Horiso 59:11 - Sơ̆p Hlabơar Nơ̆r 'Bok Kei-Dei

¹¹ Ơ Kră Yang, jơ̆ khêl pĕng dŏng lu nhôn. 'Nĕ kơ pơlôch lu sư, hli kơ kon pơlei pơla hiơt; Yua bĕ tơdrong mơsêh Ih na pơm kơ lu sư tơklah tơklang păng tơhuŏng lu sư.

Horiso 59:11 ပူးပေါင်းရင်းမြစ်များ

Jop 40:12

Lăng bĕ tơ lu bơngai pơang păng teh tơhuŏng lê̆ sư; Kŭm teh pơjuă bĕ lu bơngai pơm kơnê̆ kơtă anih sư.

Horiso 106:27

Pơm kơ adrĕch adrung lu sư kơdâu tơklah băl tơ jơ̆p-jang kơ teh đak, Păng pơm ăn kơ lu sư tơklah tơklang jơ̆p kơ dêh char.”

Horiso 118:7

Kră Yang oei hơdai inh; dŏng tơgŭm inh. Inh 'bôh lu bơngai areh kơ inh jei inh.

Horiso 3:3

Mă-lei, Ơ Kră Yang! Ih boih khêl pĕng tăp kơ inh; Ih jing tơdrong mă inh ư-ang, păng Ih ăn kơ inh gơh ngơk kơ̆l.

Horiso 44:11

Ih jao lu nhôn nhen thoi triu wă pơm 'nhĕm, Păng pơm ăn kơ lu nhôn tơklah tơklang tơ jơ̆p-jang dêh char.

Horiso 52:5

Kră Yang 'Bok Kei-Dei gô pơrăm ih hlŏng hloi, Sư gô rôp ih, dui tơlĕch đơ̆ng anih ih. Păng buch lê̆b ih đơ̆ng teh lu bơngai arih. Sêla

Horiso 84:11

Kră Yang 'Bok Kei-Dei jơ̆ măt 'năr păng khêl; Kră Yang ăn tơdrong mơnat păng ư-ang, Sư ưh kơ đei sơngah ôh ăn tơdrong 'lơ̆ng rŏ. Kơ bu mă oei arih sa tơpăt.

Horiso 84:9

Ơ Kră Yang 'Bok Kei-Dei, Ih jơ̆ khêl pĕng lu nhôn, Lăng mơnat bĕ kơ tơ'ngla mă Ih đei hling đak rơmă pôk pơm pơtao.

Bôk Bơthô 9:5

Bơngai arih sư băt kơdih sư gô lôch; mă-lei bơngai lôch ưh pă băt kiơ boih, kư̆m ưh kơ đei tơmam apah bơnê kiơ mơ̆n, yua kơ đe gô hiơt ưh pă đei bu 'blŏk kơ lu sư dơ̆ng.

Lêwi 26:33

Inh pơrŭng lu iĕm tơklah tơklang jơ̆p kơ adrĕch adrung bơngai păng Inh gô iŏk đao gưm 'bet lu iĕm; na char lu iĕm gô juơ rơhiăng, pơlei tih lu iĕm hrơ-hrĕng kơkot.

Luka 21:21

Kơplah noh lu bơngai mă oei tơ dêh Juđê athei jăk tơ kông, lu bơngai mă oei lăm Pơlei Jêrusalem âu athei kơdâu jăk đơ̆ng pơlei, lu bơngai mă oei tơ 'ngoaih Pơlei Jêrusalem 'nĕ pă mơ̆t tơ pơlei dơ̆ng.

Both 28:64

Kră Yang gô tơraih iĕm tơrak 'brak jơ̆p kơ teh đak, đơ̆ng tôch kơ teh đak 'nâu truh tôch kơ teh đak to. Tơ noh, lu iĕm gô kơkuh kơ lu yang nai pơm hăm 'long păng tơmo yang noh iĕm hăm lu 'bok iĕm ưh kơ lah băt ôh.

Both 4:27

Kră Yang gô pơm kơ iĕm tơklah tơklang jơ̆p kơ teh đak đe, oei pă tŏ sĕt đĕch mă tơ anih Kră Yang puh lu iĕm.

Both 4:9

Athei wei răk, pơ'lơ̆ng kơdih akâu iĕm, kơnh hli kơ iĕm hiơt dôm tơdrong mă măt lu iĕm 'bôh boih păng 'nĕ ăn lu tơdrong noh lĕch đơ̆ng lăm jơhngơ̆m iĕm păng athei bơtho bĕ kơ lu kon sâu se iĕm dơ̆ng.

Tơdrông Tơ'bôh 9:6

Kơplah năr ei kơnh đĭ-đăng kon bơngai hmăng kơ dah lôch đĕch boih. Lu sư apơi kơ lôch, mă-lei ưh kơ lôch oei arih.

I Sam 24:5

'Blă kơ noh lăm jơhngơ̆m sư hmach kơdih yua kơ kăt iŏk tơdrơi ao pơtao.