Horiso 60:7 - Sơ̆p Hlabơar Nơ̆r 'Bok Kei-Dei

⁷ Gileat gah inh, Manase kư̆m lei lai; Êphraim môk kơlăm pĕng kơ̆l inh. Juđa jơ̆ 'long jra pơtao inh.

Horiso 60:7 ပူးပေါင်းရင်းမြစ်များ

Bl 49:10

'Long jra pơgơ̆r ưh kơ đei layơ tơpleh đơ̆ng ti Juđa. Dôm lu tơdrong pơjing khôi juăt ưh kơ tơklah đơ̆ng 'bar pah jơ̆ng sư. Dĭng yŏng Silôa truh păng lu kon pơlei chu yom kơkuh kơ yŏng noh.

I Ho 12:19

Kŭm đei lu bơngai khŭl Manase năm kiơ̆ Đawit kơplah sư năm hơdai hăm linh Philistin tơblah hăm Sôl, mă-lei sư hăm lu linh sư ưh kơ đei tơgŭm linh Philistin yua kơ lu bơngai Philistin tơweh Đawit khan: “Hli kơ sư wih hơlơ̆k hăm Sôl, yŏng tơ'ngla sư, pơm kơnê̆ chơ̆ng kơ̆l lu bơ̆n dơ̆ng.

I Ho 12:37

Na mă gah Rubên, Gat păng gah minh puăt adrĕch adrung Manase oei gah to đak Krong Jôrđăn, đei minh-hrĕng 'bar-jĭt rơbâu 'nu bơngai chĕp dôm lu tơmam wă tơblah.

Horiso 108:7

Kră Yang 'Bok Kei-Dei khan đơ̆ng lăm anih rơgoh Sư: “Inh gô 'nă hal, klah song Sichem păng pơtŏ thŭng Sikôt.

Both 33:17

Rơmo tơno kơdră sư 'lơ̆ng rŏ pran kơtang. Ake sư noh ake rơmo tơno bri. Ake noh boih sư tơ̆m kon pơlei pơla. Dĭng truh tơ kon pơlei oei tôch teh đak, noh boih rơbâu hơngan 'nu bơngai Êphraim, kư̆m thoi dôm rơbâu 'nu bơngai Manase.

Jôsuê 13:31

Minh puăt char Gileat, pơlei Astarôt, pơlei Êdrei, ('bar tŏ pơlei noh lăm char Ok lăm tơring Basan), pơlei âu đei asong ăn kơ kon sâu Makir, kon drŏ-nglo Manase, wă khan minh puăt lu kon drŏ-nglo Makir kiơ̆ kơ adrĕch adrung lu sư.

Jôsuê 17:1

'Nâu teh asong ăn kơ adrĕch Manase, sư jing kon kơdră Jôsep, teh kơ Makir, kon kơdră Manase păng Makir 'bă kơ Gileat, yua kơ lu sư jing linh tơblah nuih, noh na sư gơh đei char Gileat păng Basan.

I Sam 28:2

Đawit tơl nơ̆r Akis: Pơtao gô 'bôh dôm tơdrong đĭch đam pơtao pơm. Akis khan kơ Đawit dơ̆ng: Na inh gô iŏk ih pơm đam kơiĕng inh ling-lang.