Horiso 56:13 - Sơ̆p Hlabơar Nơ̆r 'Bok Kei-Dei

¹³ Yua kơ Ih dŏng pơklaih bơhngol inh đơ̆ng lôch; Ih kiơ̆ bơwei jơ̆ng inh huay kơ tơpling pơ̆k! Wă kơ inh năm 'bơ̆t anăp Kră Yang 'Bok Kei-Dei arih hơdah hơdong.

Horiso 56:13 ပူးပေါင်းရင်းမြစ်များ

Bl 17:1

Kơplah Abram tơsĭn-jĭt tơsĭn sơnăm, na Kră Yang tơ'bôh kơ Abram păng khan thoi âu: “Inh boih Kră Yang 'Bok Kei-Dei mơsêh mơyang, ih athei oei 'bơ̆t anăp Inh na ih jing minh 'nu bơngai 'lơ̆ng tơpăt.

Jop 33:30

Wă dui iŏk bơhngol kon bơngai klaih đơ̆ng sơlŭng jrŭ. Wă ăn kơ kon bơngai gơh đei arih hơdah pơchrang.

Horiso 145:14

Kră Yang, dŏng tơiung lu bơngai pơ̆k huŏng. Păng pơdơ̆ng tơpăt lu bơngai gu kơdŭ.

Horiso 17:5

Inh yak năm kơjăp lăm trong Ih, Jơ̆ng inh ưh kơ tơpling.

Horiso 49:15

Mă-lei Kră Yang 'Bok Kei-Dei gô huai iŏk bơhngol inh đơ̆ng dêh atâu.j Yua kơ sư gô sơng iŏk inh. Sêla

Horiso 94:18

Ơ Kră Yang, mưh inh khan: “Jơ̆ng inh tơsĕr.” Na tơdrong 'mêm Ih dui tơiung inh hloi.

Êsai 2:5

Ơ adrĕch Jakôp, bĕ lu bơ̆n yak kiơ̆ lăm tơdrong hơdah Kră Yang.

Êsai 38:3

“Ơ Kră Yang apinh ih 'blŏk kơ inh, tơdrong inh arih tơnăp đĭ jơhngơ̆m kiơ̆ ih păng pơm 'lơ̆ng tơpăt 'bơ̆t anăp Ih” đơ̆ng noh pơtao Hesekia nhơ̆m ôr.

Lêwi 23:38

'Nguaih kơ bơwei năr pơdơh Sa'bat Kră Yang, lu iĕm athei pơyơ̆r tơmam soi iĕm kơdih, lu tơmam soi pơsĭt nơ̆r pơkă păng tơmam soi 'maih wă. Iĕm juăt kơ pơyơ̆r ăn kơ Kră Yang.

Yo 8:12

Yêsu bơtho dơ̆ng thoi âu: “Inh pơchrang hơdah kơ kon bơngai jơ̆p-jang kơ teh đak wă kơ sư băt tơdrong 'Bok Kei-Dei. Bơngai bu kiơ̆ Inh sư huay năm lăm măng mu kiơ̆ tơdrong yoch, sư gô đei Inh pơchrang hơdah kơ sư păng ăn sư arih ling-lang.”

II Kor 1:10

Tơ̆ng Sư ưh kơ tơdŏng nhôn, nhôn lôch tơpă boih. Mă Sư kư̆m oei wă tơdŏng nhôn kơnh pơgê đơ̆ng tôm tơdrong hli hlơt. Lu nhôn oei wă sơđơ̆ng kơ Sư tơdŏng nhôn ling-lang.

I Tes 1:10

Păng iĕm chang gô Kon Sư jur đơ̆ng plĕnh pă minh 'măng dơ̆ng. Yêsu boih Kon Sư; 'Bok Kei-Dei tơiung arih Sư đơ̆ng lôch. Yêsu boih dŏng pơklaih bơ̆n đơ̆ng tơdrong phak ning-mônh.

Hêbrơ 2:15

Sư pơklaih kon bơngai đơ̆ng pơm đĭch yang sơmăt. Sơ̆ kon bơngai đĭch yang sơmăt ling-lang, lu sư hli dêh kơ tơdrong lôch.

Ya 5:20

bơngai noh 'lơ̆ng tơpă băt 'mêm kơ bôl sư jrok trong pơlung bôl sư wih lui dơ̆ng kơ 'Bok Kei-Dei. Na 'Bok Kei-Dei gô pơklaih bôl sư mă jrok trong noh đơ̆ng tơdrong lôch pơmat huay kơ jô̆ yo dôm tơdrong sư pơm yoch.

I Sam 2:9

Sư wei-lăng jơ̆ng lu bơngai kiơ̆ Sư tơpăt; Mă-lei lu bơngai kơnê̆ sư gô tơlơ̆ lê̆ lăm măng mu. Kon bơngai ưh kơ kĕ ôh yua tơdrong pran kơdih.