Horiso 55:20 - Sơ̆p Hlabơar Nơ̆r 'Bok Kei-Dei

²⁰ Lu bơngai noh hiŏng ti pơrăm lu bơngai oei 'lơ̆ng hăm lu sư. Păng plơ̆ plĕch nơ̆r lu sư pơkă.

Horiso 55:20 ပူးပေါင်းရင်းမြစ်များ

II Sam 18:12

Mă-lei bơngai ei khan: “Mă khan ih đei ăn chĕp lăm tơpang ti inh minh-rơbâu hlak jên hu, inh kư̆m ưh kơ pơ̆n pơrăm kon pơtao; yua kơ lu nhôn đei kơtơ̆ng pơtao pơkă pơkăm kơ ih, Abisai păng Itai khan: ‘Iĕm lăng hŏ, 'nĕ ăn bơngai bu pơrăm Apsalôm, kon tơdăm inh.’

II Sam 2:4

Lu bơngai Juđa năm truh tơ Hêbrôn tơ noh na lu sư tuh đak rơmă kơ Đawit pôk sư pơm pơtao bơngai Juđa. Đe năm roi ăn kơ Đawit: “Kon pơlei Jabes Gileat 'bŭ hơmet Sôl.”

II Sam 5:3

Đĭ-đăng lu kră bơngai Isơrael năm tơ pơtao Đawit tơ Hêbrôn; pơtao Đawit đei pơm tơdrong pơgơ̆p hăm lu sư tơ Hêbrôn 'bơ̆t anăp Kră Yang, na lu sư tuh đak rơmă pôk Đawit pơm pơtao Isơrael.

II Pot 17:34

Dĭng truh tơ dang ei, lu sư oei pơm rok thoi tơdrong juăt so sư kơdih. Lu sư ưh kơ hli yom kơ Kră Yang, ưh kơ chu wei răk tơdrong juăt, dah nơ̆r Kră Yang tơtă kơ kon sâu Jakôp mă Kră Yang anăn ăn kơ sư Isơrael.

Horiso 109:5

Lu sư pơm tơdrong kơnê̆ tơplih kơ tơdrong 'lơ̆ng inh. Lu sư hil areh tơplih kơ inh 'mêm.

Horiso 6:10

Đĭ-đăng lu ayăt kơ inh gô mơlâu, klaih kơ noh hli tơrơ tơpă; lu sư kơdŭn kơdâu, hăt hot yua kơ mơlâu dêh.

Horiso 7:4

Dah inh tơtông iŏk đơ̆ng bơngai mă oei hiôk-hian hăm inh, păng pơm kơnê̆ boih, bu pơm kơnê̆ kơ inh tơdrong ưh kơ đei.

Horiso 89:28

Inh gô 'măn lê̆ kơ sư tơdrong 'mêm inh ling-lang, Inh gô pơgơ̆p hăm sư kơjăp.

Horiso 89:34

Inh kư̆m ưh kơ layơ pơm yoch kơ nơ̆r Inh pơgơ̆p. Kŭm ưh kơ đei tơplih nơ̆r mă lĕch đơ̆ng 'bơ̆r Inh đei pơma.

Horiso 89:38

Mă-lei Ih sơngah păng achăng lê̆ sư. Ih hil mĭl bơngai mă Ih đei hling đak rơmă.

Horiso 93:2

Tang-dŏ pơtao Sư pơjing kơjăp đơ̆ng sơ̆. Sư đei adrol hloh kơ 'măng blŭng

Bôk Bơthô 8:2

Chu yom bĕ kơ nơ̆r pơtao pơkă, yua kơ Kră Yang 'Bok Kei-Dei, pơkă wă wei-lăng pơtao.

Je 5:3

Ơ Kră Yang! Hăm trŏ kơ măt Ih chă lăng jơhngơ̆m tơpăt sĭt? Ih teh boih lu sư, lu sư ưh kơ băt jĭ, ih pơrăm lu sư boih, mă-lei lu sư oei kơchu kơ tơdrong Ih teh bơtho noh. Lu sư pơrơ̆ng pơm kơ muh măt lu sư arăng hơrăk thoi tơmo. Lu sư ưh kơ wă tơbral tơdrong yoch.

Jang 12:1

Hơtai ei pơtao Hêrôt rôp lu bơngai lui kơ Yêsu mơ'nah wă kơ pơrăm lu sư.

I Sam 22:17

Pơtao khan kơ lu bơngai pơm đam kơ'yĕng sư dơ̆ng jê̆ sư thoi âu: Năm pơlôch bĕ, lu 'bok soi đơ̆ng Kră Yang yua kơ lu sư tơgŭm Đawit, băt kơ sư ôn mă ưh kơ roi kơ inh băt; mă-lei lu đĭch đam pơtao ưh kơ pơ̆n wă pơlôch lu 'bok soi đơ̆ng Kră Yang.

I Sam 24:10

To, lăng bĕ măt ih 'bôh năr 'nâu lăm hơgơp tơmo Kră Yang jao ih lăm tơpang ti inh, đei bơngai athei inh pơlôch ih, mă-lei inh mơnat kơ ih, na khan inh ưh kơ pơm kiơ kơ akâu jăn yŏng inh yua kơ sư jơ̆ đơ̆ng Kră Yang tuh ăn đak rơmă.