Horiso 59:5 - Sơ̆p Hlabơar Nơ̆r 'Bok Kei-Dei

⁵ Ơ Kră Yang Ih boih 'Bok Kei-Dei Tih Hloh, jơ̆ Kră Yang 'Bok Kei-Dei Isơrael. Iung bĕ na phak đĭ kơ teh đak. 'Nĕ kơ mơnat kơ lu bơngai pơm kơnê̆. Sêla

Horiso 59:5 ပူးပေါင်းရင်းမြစ်များ

Bl 33:20

Tơ anih noh sư pơm chơnang soi, sư anăn Êl Êlôhe Isơraelc

Horiso 54:3

Yua kơ bơngai tơmoia blah inh; Bơngai kơnê̆ chă wă pơrăm tơdrong arih inh.b Lu sư ưh kơ tơchĕng kơ Kră Yang 'Bok Kei-Dei ôh, Sêla

Horiso 55:15

Ăn tơdrong lôch truh tơ lu ayăt kơ inh! Tơjur lu sư oei arih tơ lăm dêh atâu. Yua kơ tơdrong kơnê̆ oei tơ lăm hnam, lăm jơhngơ̆m lu sư.

Horiso 7:7

Ơ khŭl kon bơngai akŭm bĕ tăp dăr kơ Ih; đơ̆ng anih kơpal, apinh Ih jur tơ lu sư.

Horiso 80:4

Ơ Kră Yang, 'Bok Kei-Dei Tih Hloh. Ih hil mĭl dêh ưh kơ wă mơ̆ng nơ̆r kon pơlei pơla Ih krao khan dĭng dang yơ?

Horiso 84:8

Ơ Kră Yang 'Bok Kei-Dei Tih Hloh, apinh Ih mơ̆ng bĕ nơ̆r inh krao khan; Ơ Kră Yang 'Bok Kei-Dei Jakôp, pơgling đon Ih mơ̆ng inh. Sêla

Horiso 9:15

Lu kon pơlei pơla huŏng boih lăm sơlŭng đơ̆ng lu sư sir; Jơ̆ng lu sư đom boih lăm hơnhuăl đêl lu sư dăng

Le 20:5

Iĕm 'nĕ drap kơkuh 'bơ̆t anăp lu rup noh păng kư̆m 'nĕ kơ soi sơmah kơ lu sư, yua kơ Inh boih Kră Yang 'Bok Kei-Dei iĕm, Inh Kră Yang 'Bok Kei-Dei băt kơ gar, dah bơngai bu areh kơ Inh, Inh gô jô̆ yoch đơ̆ng sư na phak truh tơ kon sâu se sư pêng puăn jơhnơr,

Le 3:15

Kră Yang 'Bok Kei-Dei khan kơ Môis dơ̆ng. Ih khan kơ kon pơlei Isơrael thoi âu: Kră Yang 'Bok Kei-Dei 'bok lu iĕm, Kră Yang 'Bok Kei-Dei Abraham, Kră Yang 'Bok Kei-Dei Isăk, Kră Yang 'Bok Kei-Dei Jakôp wơh inh năm tơ lu iĕm, Kră Yang khan: 'Noh jơ̆ anăn Inh oei oei ling-lang, 'noh boih wă kơ đe 'blŏk kơ Inh rim jơhnơr.

Êsai 1:10

Ơ lu kră wei-lăng plei Sôđôm, mơ̆ng bĕ nơ̆r Kră Yang khan. Ơ kon pơlei Gômôrơ, pơgling đon iĕm mơ̆ng bĕ khôi juăt Kră Yang 'Bok Kei-Dei lu bơ̆n.

Êsai 27:11

Mưh lu dơng sư kro păng tơgơ̆ hơlŭng, lu drŏ-kăn dônh chĕp ba pơm hơpaih. Kon pơlei âu ưh kơ hlôh ôh, na Tơ'ngla mă pơjing lu sư ưh kơ 'blŏk mơnat, Tơ'ngla man pơjing lu sư ưh kơ tơ'bôh ăn tơdrong hiôk kơ lu sư.

Je 18:23

Ơ Kră Yang, Ih băt boih, đĭ lu sư chă đon wă pơlôch inh. Apinh Ih 'nĕ pă mơnat ăn tơdrong yoch kơnê̆ lu sư, apinh Ih 'nĕ sut tơdrong yoch lu sư đơ̆ng anăp Ih. Apinh Ih ăn kơ lu sư pơ̆k 'bơ̆t anăp Ih. Apinh Ih phak lu sư lăm năr Ih hil!

Da 6:7

Đĭ kơ lu yŏng kơiĕng pơtao păng yŏng linh păng yŏng pơgơ̆r tơring lăm dêh char, lu bơngai bơ̆jang tih, lu sư pơđâu băl lăp đon boih wă apinh ih ăn tơdrong pơkăm gơret tơpă lăm pêng-jĭt năr, bơngai bu mă krao khan kơ yang nai dah krao apinh bu nai 'nguaih kơ pơtao, na, ơ pơtao, lu bơngai noh klơ̆m hơtat lê̆ sư tơ lăm war dăm-brang.

Am 9:7

Kră Yang khan: Ơ kon sâu Isơrael, hăm trŏ Inh ưh kơ lăng iĕm thoi lu kon sâu bơngai Êthiôpi? Inh ưh kơ trŏ chông tơlĕch iĕm đơ̆ng teh đak Êyiptơ, bơngai Philistin đơ̆ng Kaptôr păng bơngai Siri đơ̆ng char Kir hă?

Rom 9:6

Ưh kơ sĭ 'Bok Kei-Dei kuă kơ tơgŭm lu bơngai Isơrael kiơ̆ thoi Sư pơkă sơ̆ ôh; Sư wă tơgŭm mơ̆n, mă ưh kơ tơgŭm đĭ-đăng hăm lu bơngai ưh kơ lui hai ôh. Sư tơgŭm pôm lu bơngai lui kơ Sư đĕch, lu bơngai Isơrael thoi noh 'Bok Kei-Dei tơgŭm păng lăng dang kon Sư kơdih.

Ya 2:13

Truh năr 'Bok Kei-Dei sek tơlang ning-mônh, Sư sek tơlang tơpăt, Sư ưh kơ mơnat ôh kơ lu bơngai mă ưh kơ băt mơnat kơ đe. Bơngai bu mơnat kơ đe, 'Bok Kei-Dei kư̆m mơnat kơ sư mơ̆n, kơplah năr Sư sek tơlang ning-mônh.