Horiso 62:10 - Sơ̆p Hlabơar Nơ̆r 'Bok Kei-Dei

¹⁰ 'Nĕ gơnang kơ kĕ pơjuă đe. 'Nĕ gơnang hơmĕng kơ tơtông klĕ, Mă đei mŭk tơmam lơ, 'nĕ kơ hơđơ̆ng kơ noh.

Horiso 62:10 ပူးပေါင်းရင်းမြစ်များ

Jop 20:19

Yua kơ sư sa pơgâm pă lăng bơngai dơnuh hoh, Tơgar iŏk hnam mă sư ưh kơ đei man.

Jop 20:29

Noh bơih mă tơdrong Kră Yang 'Bok Kei-Dei 'măn kơ lu bơngai pơm kơnê̆. Mŭk tơmam mă Kră Yang 'Bok Kei-Dei pơsư̆ kơ sư.

Horiso 39:6

Tơpă rim 'nu yak năm, thoi lĕ kơ yơ̆p. Sư bơ̆jang gleh lap, tơdrong kơ đei. Bơngai mă mong mŭk tơmam, mă-lei ưh kơ băt bu wă iŏk yua.

Horiso 4:3

Athei băt Kră Yang 'măn lê̆ boih dôm lu bơngai mă chu yom kơ Sư. Dah inh krao khan kơ Kră Yang Sư gô mơ̆ng nơ̆r inh.

Horiso 49:6

Lu bơngai gơnang kơ jên tơmam lu sư, Pơư mŭk tơmam lơ, mơdrŏng lu sư.

Horiso 52:7

“To, bơngai mă ưh kơ gơnang kơ Kră Yang 'Bok Kei-Dei wei sư pran kơjăp. Mă-lei gơnang kơ tơdrong sư mơdrŏng.c Wă pơm kơ sư kơjăp lăm tơdrong sư pơm kơnê̆!”

Horiso 91:14

Kră Yang khan: “Yua kơ ih 'mêm kơ Inh na Inh gô dŏng pơklaih ih; Yua kơ ih băt anăn Inh. Na Inh gô wei-lăng ih

Tơdrông Pơđơk 23:5

Măt ih nŏng kơ lăng 'bloh tơ mơdrŏng hă? Ưh pă đei boih! Yua kơ sư đĭ chăt pơnăr păr tŏk tơ plĕnh thoi sem kring.

Êsai 28:15

Lu iĕm pơma pơrŏ khan: “Lu nhôn pơgơ̆p bơih hăm tơdrong lôch, păng pơgơ̆p hăm dêh atâu, Tơdah tơdrong anat anot gô truh, ưh kơ 'bơm lu nhôn ôh. Lu nhôn yua tơdrong pơma hơlĕnh pơm anih nhôn kơ'nơp. Păng pơma bơkuĕch hơlĕnh wă kơdâu ôn.

Êsai 30:12

Thoi noh na Tơ'ngla 'Lơ̆ng Rơgoh đe Isơrael pơma khan: “Yua kơ lu iĕm sơngah achăng lê̆ nơ̆r âu, gơnang kơ tơdrong pơjuă pơđep, gơnang kơ tơdrong đŏng đĕo.

Êsai 40:15

Tơpă đĭ-đăng kon bơngai nhen thoi minh tơdjoh đak lăm kơthao păng lăng nhen thoi 'bruih iĕ huŏng kơpal 'long kŏng, Sư gô chĕp đĭ bŏl lăm đak dơsĭ nhen thoi minh găr 'bruih iĕ.

Êsai 40:17

Đĭ-đăng dêh char 'bơ̆t anăp Kră Yang dang lĕ hoh-hoy, Sư lăng lu noh dang lĕ tam mă đei, păng ưh kơ đei kiơ.

Êsai 47:10

Ih gơnang tơdrong ih pơm kơnê̆ ih Ih khan: ‘Ưh kơ đei bu 'bôh inh.’ Tơdrong gơh hơgei hlôh wao ih gô pơm kơ ih wơ̆l jrok. Ih pơma lăm jơhngơ̆m: ‘Inh âu, 'nguaih kơ inh ưh kơ đei bơngai bu.’

Êsai 59:4

Chă tơkêng băl ưh kơ kiơ̆ tơdrong tơpăt. Pơjah băl kư̆m ưh kơ đei kiơ̆ tơdrong tơpăt hơnơ̆ng Đĭ-đăng tă kơ gơnang kơ tơdrong hiong răm, pơma hơlĕnh pơdăr, lu sư tơchĕng kơ tơdrong kơnê̆ păng pơm tơdrong răm.

Êsai 61:8

Inh bơih Kră Yang Inh lăp kơ tơdrong tơpăt, areh kơ tơdrong tơtông klĕ păng tơdrong pơm ưh kơ tơpăt, kiơ̆ kơ jơhngơ̆m tơpăt Inh. Inh gô apah lu sư, păng pơjing tơdrong pơgơ̆p hăm lu sư ling-lang.

Je 13:25

'Nâu boih tơdrong Inh 'măn lê̆ kơ iĕm, đei klah asong hơgăt lê̆ pha ăn kơ ih.” Noh Kră Yang khan: Yua kơ iĕm hiơt kơ Inh boih; na gơnang kơ rup yang hơlĕnh pơdăr.

Je 17:11

Bơngai mă mơdrŏng đơ̆ng ưh kơ tơpăt, lu sư thoi sem trăk-tra 'nơ̆m kơtăp sem nai, đei cheh kon ưh kơ trŏ kon sư, ưh kơ đunh tơdrong mơdrŏng sư gô hiong đĭ, na tuch-luch đe jô̆ sư kơtul bơlŭk.

Markôs 10:23

Yêsu hue lăng lu bơngai pơhrăm păng Sư na khan: “Lu bơngai mơdrŏng wă mơ̆t tơ dêh char 'Bok Kei-Dei pơgơ̆r anat dêh.”

I Tim 6:10

Bơngai bu hăt kơ chă jên, sư gô pơm tôm tơdrong kơnê̆. Đei bơngai lu mơ'nah hăt kơ chă jên ling-lang na sư jing achăng tơdrong lui sư păng sư đei lơ tơdrong ơh sơ'ngon.

I Tim 6:17

Ih khan kơ lu bơngai mơdrŏng 'nĕ pơang akâu kơdih păng khan kơ sư 'nĕ gơnang kơ mŭk măk sư mơdrŏng. Athei sư tơchĕng gơnang kơ 'Bok Kei-Dei đĕch gơh tơgŭm sư. Tơdrong mơdrŏng ưh kơ kơjăp nhoi ôh. 'Bok Kei-Dei hơlăng, Sư ăn kơ bơ̆n tôm tơdrong bơ̆n kăl yua wă kơ bơ̆n chơt hiôk.