Horiso 68:35 - Sơ̆p Hlabơar Nơ̆r 'Bok Kei-Dei

³⁵ Ơ Kră Yang 'Bok Kei-Dei, Ih trŏ boih kơ nhôn hli kơkuh lăm anih 'lơ̆ng rơgoh. Ih Kră Yang 'Bok Kei-Dei ăn tơdrong pran păng mơsêh mơyang kơ kon pơlei Isơrael Ih. Kơkuh bơnê bĕ kơ Kră Yang 'Bok Kei-Dei!

Horiso 68:35 ပူးပေါင်းရင်းမြစ်များ

Ne 1:5

Ơ Kră Yang 'Bok Kei-Dei kơ hơtăl plĕnh, wă khan Kră Yang 'Bok Kei-Dei tih hloh păng trŏ kơkuh tơ'ngla wei nơ̆r pơgơ̆p păng jơhngơ̆m 'mêm mơnat kơ lu bơngai mă kơkuh 'mêm kơ Sư păng wei răk dôm nơ̆r tơtă đơ̆ng Sư!

Jop 37:22

Kră Yang truh đơ̆ng gah yă-nơ̆m lĕch pơchrang rang hơdah Kon bơngai hli tơrơ kơ tơdrong ư-ang rang mơnhal Sư.

Horiso 29:1

Ơ lu kon Kră Yang 'Bok Kei-Dei, bơnê bĕ kơ Kră Yang 'lơ̆ng rŏ păng mơsêh mơyang

Horiso 29:11

Kră Yang gô ăn tơdrong kơtang kơ kon pơlei pơla Sư. Kră Yang gô ăn pŭn hiôk, rơnŭk rơnua kơ kon pơlei pơla sư.

Horiso 45:4

Hăm tơdrong tơpăt, tơdrong dim iơ̆m păng tơdrong 'lơ̆ng tơpăt, Iŏk bĕ tơdrong tih rŏ Ih năm tŏk kĕ jei, Ti 'ma Ih tơ'bôh dôm tơdrong krưp.

Horiso 47:2

Yua kơ Kră Yang Tih Hloh, a trŏ kơ hli yom. Sư jơ̆ pơtao Tih Hloh kơpal teh đak âu.

Horiso 65:5

Ơ Kră Yang 'Bok Kei-Dei Tơ'ngla dŏng pơklaih lu nhôn. Hăm tơdrong trŏ Ih gô tơl tơwih kơ lu nhôn kiơ̆ tơdrong tơpăt. Ih jơ̆ anih lu bơngai đơ̆ng tôch kơ teh đak păng jơ̆p kơpal đak dơsĭ ataih hơđơ̆ng hơmĕng.

Horiso 66:20

Kơkuh bơnê kơ Kră Yang 'Bok Kei-Dei, yua kơ sư ưh kơ đei sơngah kơ nơ̆r inh krao khan. Kŭm ưh kơ đei lê̆ iŏk tơdrong Sư 'mêm kơ inh.

Horiso 66:5

Năm lăng, bĕ dôm tơdrong jang Kră Yang 'Bok Kei-Dei: Tơdrong jang Sư pơm kơ kon bơngai trŏ hli yom tơpă.

Horiso 76:12

Sư gô hŭt lê̆ tơdrong pơang, đơ̆ng lu yŏng mơng; Pơm kơ lu pơtao lăm teh đak, hli tơrơ kơ Sư.

Le 15:1

Đơ̆ng noh, Môis păng kon pơlei Isơrael hơri 'bai 'nâu kơ Kră Yang, khan: Inh gô hơri ư-ang kơ Kră Yang, yua kơ Sư mơsêh mơyang tih. Kră Yang klơ̆m lê̆ aseh păng bơngai hao aseh lăm đak dơsĭ.

Êsai 40:29

Sư ăn jơhngơ̆m pran kơ lu bơngai gleh lap, thim ăn jơhngơ̆m pran kơ lu bơngai rơdu.

Êsai 40:31

Mă-lei bu chang gô Kră Yang sư gô đei jơhngơ̆m pran 'nao, sư gô păr kơjung thoi sem klang; kơdâu mă ưh kơ băt kơ lap, nơnăm mă ưh kơ gleh.

Êsai 45:21

Lê̆ lu sư năm pơđâu băl Ră roi bĕ, pơdah bĕ khan bĕ. Đơ̆ng chăl adrol sơ̆ bu ră roi pơdah tơdrong âu? Bu pơdah tơdrong âu đơ̆ng blŭng-a sơ̆? Hăm trŏ kơ Inh Kră Yang ưh? 'Nguaih kơ Inh ưh kơ đei 'Bok Kei-Dei nai ôh! Ưh kơ đei 'Bok Kei-Dei 'lơ̆ng tơpăt nai păng ưh kơ đei Kră Yang dŏng pơklaih nai yua kơ Inh bơih Kră Yang 'Bok Kei-Dei, ưh kơ đei yang nai dơ̆ng.

Sa 10:12

Inh gô ăn kơ lu sư pran kơtang lăm Kră Yang păng Lu sư yak năm lăm anăn Kră Yang.” Kră Yang khan thoi noh.

Êphêsô 3:16

Sư đei tôm tĕch tơdrong na inh apinh Sư ăn kơ iĕm Yang Bơhngol 'Lơ̆ng Sư oei hơdai hăm iĕm wă kơ iĕm đei jơhngơ̆m pran.

Both 33:25

Lu 'long chơkăl tang 'măng jang pơm hăm bơsei mam păng kong, chăl arih ih sot dang yơ, jơhngơ̆m ih oei pran dang noh.

Both 33:26

Ưh kơ đei bu thoi Kră Yang 'Bok Kei-Dei Jêsurun, Tơ'ngla, păr tơ lu tăl plĕnh, năm dŏng tơgŭm ih. Tơ lăm lu hơmơ̆l, Sư 'lơ̆ng rŏ hloh.

Philip 4:13

Inh kĕ iŏk dôm tơdrong 'noh yua kơ inh gơnang kơ Yêsu Krist na Sư ăn kơ inh kĕ iŏk dôm tơdrong 'noh. Tơ̆ng ưh, inh ưh kơ kĕ ôh.

Kôlôsê 1:11

Na nhôn apinh tơdrong mơsêh mơyang 'Bok Kei-Dei ăn kơ iĕm jơhngơ̆m pran adrin kiơ̆ tôm tơdrong Sư, wă kơ iĕm huay kơ achăng lê̆ Sư, mă đe pơm pơmat kơ iĕm dang yơ, ăn kơ iĕm oei hiôk oei kơjăp lăm tơdrong lui khŏm khŏm.