Horiso 68:30 - Sơ̆p Hlabơar Nơ̆r 'Bok Kei-Dei

³⁰ Hil bĕ kơ lu kon sem bri tơ lăm 'nhĕt pơtăng, Hil bĕ kơ lu rơmo tơno păng lu kon iĕ rơmo kon pơlei; Dĭng dôm lu bơngai hơtơ̆p kŭl-tăng pơyơ̆r hu. Ih puh tơweh lê̆ lu bơngai mă 'maih tơblah tơblŭng.

Horiso 68:30 ပူးပေါင်းရင်းမြစ်များ

II Ho 9:14

Ưh kơ jô̆ lu maih mă đơ̆ng lu mơdro pơyơ̆r, mă hu maih đơ̆ng pơtao Arâp dah đơ̆ng lu yŏng pơgơ̆r char năm ba ăn kơ pơtao Sôlômôn.

II Ho 9:24

Lăm rim sơnăm, lu sư năm tơ'bơ̆p chĕp ba tơmam pơyơ̆r, tơmam đe pơm păng hu maih, hơbĕn ao, tơmam tơblah tơmam 'bâu phu, aseh păng aseh iĕ.

Jop 40:21

Sư 'bĭch tep tơ ala kơ bơmreh 'long jơla. Sư ôn pur akâu lăm trâp đei 'nhĕt trang.

Horiso 120:7

Inh wă tơdrong rơnŭk rơnua, mă-lei dah inh pơma 'biơ̆, Lu sư 'maih tơblah.

Horiso 18:44

Lăp Lu sư kơtơ̆ng gah inh; lu sư chu yom kơ inh; Lu bơngai tơmoi kư̆m gô chu kiơ̆ inh.

Horiso 2:12

Chŭm Sư bĕ, hli kơ Sư hil, păng hli kơ iĕm lôch hiong lăm trong tôch; Yua kơ tơdrong sư hil rai tŏk. Pŭn hiôk dêh kơ bu mă kơ'nơp lăm Sư!

Horiso 72:10

Lu pơtao Tarêsi păng lu bŏl đak dơsĭ gô ăn thuê̆ kơ sư. Pơtao Seba păng Seba gô pơyơ̆r ăn kơ sư.

Horiso 89:10

Kră Yang teh pơjuă Rahap.a Thoi akâu bơngai lôch. Ih yua kơkŏng ti pran Ih teh tơklah lu ayăt kơ Ih.

Êsai 34:7

Lu kon pơlei thoi rơmo bri tơno gô wang pơ̆k hơdai lu sư; đĭ lu rơmo bri dăm păng lu rơmo tơno pran kơtang. Teh đak lu sư 'bĕnh kơ pham. 'Mui teh hơiuh rơbơ̆r yua kơ rơmă.

Je 50:11

Ơ lu bơngai mă blah iŏk mŭk tơmam Inh. Mă lu iĕm chơt hiôk 'nă hal, Mă lu iĕm pơplŏng thoi kon rơmo adruh lăm tơmăn 'nhĕt.a Hmoi thoi aseh tơno.

Êsêkiên 29:3

Pơma khan kơ sư: Kră Yang khan thoi âu: “Ơ Pharaôn, pơtao Êyiptơ, âu Inh blah ih, ih jing sem brem tih kơnê̆ oei 'bĭch lăm đak glung. Ih khan: “Đak krong Nil noh gah Inh, đêl Inh kôch pơm sư.

Sa 8:22

Thoi noh đei lơ kon pơlei păng lu adrĕch adrung lăm teh đak pran kơtang gô năm chă Kră Yang Tih Hloh tơ pơlei Jêrusalem păng apinh tơdrong mơnat đơ̆ng Kră Yang tơ noh.”

Rom 7:22

Jơhngơ̆m klơm klak inh 'maih kiơ̆ tôm tơdrong juăt 'Bok Kei-Dei pơkă ră.

Ya 4:1

Yua kơ kiơ iĕm hil areh pơjah pơjăng dih băl? Yua kơ jơhngơ̆m iĕm hưch kơ tơdrong âu tơdrong to, jing pơtuah kuă ăn iĕm kiơ̆ tơdrong 'Bok Kei-Dei hăm trŏ?