Horiso 62:9 - Sơ̆p Hlabơar Nơ̆r 'Bok Kei-Dei

⁹ Sĭt tơpă, bơngai đe ưh kơ gĭt thoi kial dui jơhngơ̆m. Bơngai đe gĭt 'biơ̆ kư̆m tơdrong kơ đei. Atŏk tơ kơpal kĭ lu sư phiơl. Đĭ lu sư hơiơch hloh kơ hơyuh kial dui jơhngơ̆m.

Horiso 62:9 ပူးပေါင်းရင်းမြစ်များ

II Sam 15:31

Đe roi ăn kơ Đawit: “Ahithôphel kư̆m minh khŭl iung blah hơdai hăm Apsalôm.” Đawit krao apinh: “Ơ Kră Yang! Apinh Ih pơm ăn lu tơdrong tơchĕng Ahithôphel wă pơm jing kơtul kơwao.”

II Sam 15:6

Apsalôm pơm thoi noh hăm đĭ-đăng lu bơngai Isơrael năm tơ pơtao wă apinh sek tơlang; thoi noh Apsalôm gơh đei iŏk jơhngơ̆m klơm klak bơngai Isơrael boih.

II Pot 19:14

Hesekia đei iŏk kơthơ đơ̆ng ti lu bơngai ăn kơ sư, na sư đŏk. Đơ̆ng noh sư năm tơ hnam akŭm kơkuh kơ Kră Yang, păng pơih kơthơ ei 'bơ̆t anăp Kră Yang.

Horiso 116:11

Lăm năr inh hli tơtăm inh khan: “Rim 'nu bơngai tă kơ pơma hơlĕnh ngăl.”

Horiso 118:9

Gơnang kơ Kră Yang đĕch hloh kơ gơnang kơ lu pơtao mơng.

Horiso 142:3

Mưh jơhngơ̆m inh rơdu. Ih băt boih kơ trong inh. Tơ lăm trong inh yak năm, lu sư đăk lê̆ hơđong boih.

Horiso 39:11

Kơplah Ih teh bơtho lu kon bơngai yua kơ tơdrong kơnê̆ lu sư. Na Ih pơm ăn tơdrong lu sư 'maih wă huach thoi bŭk răm. Sĭt tơpă, rim 'nu thoi kial dui jơhngơ̆m. Sêla

Horiso 39:5

To, Ih pơm ăn kơ jơ 'năr inh kơjung lăp tŏ pah đĕch, Păng tơdrong arih thoi hoh-hoy đĕch 'bơ̆t anăp Ih. Sĭt tơpă, rim bơngai mă khan oei kơjăp, Kŭm lăp thoi dui jơhngơ̆m. Sêla

Horiso 46:2

Thoi noh, na lu nhôn huay kơ hli mă teh tơplih. Kông pơpơ̆ păng huŏng tơ lăm đak dơsĭ.b

Horiso 71:7

Inh nhen tơmam pơm hlĭch kơ lơ bơngai, mă-lei Ih jơ̆ anih inh kơ'nơp kơjăp.

Êsai 26:4

Lui gơnang bĕ kơ Kră Yang ling-lang; Kră Yang jing hơgơp tơmo kơjăp ling-lang.

Êsai 40:15

Tơpă đĭ-đăng kon bơngai nhen thoi minh tơdjoh đak lăm kơthao păng lăng nhen thoi 'bruih iĕ huŏng kơpal 'long kŏng, Sư gô chĕp đĭ bŏl lăm đak dơsĭ nhen thoi minh găr 'bruih iĕ.

Êsai 40:17

Đĭ-đăng dêh char 'bơ̆t anăp Kră Yang dang lĕ hoh-hoy, Sư lăng lu noh dang lĕ tam mă đei, păng ưh kơ đei kiơ.

Da 5:27

Tekel wă khan: Pơtao đei kŏng boih kơpal 'long kŏng păng 'bôh ưh kơ tôm.

Mathiơ 21:9

Yêsu hao aseh iĕ yak rok trong ei na lu bơngai tơpôl ei mơ'nah yak hơdrol kơ Sư, mơ'nah đơ̆ng rŏng kơ Sư. Lu sư chhôk na pơma 'bơ̆r re khan: “Hôsana, bơnê kơ 'Bok Krist Kon Sâu pơtao Đawit. Bơnê kơ Sư truh tơ bơ̆n năr âu yua kơ Kră Yang wơh. Păng bơnê kơ 'Bok Kei-Dei kơpal plĕnh ti.”

Yo 19:15

Lu sư ôr pơret: “Nhôn ưh kơ wă bơngai 'noh. Pơ̆ng pơlôch Sư tơ 'long pơglang.” Pilat khan dơ̆ng: “Inh pơ̆ng pơlôch 'Bok Pơtao iĕm hă?” Mă-lei lu 'bok soi tih khan: “Nhôn đei minh 'nu Sêsar đĕch pơm pơtao nhôn.”

Rom 3:4

Đêl Sư pơkă lê̆ hơdrol Sư gô pơm 'blep thoi Sư pơkă tơpă. Mă kon bơngai bơ̆n juăt kơ hơlĕnh kơ Sư, kuă kơ kiơ̆ 'bơ̆r đon Sư mă-lei Sư oei pơm 'blep kơ nơ̆r Sư pơkă đĕch, Sư ưh kơ hơlĕnh thoi bơ̆n ôh. Na tơdrong noh 'blep thoi tơdrong đe chih roi lê̆ sơ̆ tơpă, sư khan thoi âu: “Ơ Kră Yang, Ih pơma 'lơ̆ng, pơma tơpăt ling-lang. Na kon bơngai wă sek tơlang tơdrong Ih, mă-lei lu sư ưh kơ gơh sek tơlang thoi yơ, yua kơ Ih pơm tơpăt kiơ̆ kơ nơ̆r Ih pơkă ngăl.”

I Sam 1:15

Hana tơl, ưh, ơ yŏng tơ'ngla inh, inh minh 'nu bơngai drŏ-kăn ơh sơ'ngon dêh. Inh ưh kơ đei et sik ôh, kư̆m ưh kơ đei suai mơ̆n, yua kơ inh tơ'bôh đĭ jơhngơ̆m inh kơ Kră Yang.

I Sam 18:5

Đawit lơ 'măng năm blah, mă tơ anih ayơ ayơ Sôl wơh sư năm, tơblah jei sư ngăl. Sôl pơjao ăn kơ sư pơgơ̆r linh, kon pơlei păng lu đĭch đam Sôl lăp đon kơ Đawit pơgơ̆r lu sư.

I Sam 18:7

Lu bơngai drŏ-kăn suang hơri pơdrơ̆ng băl khan: Sôl pơlôch rơbâu, rơbâu 'nu gah Đawit pơlôch mơjĭt-rơbâu rơbâu 'nu,

I Sam 23:12

Đawit apinh dơ̆ng: Lu kon pơlei Kêila gô jao inh păng lu bơngai kiơ̆ inh lăm tơpang ti Sôl hă? Kră Yang tơl: Lu sư gô jao lu iĕm.