Horiso 55:10 - Sơ̆p Hlabơar Nơ̆r 'Bok Kei-Dei

¹⁰ Măng păng năr lu sư dăr tăp kơ dur pơlei tih; Đei pơm kơnê̆ băl păng tơhil băl lăm plei tih.

Horiso 55:10 ပူးပေါင်းရင်းမြစ်များ

II Sam 15:31

Đe roi ăn kơ Đawit: “Ahithôphel kư̆m minh khŭl iung blah hơdai hăm Apsalôm.” Đawit krao apinh: “Ơ Kră Yang! Apinh Ih pơm ăn lu tơdrong tơchĕng Ahithôphel wă pơm jing kơtul kơwao.”

Horiso 58:3

Lu bơngai pơm kơnê̆ đei đơ̆ng oei lăm klak mĕ sư. Lu sư pơma hơlĕnh plêl iŏk đơ̆ng 'nao tơpŭ.

Horiso 59:6

Kơsơ̆ lu sư hơlơ̆k dơ̆ng, lu sư grĕnh thoi kŏ, Păng dăr tăp pơlei.

Êsêkiên 9:4

na khan kơ sư: “Năm bĕ tơ jơ̆p lăm pơlei Jêrusalem, chih 'bơ̆t klĕng rim 'nu bơngai bu nhơ̆m hmoi kơ tơdrong yoch kơnê̆ krưp mă đei pơm boih lăm pơlei.”

Hôsia 7:6

Lu sư pơgơ̆p jơhngơ̆m lu sư wă pơm kơnê̆ tơtŏ thoi tơnuh ŭnh; lu bơngai 'buh 'bĕng, khưi prăt măng bơngai 'buh 'bĕng tep truh pơgê hrôih na tơnuh ŭnh khơ̆ng thoi pla ŭnh.

Habakuk 1:3

Kơlih kơ kiơ Ih ăn kơ inh 'bôh tơdrong đe pơm kơnê̆ păng yua kơ kiơ Ih kuăr ti lăng đĕch tơdrong ưh kơ trŏ noh? Tơdrong pơrăm 'bơ̆t anăp inh; đei tơdrong pơjah pơjăng băl.

Yo 18:28

Đơ̆ng hrôih đe anhăk Yêsu đơ̆ng hnam Kaiphe tơ hnam birô anih 'bok pơgơ̆r. Lu bơngai Juđê ưh kơ pơ̆n mơ̆t lăm hnam birô noh yua kơ khŭl lu sư kơ̆m kơ mơ̆t lăm hnam tơmoi. Dah lu sư mơ̆t, lu sư ưh kơ gơh sa 'nhĕm sư pơm Giĕng Năm Brih lăm năr noh.

Yo 18:3

Thoi noh Juđa năm krao iŏk lu linh Rôm păng lu linh Juđê mă gak hnam akŭm tơm mă đêl lu 'bok soi tih hăm lu khŭl Pharisi pơkă ăn kơ lu sư. Lu sư tơ̆k ŭnh, chĕp đao, hơlă, hră, năm tơ pơgar ei.

Jang 9:24

Lu sư gak lăng 'măng tơm pơlei prăt măng prăt năr wă rôp pơlôch Sôl. Mă-lei Sôl kơtơ̆ng thoi noh.

I Sam 19:11

Sôl wơh bơngai năm răp tơ hnam Đawit wă kơ pơgê đơ̆ng rŏng noh gơh pơlôch sư hloi, mă-lei Mikal akăn Đawit roi ăn kơ sư băt: Tơdah măng 'nâu ih ưh kơ kơdâu klĕnh, na pơgê dơning đe gô pơlôch ih.