Horiso 64:4 - Sơ̆p Hlabơar Nơ̆r 'Bok Kei-Dei

⁴ Đơ̆ng anih hlơp noh, lu sư prah klĕnh tơ lu bơngai tơpăt 'lơ̆ng: 'Bôh 'băi blư lu sư prah ưh pă hli kơ kiơ.

Horiso 64:4 ပူးပေါင်းရင်းမြစ်များ

II Sam 15:14

Đawit khan hloi hăm lu bơngai bơ̆jang oei hăm sư lăm pơlei Jêrusalem, “lu bơ̆n athei jah iung kơdâu weh bĕ. Tơdah ưh, lu bơ̆n ưh kơ đei bu gơh klaih đơ̆ng Apsalôm pơlôch; năm tĕnh bĕ, kơnh sư druh tam lu bơ̆n, pơrăm lu bơ̆n, păng yua đao pơlôch lu bơngai lăm pơlei.”

Ne 4:11

Lu bơngai areh kơ lu nhôn khan thoi âu: Lu sư gô ưh kơ băt ưh kơ 'bôh dôm tơdrong noh, gô dĭng lu bơ̆n truh tơ lăm lu sư, pơlôch đĭ lu sư păng pơm kơ lu sư pơdơh kơ tơdrong jang.

Horiso 11:2

Yua kơ to, lu bơngai kơnê̆ gŭt hră, tah 'brơ̆m 'bơ̆t tơlei. Wă prah đơ̆ng lăm măng mu, tơ jơhngơ̆m lu bơngai đei đon tơpăt.

Horiso 55:19

Kră Yang 'Bok Kei-Dei, jơ̆ Tơ'ngla đơ̆ng sơ̆. Gô mơ̆ng păng pơm tơwih pơrăm lu sư. Sêla Yua kơ lu sư ưh kơ đei tơplih lăm tơdrong lu sư pơm. Kŭm ưh kơ hli kơ Kră Yang 'Bok Kei-Dei.

Horiso 55:22

Jao bĕ pŭ trăp ih kơ Kră Yang. Sư gô tơiung Ih; Sư ưh kơ đei lê̆ lu bơngai tơpăt pơ̆k.

Horiso 57:5

Ơ Kră Yang 'Bok Kei-Dei, ăn kơ anăn Ih kơkuh pơyom hloh kơ plĕnh. Ăn tơdrong ư-ang tơ jơ̆p kơpal kơ teh!

Horiso 64:7

Mă-lei Kră Yang 'Bok Kei-Dei gô prah lu sư. 'Bôh 'băi lu sư đei rơka đơ̆ng 'brơ̆m.

Habakuk 3:14

Ih iŏk hơlă lu sư 'bet kơ̆l lu linh sư kơdih; lu sư năm thoi hơbŭt wă blah pơrăm inh; Lu sư chhôk hal thoi luăn sa lu bơngai đe sư pơmat oei lăm anih hlơp.

Yo 19:6

'Bôh Yêsu boih, lu 'bok soi tih hăm lu linh ôr pơret khan: “Pơ̆ng Sư tơ 'long pơglang, pơ̆ng pơlôch Sư tơ 'long pơglang.” Pilat khan: “Lu iĕm iŏk Sư bĕ, pơ̆ng pơlôch Sư tơ 'long pơglang. Gah inh, inh ưh kơ 'bôh Sư pơm yoch kiơ ôh.”

I Sam 18:11

Sôl hrang Đawit, na khan: Inh gô pơ̆ng ih tơ tơnăr. Mă-lei Đawit pĕch kơ tơju 'bar wơ̆t.

I Sam 19:10

Sôl iŏk tơju wă hrăng kơtĭt Đawit tơ tơnăr, mă-lei Đawit pĕch, tơju Sôl 'bơm tơ tơnăr. Đawit kơdâu hloi măng noh.