Horiso 55:17 - Sơ̆p Hlabơar Nơ̆r 'Bok Kei-Dei

¹⁷ Pơgê hrôih, 'năr dơ̆ng glơh kơsơ̆, Inh gô sơ'ngon hơdrĭ ôr krao; Sư gô mơ̆ng nơ̆r inh.

Horiso 55:17 ပူးပေါင်းရင်းမြစ်များ

Jop 19:7

Mă inh ôr krao, “Inh đei glăi răm bơih!” Kŭm ưh kơ đei bu tơl inh; inh krao dŏng, mă-lei ưh kơ đei bu sek dŏng tơpăt.

Horiso 119:62

Inh gô iung tŏk-bŏk măng wă bơnê kơ Ih. Yua kơ tơdrong pơkă tơpăt Ih.

Horiso 141:2

Ăn kơ nơ̆r inh krao khan thoi tơmam 'bâu phu 'bơ̆t anăp Ih. Ăn kơ tơdrong inh yơ̆r ti thoi tơmam soi drơ̆m kơsơ̆!

Horiso 72:12

Yua kơ sư gô pơklaih lu bơngai dơnuh hin, dah lu sư krao apinh. Păng dŏng pơklaih lu pơmat-tat mă ưh kơ đei bu tơgŭm.

Horiso 77:2

Lăm năr anat anot inh krao chă Kră Yang; Kơmăng inh yơ̆r ti krao apinh ưh kơ rơgah; Bơhngol inh ưh kơ wă bu pơlung

Horiso 88:13

Gah inh ơ Kră Yang! Inh krao apinh Ih Lăp 'brưch pơgê hrôih nơ̆r inh apinh truh boih 'bơ̆t anăp Ih.

Horiso 92:2

Pơgê hrôih ră roi tơdrong Ih 'mêm mơnat, Kơmăng ră roi tơdrong 'lơ̆ng tơpăt Ih.

Nhom 3:8

Mă inh ôr krao apinh dŏng, Kră Yang chĭt đon ưh kơ wă mơ̆ng nơ̆r inh kro khan;

Da 6:10

Kơplah Đaniel kơtơ̆ng tơdrong pơkăm noh pơtao kĭ anăn sư boih, na sư brŏk tơ hnam sư, lu 'măng-'mŏk iĕ gah Jêrusalem sư pơih đĭ. 'Bơ̆t noh, kư̆ rim năr pêng wơ̆t, sư hơtơ̆p kŭl-tăng krao khan, kơkuh bơnê kơ Kră Yang 'Bok Kei-Dei sư. Sư kư̆m pơm thoi sư juăt kơ pơm ki hmă.

Da 6:13

Lu sư tơl păng khan kơ pơtao thoi âu: Đaniel minh 'nu lăm lu kon sâu Juđa mă pơm đĭch, sư ưh kơ wă mơ̆ng, ưh kơ wă pơyom kơ pơtao hơya tŏ sĕt, ơ pơtao, mă truh tơdrong pơtao pơkơ̆m păng kĭ anăn boih ră, mă-lei sư kư̆ oei krao khan rim năr pêng wơ̆t.

Markôs 1:35

Lăp pơgê hrôih năr đơ̆ng rŏng, Yêsu lĕch hloi đơ̆ng pơlei ei năm tơ anih kueng kơdrô̆, Sư krao khan kơdrô̆ Sư tơ ei.

Markôs 6:46

Đơ̆ng noh na Yêsu tơklah đơ̆ng lu đe ei tŏk tơ kông kơdrô̆ Sư wă krao khan kơ 'Bă Sư.

Markôs 6:48

Sư 'bôh lu bơngai pơhrăm păng Sư wơ̆r thŏng-nan anat anot dêh yua kơ kial tơhlu sơdrơ̆k. Na lăp tŏk-bŏk leng gong Yêsu jur đơ̆ng kông yak kơpal đak dơsĭ năm tơ lu sư. Sư wă năm brih ploi kơ lu sư.

Jang 10:3

Minh năr ei dang pêng jơ kơsơ̆, 'bok Kôrnei 'bôh linh jang 'lơ̆ng đơ̆ng 'Bok Kei-Dei năm mơ̆t tơ hnam sư. Linh jang 'lơ̆ng khan kơ sư: “Ơ Kôrnei.”

Jang 10:30

Na 'bok Kôrnei khan kơ Pêtrôs: “Puăn năr kơ âu boih, dang jơ âu mơ̆n, pêng jơ kơsơ̆, inh oei lăm hnam inh âu, krao khan kơ Kră Yang 'Bok Kei-Dei. Na inh 'bôh hloi minh 'nu bơngai hrŭk ao kok hơdah, sư dơ̆ng 'bơ̆t anăp inh.

Jang 10:9

Năr dơning dơ̆ng lu sư năm wă jê̆ truh tơ Pơlei Japa. Lăp truh 'năr dơ̆ng, Pêtrôs tŏk tơ anih hnam mă kơpal sư wă krao khan kơ 'Bok Kei-Dei.

Jang 3:1

Pêtrôs păng Yôhan năm tơ hnam akŭm 'Bok Kei-Dei tơm. Sư pơtơm dih băl đơ̆ng pêng jơ kơsơ̆ wă akŭm krao khan păng đe.

Êphêsô 6:18

Păng bơ̆n 'nĕ hiơt krao khan kơ 'Bok Kei-Dei, wă kơ bơ̆n hưch hanh kơ tơdrong krao khan ling-lang, gô mơ̆ng kơ Yang Bơhngol 'Lơ̆ng wă kơ bơ̆n krao khan tơdrong kiơ, krao khan tơgŭm băl tơduă lu kon 'Bok Kei-Dei dah krao khan kơ tơdrong kiơ nai.

Hêbrơ 5:7

Kơplah Yêsu oei tơ teh âu sơ̆, Sư krao pơret 'Bă Sư păng hmoi apơi kơ 'Bă Sư, yua kơ Sư băt kơ 'Bă Sư gơh tơdŏng Sư đơ̆ng tơdrong lôch. Na 'Bok Kei-Dei mơ̆ng Sư, yua kơ Sư chu yom kơ 'Bok Kei-Dei.