Horiso 65:3 - Sơ̆p Hlabơar Nơ̆r 'Bok Kei-Dei

³ Tơdah jei tơdrong kơnê̆. Tơdrong mă lu nhôn pơm yoch Ih gô mơnat ăn.

Horiso 65:3 ပူးပေါင်းရင်းမြစ်များ

I Pot 9:3

Kră Yang khan kơ sư: “Inh kơtơ̆ng bơih dôm nơ̆r ih krao khan apinh 'bơ̆t anăp Inh. Inh 'măn lê̆ pha bơih Hnam 'nâu mă ih pơm wă kơ rơgoh, wă kơ anăn Inh oei lăm noh ling-lang; măt păng jơhngơ̆m Inh gô oei tơ noh ling-lang.

II Pot 19:20

Êsai kon drŏ-nglo Amôt wơh bơngai năm khan kơ Hesekia, khan: Kră Yang 'Bok Kei-Dei lu bơngai Isơrael khan: Inh kơtơ̆ng bơih nơ̆r ih krao khan gah tơdrong Senacherip, pơtao đe Asiri.

II Pot 20:5

“Wơ̆t brŏk bĕ, khan kơ Hesekia, pơtao lu kon pơlei Inh, Kră Yang 'Bok kei-Dei Đawit 'bok kơdră ih khan: Inh kơtơ̆ng bơih nơ̆r ih krao khan, 'bôh ih nhơ̆m lĕch đak măt; 'nâu Inh gô pơklaih jĭ ih; truh tơ năr mă pêng ih gô năm tơ hnam Kră Yang.

Horiso 38:4

Yua kơ tơdrong kơnê̆ inh, hloh kơ kơ̆l inh, Sư trăp dêh kơ inh, wă pŭ.

Horiso 40:12

Yua kơ đei tơdrong kơnê̆ lơ pă kĕ jô̆ wang tăp kơ inh. Tơdrong kơnê̆ inh druh tam inh boih, Dĭng inh pă gơh 'bôh. Sư lơ tơpă hloh kơ găr sŏk tơ kơpal kơ̆l inh. Jơhngơ̆m inh rơdu.c

Horiso 51:7

Apinh Ih iŏk hla bơngăl sut rơgoh yoch inh, na inh gô 'lơ̆ng, Apinh ôp inh, na inh gô jing kok hloh kơ prĕl.

Horiso 79:9

Ơ Kră Yang 'Bok Kei-Dei Tơ'ngla dŏng pơklaih nhôn, yua kơ wă ư-ang anăn Ih apinh Ih tơgŭm nhôn. Yua kơ anăn Ih, apinh Ih dŏng pơklaih lu nhôn, păng mơnat ăn kơ tơdrong yoch lu nhôn.

Êsai 6:7

Sêraphim kep ngar noh 'bơm tơ 'bơ̆r inh, na khan: “Lăng âu tơmam âu hơtŭt 'bơm hơkŭng ih bơih, tơdrong kơnê̆ ih tŭk lê̆ bơih, tơdrong yoch ih mơnat ăn bơih.”

Êsai 66:23

Kră Yang khan: “Đĭ-đăng kon bơngai gô năm kơkuh 'bơ̆t anăp Inh. Đơ̆ng Khei 'Nao Tơ'bang 'nâu truh tơ khei tơ'bang to, đơ̆ng năr Sa'bat 'nâu truh tơ năr Sa'bat nai.

Je 16:19

Ơ Kră Yang, Ih boih ăn kơ inh jơhngơ̆m pran kơtang, kơđông kơjăp inh. Anih mă inh kơ'nơp lăm năr pơmat-tat. Lu kon bơngai đơ̆ng tôch kơ teh đak gô năm kơkuh kơ Ih păng khan: “'Bok yă lu nhôn kơkuh kơ yang chă pơm, ưh kơ đei yua kiơ, ưh kơ đei tơgŭm kiơ.

Sa 13:1

Lăm năr noh Inh gô pơchoh ăn minh pôm đak glung kơ hnam Đawit păng lu kon pơlei oei lăm Jêrusalem, yua kơ wă ôp tơdrong yoch kơnê̆ 'mê̆ brư̆.

Yo 1:29

Năr đơ̆ng rŏng dơning dơ̆ng, Yôhan 'bôh Yêsu thar năm tơ sư, na Yôhan khan kơ đe: “Iĕm lăng bĕ, 'Bok to 'noh boih Kon Triu 'Bok Kei-Dei, 'Bok 'noh boih pơklaih yoch bơngai jơ̆p-jang kơ teh đak.

Galati 5:17

Dah jơhngơ̆m đon iĕm kuă kiơ̆ Yang Bơhngol 'Lơ̆ng bơtho, thoi noh Yang Bơhngol 'Lơ̆ng lăng jơhngơ̆m đon tơdrong iĕm pơm ưh kơ layơ wă 'blep trŏ thoi Sư wă. Jơhngơ̆m đon iĕm păng Yang Bơhngol 'Lơ̆ng, bre sư pơjrot băl, na iĕm ưh kơ gơh pơm kiơ̆ kơ iĕm wă ôh.

Hêbrơ 9:14

Tơ̆ng thoi ei, lei pham Yêsu Krist kăl hloh kơ dôm lu pham sem noh, yua kơ Sư rơgoh ling-lang ưh kơ đei yoch kiơ ôh. Pơthim kơ Sư Yang arih ling-lang tăm. Sư soi kơ 'Bok Kei-Dei hăm pham Sư kơdih, na pham Sư sut lê̆ đĭ dôm tơdrong yoch bơ̆n, pơm kơ jơhngơ̆m đon bơ̆n jing 'lơ̆ng tơpăt hăm 'Bok Kei-Dei wă kơ bơ̆n gơh jang kơ 'Bok Kei-Dei mă arih ling-lang.

Tơdrông Tơ'bôh 1:5

Yêsu Krist, Sư pơma tơpăt ling-lang, Sư iung arih đơ̆ng lôch adrol kơ đe, Sư pơgơ̆r đĭ-đăng lu 'bok pơtao oei tơ teh âu; na inh apinh Sư wei-lăng iĕm lăm tôm tơdrong wă kơ iĕm hiôk-hian ling-lang. Yêsu Krist 'mêm kơ bơ̆n tơpă na Sư pơklaih bơ̆n đơ̆ng tơdrong yoch hăm pham Sư.