Horiso 68:28 - Sơ̆p Hlabơar Nơ̆r 'Bok Kei-Dei

²⁸ Kră Yang 'Bok Kei-Dei Sư ăn boih tơdrong pran kơtang kơ ih; Ơ Kră Yang 'Bok Kei-Dei, tơ'bôh ăn bĕ tơdrong mơsêh Ih mă tơdrong jang Ih đei pơm kơ lu nhôn.

Horiso 68:28 ပူးပေါင်းရင်းမြစ်များ

Horiso 138:8

Kră Yang gô pơm keh dôm tơdrong Sư pơkă kơ inh. Ơ Kră Yang, tơdrong 'mêm Ih oei oei ling-lang; Apinh Ih 'nĕ kơ lê̆ dôm tơdrong jang đơ̆ng ti Ih.

Horiso 42:8

Kơ'năr Kră Yang pơdah ăn tơdrong Sư mơnat. Gah kơmăng nơ̆r hơri Sư oei hơdai inh.a Nơ̆r krao khan kơ Kră Yang. Kră Yang 'Bok Kei-Dei kơ tơdrong arih inh,b

Horiso 44:4

Ih boih Kră Yang pơtao inh. Tơ'ngla ăn tơdrong dŏng pơklaih Jakôp.b

Horiso 71:3

Ih thoi tơmo tih, anih inh kơ'nơp; tơ lăm noh ling-lang; Ăn nơ̆r tơtă wă pơklaih inh. Yua kơ Ih jơ̆ kơđông păng tơmo pĕng inh.

Êsai 40:31

Mă-lei bu chang gô Kră Yang sư gô đei jơhngơ̆m pran 'nao, sư gô păr kơjung thoi sem klang; kơdâu mă ưh kơ băt kơ lap, nơnăm mă ưh kơ gleh.

Philip 1:6

'Bok Kei-Dei jô̆ iĕm jing bơngai 'lơ̆ng boih, na inh băt tơpă Sư gô tơgŭm iĕm ling-lang truh tơ năr Yêsu Krist jur ning-mônh.

II Tes 1:11

Kơlih kơ thoi noh nhôn krao khan kơ Kră Yang 'Bok Kei-Dei apinh Sư ăn kơ iĕm lui kơjăp khŏm khŏm trŏ thoi Sư wă. Sư boih krao iŏk lu iĕm wă kơ iĕm jing kon Sư. Nhôn apinh Sư ăn kơ iĕm jơhngơ̆m pran wă kơ iĕm gơh răk đon 'lơ̆ng tơpăt, kư̆m thoi iĕm tơchĕng wă mơ̆n. Nhôn apinh Sư ăn kơ iĕm lui kơjăp wă kơ iĕm jang tơdrong Sư pran kơtang.

Lu 4:10

Barak krao akŭm pơpôi bơngai Sebulun păng bơngai Naptali năm tơ pơlei Kêđes, đe mơjĭt-rơbâu 'nu bơngai kiơ̆ sư păng Đêbôra năm hơdai sư.

I Sam 9:21

Sôl drơ̆ng: Inh jĭ minh 'nu adrĕch bơngai Bênjamin minh adrĕch iĕ hloh kơ đĭ-đăng lăm Isơrael; hnam dơnŏ inh jĭ hnam dơnŏ iĕ hloh lăm hnam dơnŏ adrĕch Bênjamin. Liơ ih pơma hăm inh khan thoi ei lĕ?