Horiso 58:11 - Sơ̆p Hlabơar Nơ̆r 'Bok Kei-Dei

¹¹ Na đe gô khan: “Sĭt tơpă gô đei apah kơ lu bơngai tơpăt, Sĭt tơpă đei Kră Yang 'Bok Kei-Dei sek tơlang kơpal teh.”

Horiso 58:11 ပူးပေါင်းရင်းမြစ်များ

Horiso 107:42

Lu bơngai tơpăt 'bôh păng chhôk hơnôk. Gah bơngai pơm kơnê̆ lu sư pơŏm 'bơ̆r.

Horiso 18:20

Kră Yang apah inh boih. Kiơ̆ thoi tơdrong tơpăt inh; sư pơdrâu tơwih kơ inh kiơ̆ thoi đêl ti inh rơgoh.

Horiso 33:18

To măt Kră Yang lăng tơ lu bơngai mă hli yom kơ sư păng chang gô tơdrong 'mêm mơnat.

Horiso 52:8

Gah inh thoi 'long ôliwơ hơdrih 'lơ̆ng lăm Hnam Kră Yang 'Bok Kei-Dei. Inh lui gơnang kơ tơdrong 'mêm Kră Yang 'Bok Kei-Dei ling-lang hlŏng hloi.

Horiso 64:9

Đĭ-đăng kon bơngai gô hli; Lu sư gô ră roi tơdrong Kră Yang 'Bok Kei-Dei pơm boih.

Horiso 67:4

Ơ jơ̆p kơ teh đak chơt hiôk hơri 'nă hal bĕ; Yua kơ Kră Yang 'Bok Kei-Dei Sư sek tơlang tơpăt ăn kơ kon pơlei. Păng pơgơ̆r chông ba kon bơngai. Lăm teh đak. Sêla

Horiso 68:24

Ơ Kră Yang 'Bok Kei-Dei đe 'bôh boih Ih năm sơng. Ih jơ̆ Kră Yang 'Bok Kei-Dei sơng inh, Pơtao inh, năm tơ anih rơgoh.

Horiso 9:16

Kră Yang pơdah boih Sư kơdih; đơ̆ng sek tơlang tơpăt; lu bơngai pơm kơnê̆, 'leh boih lăm hơnhuăl đơ̆ng ti lu sư dăng kơdih. Higaiôn Sêla

Horiso 9:8

Sư gô sek tơlang kơ teh đak hăm tơdrong tơpăt, Sư pơgơ̆r tơpăt na sek tơlang kon bơngai hăm tơdrong trŏ.

Horiso 92:15

Wă tơ'bôh kơ Kră Yang tơpăt; Sư jơ̆ tơmo pĕng inh lăm Sư ưh kơ đei đŏng đĕo.

Horiso 94:2

Iung bĕ, ơ Yŏng Sek Tơlang kơ teh đak. Pơm tơwih bĕ kơ lu bơngai pơang kiơ̆ trŏ thoi lu sư pơm.

Horiso 96:13

Sư truh wă sek tơlang kơ teh đak, Sư gô sek tơlang kơ teh đak hăm tơdrong tơpăt. Yua tơdrong tơpăt sĭt Sư na sek kơ kon pơlei pơla.

Horiso 98:9

Yua kơ Sư truh wă sek tơlang kơ teh đak. Sư sek tơlang kơ teh đak hăm tơdrong tơpăt sư, tơpăt hơnơ̆ng. Sư sek tơlang kơ kon pơlei pơla.

Êsai 3:10

Khan bĕ kơ lu bơngai 'lơ̆ng tơpăt. Pŭn hiôk kơ lu sư; yua kơ lu sư gô đei sa plei đơ̆ng lu sư jang kơdih.

Malachi 2:17

Lu iĕm đei pơm kơ Kră Yang blĕk dêh, đơ̆ng nơ̆r iĕm pơma; khan dơ̆ng thoi âu: “Tơ yơ lu nhôn đei pơm kơ Sư blĕk.” Noh 'bơ̆t iĕm khan: “Bơngai bu pơm tơdrong kơnê̆ noh Kră Yang lăp đon păng Sư kư̆m lăp đon kơ lu bơngai thoi noh;” mưh khan thoi ei lei, “lei tơ yơ khan Kră Yang 'Bok Kei-Dei sek tơpăt?”

Malachi 3:14

Lu iĕm đei khan: “Đe mă bơ̆jang kơ Kră Yang 'Bok Kei-Dei noh tơdrong ưh kơ đei; lu bơ̆n wei nơ̆r Sư bơtho pơkă, athei bơwei păng yak nơnăm lăm tơdrong ơh sơ'ngon 'bơ̆t anăp Kră Yang Tih Hloh, na lơi kiơ?

Rom 2:5

Iĕm arăng kơ̆l tơpă na ưh kơ jah tơbral kơdih tơdrong yoch, thoi noh na rai đunh rai đei tơdrong yoch tih, na mưh truh năr 'Bok Kei-Dei sek tơlang ning-mônh Sư phak iĕm kư̆m tih thoi tơdrong yoch iĕm pơm noh mơ̆n.