Horiso 71:16 - Sơ̆p Hlabơar Nơ̆r 'Bok Kei-Dei

¹⁶ Inh gô năm păng roi tơdrong mơsêh Kră Yang; Inh gô lăp minh Ih roi gah tơdrong tơpăt Ih đĕch

Horiso 71:16 ပူးပေါင်းရင်းမြစ်များ

Horiso 106:2

Bu gơh roi dôm tơdrong jang mơsêh mơyang Kră Yang, bu kĕ roi dôm nơ̆r hơri bơnê kơ Sư?

Horiso 29:11

Kră Yang gô ăn tơdrong kơtang kơ kon pơlei pơla Sư. Kră Yang gô ăn pŭn hiôk, rơnŭk rơnua kơ kon pơlei pơla sư.

Horiso 51:14

Ơ Kră Yang 'Bok Kei-Dei, jơ̆ Kră Yang 'Bok Kei-Dei dŏng pơklaih inh, Apinh ih pơklaih inh đơ̆ng tơdrong tơlĕch pham, Noh na hơpiĕt inh gô hơri bơnê kơ Kră Yang 'lơ̆ng tơpăt.

Horiso 71:15

Rim năr 'bơ̆r inh gô ră roi tơdrong tơpăt păng tơdrong Ih dŏng pơklaih. Mă inh ưh kơ băt jô̆ lơ dôm yơ.

Horiso 71:19

Ơ Kră Yang 'Bok Kei-Dei, tơdrong tơpăt Ih kơjung tĭk tơ plĕnh. Ih đei pơm boih tơdrong jang tih. Ơ Kră Yang 'Bok Kei-Dei, bu đei thoi Ih?

Horiso 71:2

Lăm tơdrong tơpăt Ih, apinh Ih dŏng pơklaih inh păng ăn kơ inh gơh rơngei. Pơgling đon mơ̆ng inh păng pơklaih inh.

Horiso 71:24

Rim năr hơpiĕt inh gô roi tơdrong tơpăt Ih; Yua kơ lu bơngai chă pơrăm inh mơlâu đĭ păng hlơ̆l kơdơ̆ ngăl boih.

Êsai 26:13

Ơ Kră Yang, 'Bok Kei-Dei lu nhôn, 'nguaih kơ Ih kư̆m đei lu yŏng nai pơgơ̆r lu nhôn, Mă-lei lu nhôn gơnang kơ minh anăn Ih đĕch.

Êsai 40:31

Mă-lei bu chang gô Kră Yang sư gô đei jơhngơ̆m pran 'nao, sư gô păr kơjung thoi sem klang; kơdâu mă ưh kơ băt kơ lap, nơnăm mă ưh kơ gleh.

Êsai 63:7

Inh gô roi tơ'blŏk tơdrong Kră Yang 'mêm mơnat, păng hơri bơnê ư-ang kơ Kră Yang kơ dôm lu tơdrong mă Kră Yang pơm bơih kơ lu bơ̆n păng tơdrong 'lơ̆ng tih Sư ăn kơ adrĕch Isơrael, dôm lu tơdrong mă Sư đei ăn kơ bơ̆n, kiơ̆ kơ tơdrong Sư 'mêm Kră Yang dŏng pơklaih lu sư bơih.

Sa 10:12

Inh gô ăn kơ lu sư pran kơtang lăm Kră Yang păng Lu sư yak năm lăm anăn Kră Yang.” Kră Yang khan thoi noh.

Mathiơ 6:33

Thoi noh na iĕm athei ăn kơ Sư pơgơ̆r iĕm, hăm adrin pơm 'lơ̆ng thoi Sư wă, noh kăl hloh kơ dôm tơdrong nai; pơm thoi noh na Sư gô ăn kơ iĕm tôm tơmam iĕm kăl yua.

Rom 1:17

Yua kơ bơ̆n lui kơ tơdrong 'nao 'lơ̆ng Yêsu Krist, na 'Bok Kei-Dei jô̆ bơ̆n jing bơngai 'lơ̆ng hăm Sư. Sư jô̆ bơ̆n thoi noh yua kơ minh tơdrong bơ̆n lui kơ Kon Sư đĕch. 'Noh kư̆m thoi đe roi lăm sơ̆p hla bơar Sư sơ̆ thoi âu: “Bơngai bu lui kơ 'Bok Kei-Dei, 'Bok Kei-Dei jô̆ sư bơngai 'lơ̆ng tơpăt ăn kơ sư arih ling-lang.”

Rom 10:3

Lu sư ưh kơ băt kơ 'Bok Kei-Dei ăn kơ lu sư Yêsu, athei gơnang kơ Yêsu na gơh jing bơngai 'lơ̆ng hăm 'Bok Kei-Dei. Na 'nâu lu sư gơnang kơ akâu lu sư kiơ̆ tơdrong juăt 'Bok Kei-Dei pơkă, lu sư ưh kơ gơh klaih ôh.

Rom 3:21

Na dang ei 'Bok Kei-Dei wă tơ'bôh kơ bơ̆n tơdrong Sư wă ăn kơ kon bơngai jing 'lơ̆ng tơpăt. Sư jô̆ kon bơngai bơ̆n 'lơ̆ng tơpăt yua kơ bơ̆n lui kơ Yêsu, ưh kơ sĭ yua kơ bơ̆n gơnang kơ akâu kơdih wă kiơ̆ tơdrong juăt 'Bok Kei-Dei pơkă sơ̆ ôh. Tơdrong juăt Sư pơkă noh hăm lu bơngai pơtruh nơ̆r Sư sơ̆ tơbăt ăn kơ bơ̆n

Êphêsô 3:16

Sư đei tôm tĕch tơdrong na inh apinh Sư ăn kơ iĕm Yang Bơhngol 'Lơ̆ng Sư oei hơdai hăm iĕm wă kơ iĕm đei jơhngơ̆m pran.

Êphêsô 6:10

Tơdrong inh chih hơpong kơ iĕm wă jê̆ tôch boih, mă-lei oei đei pă minh tơdrong âu kăl tơpă, na inh wă roi tơbăt ăn kơ iĕm: Bơ̆n athei gơnang kơ Yêsu hăm đĭ jơhngơ̆m, yua kơ Sư Kră Yang mơsêh tăp pang mơyang tăp dăr gơh pơm tôm tơdrong, na wă kơ Sư tơgŭm bơ̆n gơh đei jơhngơ̆m pran.

Both 33:25

Lu 'long chơkăl tang 'măng jang pơm hăm bơsei mam păng kong, chăl arih ih sot dang yơ, jơhngơ̆m ih oei pran dang noh.

Philip 3:9

na jing pôm đon hăm Sư. Kuă boih gơnang kơ akâu inh kiơ̆ tôm tơdrong juăt; inh wă gơnang kơ Yêsu Krist đĕch, na 'Bok Kei-Dei jô̆ inh bơngai tơpăt.

Philip 4:13

Inh kĕ iŏk dôm tơdrong 'noh yua kơ inh gơnang kơ Yêsu Krist na Sư ăn kơ inh kĕ iŏk dôm tơdrong 'noh. Tơ̆ng ưh, inh ưh kơ kĕ ôh.

II Tes 1:6

Păng Sư gô ăn tơdrong gleh kơ lu bơngai pơm kơnê̆ kơ bơ̆n.

II Tim 2:1

Ơ dăm, ih athei adrin jang tơdrong Kră Yang Yêsu Krist pran kơtang. Sư boih gô ăn kơ ih jing pran.