơmat-tat mă ưh kơ đei bu tơgŭm.

Horiso 72:12 ပူးပေါင်းရင်းမြစ်များ

II Sam 14:16

Pơtao gô mơ̆ng nơ̆r apinh păng dŏng pơklaih đam drŏ-kăn pơtao đơ̆ng ti bơngai 'maih pơlôch inh, păng kon drŏ-nglo inh, hiong dơ̆ng kon pơlei Kră Yang 'Bok Kei-Dei.’

Jop 29:12

'Noh yua kơ inh dŏng pơklaih bơngai dơnuh pơmat-tat krao ôr, Păng bơngai mơti ưh kơ đei bơngai bu tơgŭm.

Jop 36:15

Mă-lei Kră Yang 'Bok Kei-Dei yua tơdrong pơmat-tat na dŏng pơklaih bơngai đei pơmat-tat. Pơih đon lu sư lăm tơdrong gleh truh.

Horiso 10:17

Ơ Kră Yang, Ih mơ̆ng boih nơ̆r lu bơngai 'lơ̆ng tơpăt 'maih wă. Ih pơm ăn kơ jơhngơ̆m lu sư kơjăp, Ih pơgling đon mơ̆ng lu sư,

Horiso 102:17

Sư gô mơ̆ng nơ̆r lu bơngai pơmat-tat krao khan. Ưh kơ đei pơdê lê̆ dôm nơ̆r lu sư apinh.

Horiso 102:20

Wă kơtơ̆ng nơ̆r đơ̆ng lu bơnă ôr krao. Păng dŏng pơklaih bơngai mă đe wă pơlôch;

Horiso 55:17

Pơgê hrôih, 'năr dơ̆ng glơh kơsơ̆, Inh gô sơ'ngon hơdrĭ ôr krao; Sư gô mơ̆ng nơ̆r inh.

Horiso 72:4

Sư gô sek dŏng lu bơngai dơnuh hin lăm kon pơlei. Dŏng pơklaih lu kon lu bơngai kơ'bah kơ'bôch păng pơrăm lu bơngai pơjuă pơđep đe

Tơdrông Pơđơk 29:7

Bơngai tơpăt băt pơm 'lơ̆ng kơ bơngai dơnuh hin; Mă-lei bơngai pơm kơnê̆ ưh kơ đei băt thoi ei ôh.

Bôk Bơthô 4:1

Inh lăng tơ rŏng, 'bôh dôm tơdrong pơjuă pơđep băl tơ ala teh; to bơngai mă đe pơjuă pơđep nhơ̆m ơh sơ'ngon, ưh kơ đei bu pơlung lu sư! Lu bơngai gơh chă pơjuă pơđep, mă-lei ưh kơ đei bu dŏng pơlung lu bơngai mă đe pơjuă pơđep noh!

Êsai 41:17

Lu bơngai dơnuh păng lu bơngai kơ'bah tơmam chơchă đak. Mă-lei ưh kơ đei, hơpiĕt đĭ kro yua kơ rơhing dêh, Inh bơih Kră Yang gô tơl nơ̆r lu sư, Inh bơih Kră Yang 'Bok Kei-Dei Isơrael ưh kơ achăng tŭk lu sư ôh.

Luka 4:18

“Yang Bơhngol 'Lơ̆ng 'Bok Kei-Dei oei hơdai Inh. Sư rơih Inh wă năm bơtho ăn tơdrong 'nao 'lơ̆ng kơ lu bơngai dơnuh hin păng pơlung lu bơngai ơh sơ'ngon. Sư wơh Inh roi tơdrong Sư wă tơlĕch lu bơngai đe phak, păng pơklaih lu bơngai măt tol. Sư wơh Inh pơklaih lu bơngai mă đe pơjuă pơđep,

Luka 7:22

Na đơ̆ng noh Yêsu khan kơ bre sư: “Biĕm wih roi kơ Yôhan tơdrong mă biĕm kơtơ̆ng đơ̆ng Inh bơtho, hăm biĕm 'bôh noh bĕ: Lu măt tol gơh 'bôh hơdah, lu jơ̆ng kue mah gơh yak, lu jĭ chin mah klaih, lu klĭk jing hơbăng, lu bơngai lôch mah gơh iung arih, lu bơngai dơnuh hin mah mơ̆ng Inh bơtho tơdrong 'nao 'lơ̆ng.

II Kor 8:9

Yua kơ iĕm băt boih Kră Yang Yêsu Krist 'mêm mơnat kơ bơ̆n dang yơ; Sư mơdrŏng tih tơpă, mă-lei Sư jing dơnuh yua kơ tơgŭm bơ̆n, wă kơ bơ̆n jing mơdrŏng.

Hêbrơ 7:25

Thoi noh na mă layơ Sư oei pơklaih ling-lang dôm lu bơngai mă gơnang kơ Sư, wă kơ bơ̆n gơh brŏk tơ 'Bok Kei-Dei, kơlih kơ Sư arih ling-lang ưh kơ tôch. Păng Sư oei apinh 'Bok Kei-Dei ling-lang wă tơgŭm bơ̆n.

I Sam 22:2

Kŭm đei lu bơngai pơmat-tat, lu bơngai hre đom păng lu bơngai đei jơhngơ̆m ơh sơ'ngon kư̆m wang jur akŭm hơdai hăm sư, na sư pơm kơ̆l lu đe ei; thoi noh lu sư đei dang puăn-hrĕng 'nu bơngai.