Horiso 69:9 - Sơ̆p Hlabơar Nơ̆r 'Bok Kei-Dei

⁹ Yua kơ tơdrong hưch hanh kơ Hnam Ih dang luăn sa inh. Tơdrong đe hiĕk pơjăm Ih 'bơm boih tơ inh.

Horiso 69:9 ပူးပေါင်းရင်းမြစ်များ

I Pot 19:10

Sư tơl: “Jơhngơ̆m inh oei adrin yua kơ Kră Yang 'Bok Kei-Dei Tih Hloh, yua kơ bơngai Isơrael sơngah bơih kơ tơdrong pơgơ̆p Ih, pơrăm lê̆ chơnang soi ih, păng iŏk đao gưm pơlôch lu bơngai khan lê̆ adrol mă Ih yua. Pă minh 'nu inh oei arih, na dang ei lu sư kư̆m oei chă wă pơlôch inh.”

I Ho 29:3

Yua kơ đei jơhngơ̆m 'mêm kơ hnam Kră Yang 'Bok Kei-Dei bơ̆n, na 'nguaih kơ dôm tơmam inh ăn wă pơm hnam 'lơ̆ng rơgoh, inh kư̆m pơyơ̆r ăn kơ pơm hnam Kră Yang 'Bok Kei-Dei inh lu tơmam maih hu đơ̆ng hnam tah tơmam inh kơdih.

Jop 19:13

Sư pơm lê̆ kơ lu 'nhŏng oh inh weh ataih đơ̆ng inh, lu bơngai juăt kơ inh jing tơmoi nai.

Horiso 119:139

Tơdrong inh tơnăp soh chhông lăm jơhngơ̆m inh. Yua kơ lu bơngai ayăt kơ inh hiơt boih kơ nơ̆r Ih.

Horiso 38:12

Lu bơngai wă pơlôch inh, lu sư hơ'năk kơ inh hơđong. Lu bơngai chơchă wă pơrăm inh tă kơ pơma kơnê̆, Păng prăt năr chă hơlĕnh pơdăr.

Horiso 89:41

Đĭ kơ lu bơngai yak rok noh tơgar iŏk tơmam đơ̆ng sư. Sư jing bơngai rông 'bôt pơjăm.

Rom 15:3

kư̆m thoi Yêsu ưh kơ pơm kiơ̆ kơ đon Sư kơdih ôh. 'Noh kư̆m thoi đe chih roi tơdrong Sư pơma kơ 'Bok Kei-Dei sơ̆ khan: “Dôm tơdrong đe hil areh kơ Ih kư̆m hil areh kơ Inh mơ̆n.”