Horiso 68:8 - Sơ̆p Hlabơar Nơ̆r 'Bok Kei-Dei

⁸ Teh gô pơpơ̆, đơ̆ng plĕnh gô đei 'mi jur 'bơ̆t anăp Kră Yang 'Bok Kei-Dei. Kông Sinai kư̆m pơpơ̆ 'bơ̆t anăp Kră Yang 'Bok Kei-Dei, jơ̆ Kră Yang 'Bok Kei-Dei lu bơngai Isơrael.

Horiso 68:8 ပူးပေါင်းရင်းမြစ်များ

Horiso 114:7

Ơ teh pơpơ̆ tơdrŏ bĕ, 'bơ̆t anăp Kră Yang. 'Bơ̆t anăp Kră Yang 'Bok Kei-Dei Jakôp.

Horiso 41:13

Trŏ kơkuh bơnê kơ Kră Yang Kră Yang 'Bok Kei-Dei Isơrael Đơ̆ng âu truh tơ ning-mônh ling-lang A-men, A-men!

Horiso 68:35

Ơ Kră Yang 'Bok Kei-Dei, Ih trŏ boih kơ nhôn hli kơkuh lăm anih 'lơ̆ng rơgoh. Ih Kră Yang 'Bok Kei-Dei ăn tơdrong pran păng mơsêh mơyang kơ kon pơlei Isơrael Ih. Kơkuh bơnê bĕ kơ Kră Yang 'Bok Kei-Dei!

Horiso 77:18

Grơ̆m Ih re kiơ̆ lăm kial hơbŭt; Kơmlat pơchrang hơdah kơ teh đak; Teh pơpơ̆ păng tơdrŏ.

Le 13:18

Lei na Kră Yang 'Bok Kei-Dei chông ba lu kon pơlei năm dăr rok kiơ̆ trong lăm char glă, gah Đak Dơsĭ 'Brê. Kon pơlei Isơrael chĕp khêl đao lĕch đơ̆ng dêh Êyiptơ.

Le 19:16

Pơgê năr mă pêng, đei grơ̆m glaih kơmlat, hơmơ̆l kok hơ'bơ̆l dêh gom tơ kơpal kông păng kơtơ̆ng đei jơwa hlôm tơgiĕp re dêh pơm kơ đĭ-đăng kon pơlei oei lăm bơsŭn hli tơrơ ngăl.

Le 19:18

'Nhui gom jơ̆p kơ kông Sinai, yua kơ Kră Yang jur tơ lăm ŭnh: 'Nhui ŭnh noh tŏk tơ kơpal kơjung nhen thoi đơ̆ng tơnuh ŭnh tih păng jơ̆p kơ kông pơpơ̆ dêh.

Êsai 45:3

Inh gô ăn kơ ih tơmam gĭt tah ôn lăm anih măng mu, Ăn kơ ih mŭk tơmam gĭt lăm anih hlơp, wă kơ ih băt kơ Inh bơih Kră Yang, 'Bok Kei-Dei đe Isơrael. Tơ'ngla krao ih hăm anăn ih.

Êsai 64:1

Ơ! Kuă kơ kiơ Kră Yang hek plĕnh na jur tơ teh, wă pơm kơ kông pơpơ̆ 'bơ̆t anăp Ih.

Êsai 64:3

Kơplah Ih pơm lu tơdrong trŏ kơ hli krưp mă lu nhôn ưh kơ đei tơchĕng 'bơm. Na Ih jur păng lu kông tơdrŏ pơpơ̆ 'bơ̆t anăp Ih.

Habakuk 3:13

Ih iung lĕch pơklaih kon pơlei Ih kơdih, Ih lĕch dŏng pơklaih bơngai mă Ih đei tuh đak rơmă. Ih teh pơrăm kơ̆l bơngai kơnê̆, pơrăm lê̆ hnam sư, Pơm kơ sư akâu hoh đơ̆ng jơ̆ng truh tơ kơ̆l. Sêla

Hêbrơ 12:26

Kơplah Sư pơma kơ lu bơngai noh sơ̆, nơ̆r Sư pơma pơm kơ teh adrŏ. Ahrei Sư khan thoi âu dơ̆ng: “Pă minh 'măng Inh pơm, ưh pă pơm kơdrô̆ teh boih; Inh wă pơm pơđĭ plĕnh păng teh hloi.”

Tơdrông Tơ'bôh 11:19

Inh 'bôh hnam 'Bok Kei-Dei tơ plĕnh ti pơih 'măng, na inh 'bôh hom tih đe tah tơmo lat chih tơdrong 'Bok Kei-Dei pơkă kơ kon bơngai sơ̆. Na đei grơ̆m glaih tơdrăng kơmlat kơchêr kơchar, teh adrŏ mơ'nưt mơ'nat păng 'mi pru prĕl tih.

Lu 4:14

Đêbôra pơma hăm Barak khan: Iung bĕ! Năr 'nâu boih năr mă Kră Yang pơjao Sisêra lăm ti ih. Hăm trŏ kơ Kră Yang năm adrol kơ ih? Thoi noh na Barak jur đơ̆ng kông Tabôr, đei mơjĭt-rơbâu 'nu bơngai kiơ̆ sư.