Horiso 69:21 - Sơ̆p Hlabơar Nơ̆r 'Bok Kei-Dei

²¹ Lu sư ăn hla tăng pơm tơmam sa inh. Păng ăn kơ inh nhă đak iŭ kơplah rơhing.

Horiso 69:21 ပူးပေါင်းရင်းမြစ်များ

Bôk Bơthô 4:1

Inh lăng tơ rŏng, 'bôh dôm tơdrong pơjuă pơđep băl tơ ala teh; to bơngai mă đe pơjuă pơđep nhơ̆m ơh sơ'ngon, ưh kơ đei bu pơlung lu sư! Lu bơngai gơh chă pơjuă pơđep, mă-lei ưh kơ đei bu dŏng pơlung lu bơngai mă đe pơjuă pơđep noh!

Je 23:15

Thoi noh Kră Yang Tih Hloh khan gah lu bơngai khan lê̆ adrol noh: “Inh gô ăn kơ lu sư sa 'long tăng păng nhă đak hơkăm, yua kơ đơ̆ng lu bơngai khan lê̆ adrol lăm pơlei Jêrusalem, tơdrong pơm yoch kơnê̆ dêh rai jơ̆p kơ dêh char.”

Je 8:14

“Liơ lu bơ̆n hơ-oei tơ âu? Bĕ bơ̆n akŭm băl! Bĕ bơ̆n kơdâu ôn mơ̆t oei tơ lăm lu pơlei tih kơjăp noh păng lôch tơ noh, yua kơ Kră Yang 'Bok Kei-Dei pơkă wă pơlôch pơrăm bơ̆n! Sư ăn boih kơ bơ̆n nhă đak bơnhŭl yua kơ bơ̆n pơm yoch boih hăm Sư.

Je 9:15

Thoi noh Kră Yang Tih Hloh 'Bok Kei-Dei lu bơngai Isơrael khan: “'Nâu Inh gô 'me rong kon pơlei 'nâu hăm 'long tăng păng ăn kơ lu sư nhă đak hơkăm bơnhŭl.

Nhom 1:2

Sư nhơ̆m ơh ol kơmăng, đak măt lĕch 'bĕnh kơ tơ'bŏk. Dôm lu bơngai mă 'mêm kơ sư, ưh kơ đei bu pơlung sư. Buôl buăl sư pơm tơwih kơ sư, tă kơ jing ayăt ngăl.

Nhom 1:9

Hơbĕn ao lu sư mơgrĭ; sư ưh pă đei tơchĕng boih năr tôch wă truh kơ sư! Tơdrong rơdu sư phara, ưh pă đei bu pơlung sư! Ơ Kră Yang apinh Ih lăng tơdrong pơmat-tat inh, yua kơ lu ayăt pôk pơang lu sư kơdih pơm tih.

Mathiơ 27:34

Lu sư ăn kơ Yêsu et sik bơlŭ hăm pơgang sơmren. Mă-lei Yêsu chŭm đĕch ưh kơ et ôh.

Mathiơ 27:48

Na đei minh 'nu bơngai kơdâu iŏk tơmam thoi tơpu dơyĕn, sư tong tơ đak sik 'nhŭ, kiĕn tơ 'long na tơ'mơn ăn kơ Yêsu hrip.

Markôs 15:23

Lu sư ăn kơ Yêsu sik bơlŭ hăm pơgang sơmren, mă-lei Sư ưh kơ et ôh.

Markôs 15:36

Na đei minh 'nu bơngai kơdâu iŏk tơmam thoi tơpu dơyĕn, djrŭ tơ đak sik 'nhŭ, na kiĕn tơ 'long na tơ'mơn ăn kơ Yêsu hrip. Bơngai ei khan kơ đe: “Bơ̆n gô lăng lăng, hăm 'bôh Êli năm tơjur Sư đơ̆ng 'long pơglang tơpă dah ưh.”

Luka 23:36

Lu linh che bơle kơ Yêsu mơ̆n. Lu sư năm tơ Yêsu pơm ăn kơ Sư sik athei et.

Both 29:18

Athei kơchăng bĕ, 'nĕ kơ đei bu drŏ-nglo dah drŏ-kăn, hnam dơnŏ dah adrĕch adrung ayơ mă dơ̆ng tơ âu năr 'nâu achăng lê̆ Kră Yang 'Bok Kei-Dei lu bơ̆n, na năm kơkuh kơ lu yang adrĕch drung nai; lăm lu iĕm athei 'nĕ kơ ăn đei rơh kơnê̆ hơkăm chăt sôr tơ lăm lu iĕm.