Horiso 62:8 - Sơ̆p Hlabơar Nơ̆r 'Bok Kei-Dei

⁸ Ơ kon pơlei, gơnang bĕ đĭ kơ Sư, ling-lang. Tuh bĕ jơhngơ̆m ih kơ Sư Kră Yang 'Bok Kei-Dei Sư boih mă anih bơ̆n kơ'nơp. Sêla

Horiso 62:8 ပူးပေါင်းရင်းမြစ်များ

Jop 13:15

Mă Kră Yang pơlôch inh, inh kư̆m oei gơnang kơ sư; Mă-lei inh oei dŏng tơdrong arih inh 'bơ̆t anăp Sư.

Horiso 102:1

Ơ Kră Yang, apinh Ih mơng nơ̆r inh krao khan. Ăn kơ nơ̆r inh hơpơi dŏng truh tơ Ih.

Horiso 142:2

'Bơ̆t anăp Sư inh pơdah đĭ tơdrong pơmat inh. Inh roi dôm tơdrong truh kơ inh.

Horiso 18:2

Kră Yang thoi tơmo pĕng inh, jing kơđông inh, Kră Yang dŏng pơklaih inh; Kră Yang 'Bok Kei-Dei thoi tơmo pĕng inh, inh gô kơ'nơp tơ lăm Sư; khêl inh, hơke dŏng pơklaih inh păng anih kơjăp inh.

Horiso 3:4

Inh krao ôr Kră Yang! Đơ̆ng kông rơgoh Sư tơl nơ̆r inh. Sêla

Horiso 37:3

Gơnang bĕ kơ Kră Yang păng pơm 'lơ̆ng. Oei bĕ lăm dêh char păng oei arih lăm tơdrong 'lơ̆ng tơpăt Sư.

Horiso 42:4

Âu inh 'blŏk kơ tơdrong âu, năr bơhngol inh sơ'ngon. Sơ̆ inh năm hăm tơpôl lơ, ba lu sư truh tơ hnam Kră Yang 'Bok Kei-Dei, Đei nơ̆r jreo chơt păng kơkuh bơnê minh tơpôl lơlap pơm giĕng.

Horiso 46:11

Kră Yang Tih Hloh oei hăm lu nhôn, Kră Yang 'Bok Kei-Dei Jakôp jơ̆ anih lu nhôn kơ'nơp. Sêla

Horiso 46:2

Thoi noh, na lu nhôn huay kơ hli mă teh tơplih. Kông pơpơ̆ păng huŏng tơ lăm đak dơsĭ.b

Horiso 71:7

Inh nhen tơmam pơm hlĭch kơ lơ bơngai, mă-lei Ih jơ̆ anih inh kơ'nơp kơjăp.

Horiso 91:2

Inh gô khan gah Kră Yang: “Sư boih anih mă inh kơ'nơp păng kơđông kơjăp mă inh hơđơ̆ng. Sư boih Kră Yang 'Bok Kei-Dei mă inh gơnang.”

Horiso 94:22

Mă-lei Kră Yang jing anih kơđông kơjăp pĕng inh. Kră Yang thoi Tơmo Tih, anih mă inh kơ'nơp.

Tơdrông Pơđơk 14:26

Bơngai bu hli yom kơ Kră Yang, đei tơdrong gơnang kơjăp. Păng anih kơ'nơp kơjăp kơ lu kon sâu sư.

Êsai 26:16

Ơ Kră Yang, lu sư chă Ih kơplah lu sư đei tơdrong pơmat-tat, lu sư krao khan apinh Ih mơmơnh kơplah Ih đei phak bơtho lu sư.

Êsai 26:4

Lui gơnang bĕ kơ Kră Yang ling-lang; Kră Yang jing hơgơp tơmo kơjăp ling-lang.

Êsai 50:10

Bơngai bu lăm lu iĕm băt hli yom kơ Kră Yang, păng chu kiơ̆ kơ nơ̆r đĭch đam Sư Mă năm lăm măng mu păng ưh kơ đei hơdah. Gơnang bĕ kơ Anăn Kră Yang păng gơnang kơ Kră Yang 'Bok Kei-Dei sư kơdih.

Nhom 2:19

Iung ôr krao bĕ kơmăng, thoi đe pơtơm gak kơmăng. Tuh bĕ jơhngơ̆m iĕm thoi đak 'bơ̆t anăp Kră Yang. Yơ̆r bĕ ti gah Kră Yang yua kơ tơdrong arih lu kon hơ'lơ̆p iĕm, lu sư lôch hơngơ̆t yua kơ pơngot tơ mum kơ̆l trong tih.

Philip 4:6

Iĕm 'nĕ kơ hli, ưh kơ hli kơ minh tơdrong kiơ ôh. Mă-lei iĕm athei krao khan apinh 'Bok Kei-Dei wei-lăng păng tơgŭm iĕm lăm tôm tơdrong păng athei băt bơnê kơ Sư ling-lang.

Hêbrơ 6:18

'Bok Kei-Dei pơkă wă tơgŭm bơ̆n tơdrong noh, Sư pao anăn Sư kơdih hloi, na bơ̆n băt kơ tơdrong Sư pơkă noh Sư ưh kơ gơh lê̆ ôh, yua kơ Sư ưh kơ lah hơlĕnh. Thoi noh na lu bơ̆n mă kơdâu kơ'nơp tơ akâu Sư, bơ̆n băt kơ Sư wă tơgŭm bơ̆n tơpă.

I Yo 2:28

Iĕm adrin lui kơ Sư khŏm khŏm hŏ, na Sư jur tơ ala teh âu ning-mônh iĕm huay kơ hli. Năr noh kơnh iĕm ưh kơ kăl kơ jăk ôn akâu iĕm tơ yơ yơ ôh yua kơ iĕm huay kơ mơlâu kơ Sư.

I Sam 1:15

Hana tơl, ưh, ơ yŏng tơ'ngla inh, inh minh 'nu bơngai drŏ-kăn ơh sơ'ngon dêh. Inh ưh kơ đei et sik ôh, kư̆m ưh kơ đei suai mơ̆n, yua kơ inh tơ'bôh đĭ jơhngơ̆m inh kơ Kră Yang.