Horiso 69:7 - Sơ̆p Hlabơar Nơ̆r 'Bok Kei-Dei

⁷ Noh yua kơ Ih na inh pŭ iŏk tơdrong đe pơjăm, tơdrong mơlâu 'bĕnh kơ muh măt inh.

Horiso 69:7 ပူးပေါင်းရင်းမြစ်များ

Horiso 44:15

Tơdrong mơlâu 'bơ̆t anăp inh rim năr. Tơdrong mơlâu gom đĭ muh măt inh,

Horiso 44:22

Sĭt tơpă, yua kơ Ih boih na đe pơlôch nhôn rim năr. Lu nhôn thoi lu kon triu đe wă 'buh sa.

Êsai 50:6

Inh ăn bơih kơ đe teh rŏng inh, păng ăn tơ'bŏk inh kơ đe buch sŏk kang inh. Lu bơngai pơ'brơh kơ inh gơsoh đak hai, inh ưh kơ đei ôn muh măt ôh.

Êsai 53:3

Sư bơngai đe areh păng đe kuă kơ sư. Sư ling-lang pŭ iŏk tơdrong ơh sơ'ngon pơmat-tat jĭ jơhngơ̆m. Thoi bơngai mă đe ôn muh măt ưh kơ sư. Đe areh kơ sư; lu bơ̆n lăng sư kư̆m ưh kơ đei rơ-a kiơ.

Je 15:15

Ơ Kră Yang, Ih băt đĭ boih, apinh Ih 'blŏk kơ inh păng wei-lăng inh, apinh iung kơting bĕ kơ lu bơngai mă pơm kơnê̆ kơ inh. Hăm tơdrong Ih mơnat, 'nĕ kơ hŭt lê̆ inh. Ih kư̆m 'blŏk, yua kơ Ih na inh pŭ iŏk tơdrong đe pơjăm.

Luka 23:11

Na Hêrôt păng lu linh sư che bơle pơ'brơh kơ Yêsu. Lu sư pơhrŭk ăn kơ Yêsu ao tai rŏ tơpă pơm thoi pơtao na tơwih Sư tơ Pilat dơ̆ng.

Hêbrơ 12:2

Bơ̆n athei lăng Yêsu ling-lang, yua kơ Sư pơih trong kơ bơ̆n lui kơ 'Bok Kei-Dei kơjăp truh tôch. Sơ̆ Sư băt tôm tơdrong 'Bok Kei-Dei wă ăn kơ Sư gô hiôk, na Sư chu iŏk đe pơ̆ng pơlôch Sư tơ 'long pơglang. Sư ưh kơ tơchĕng kơ đe pơm kơnê̆ pơ'brơh kơ Sư ôh. Na dang ei Sư oei gah 'ma kơ 'Bok Kei-Dei.