Horiso 51:12 - Sơ̆p Hlabơar Nơ̆r 'Bok Kei-Dei

¹² Apinh Ih ăn kơ inh tơdrong chơt hiôk kơ tơdrong dŏng pơklaih đơ̆ng Ih. Ăn kơ inh đei jơhngơ̆m 'maih kiơ̆ păng tơgŭm hloi inh đei kơjăp inh oei kơjăp.

Horiso 51:12 ပူးပေါင်းရင်းမြစ်များ

Horiso 119:133

Apinh Ih ăn kơ rim yak inh kơjăp lăm nơ̆r Ih. 'Nĕ ăn tơdrong kơnê̆ kiơ̆ pơgơ̆r inh.

Horiso 13:5

Mă-lei inh gơnang kơ tơdrong 'mêm Ih. Jơhngơ̆m inh chhôk hal kơ tơdrong Ih dŏng pơklaih

Horiso 17:5

Inh yak năm kơjăp lăm trong Ih, Jơ̆ng inh ưh kơ tơpling.

Horiso 19:13

Apinh Kră Yang bơwei lu đĭch đam Ih huay kơ pơrơ̆ng pơm yoch,d 'Nĕ ăn tơdrong yoch noh pơgơ̆r inh; na Ih huay chrih kơ inh, Păng huay kơ pơm tơdrong yoch tih.

Horiso 21:1

Ơ Kră Yang, hăm pran kơtang Ih, pơtao gô chơt hiôk, Đơ̆ng tơdrong Ih dŏng pơklaih, sư gô chhôk hal pă băt dang yơ!

Horiso 24:4

Noh lu bơngai đei ti rơgoh păng jơhngơ̆m rơgoh, Ưh kơ wă ăn bơhngol sư tơdrong yoch glăi, Kŭm ưh kơ pơkă hơlĕnh.

Horiso 35:9

Bơhngol inh gô chơt hiôk lăm Kră Yang. Chhôk hal lăm Sư dŏng pơklaih

Êsai 41:10

'Nĕ hli yua kơ Inh oei hơdai iĕm, 'nĕ tơrơ dêh, yua kơ Inh bơih Kră Yang 'Bok Kei-Dei iĕm! Inh gô ăn kơ iĕm pran; tơpă inh tơgŭm iĕm, Inh gô wei-lăng iĕm hăm ti gah 'ma 'Lơ̆ng Tơpăt Inh.

Êsai 49:13

Ơ plĕnh, hơri bĕ! Ơ teh, hiôk chơt bĕ! Ơ lu kông pơret nơ̆r hơri bĕ! Yua kơ Kră Yang đei pơlung bơih kon pơlei Sư păng mơnat kơ lu bơngai pơmat-tat.

Êsai 61:10

Inh gô hiôk chơt dêh lăm Kră Yang. Jơhngơ̆m inh hiôk 'nă hal lăm Kră Yang 'Bok Kei-Dei inh yua kơ sư pơhrŭk ăn kơ inh ao dŏng pơklaih; tơsu ăn kơ inh ao tai 'lơ̆ng tơpăt nhen thoi lĕ tơdăm iŏk akăn yơ̆l môk wăn kơ̆l sư nhen thoi adruh iŏk klo pơguăng akâu sư hăm tơmam kăp jên.

Je 10:23

Ơ Kră Yang! Inh băt kon bơngai ưh kơ gơh pơm yŏng kơ sư kơdih, Kŭm ưh kơ gơh bơwei kơnao yak lu sư kơdih mơ̆n.

Luka 1:47

jơhngơ̆m inh hiôk yua kơ 'Bok Kei-Dei pơklaih inh.

Rom 14:4

Dah bơ̆n pơjăm sư, dang bơ̆n sek tơlang đĭch đe, khan bơngai đĭch noh pơm ưh kơ lăp kơ yŏng sư. Bơ̆n gô mơ̆ng kơ yŏng sư sek tơlang kơdih đĕch, gơh jô̆ kơ sư pơm 'lơ̆ng pơm ưh. Yŏng sư noh wă khan Yêsu Krist, Yŏng sư noh gơh tơgŭm sư lui kơjăp khŏm khŏm.

Rom 8:15

Ưh kơ sĭ 'Bok Kei-Dei ăn Yang Bơhngol 'Lơ̆ng wă kơ bơ̆n jing bơngai đĭch, dah wă kơ bơ̆n oei hli ôh. Sư ăn kơ bơ̆n Yang Bơhngol 'Lơ̆ng wă kơ bơ̆n jing kon Sư. Thoi noh na bơ̆n gơh krao kơ 'Bok Kei-Dei Aba, 'Bă bơ̆n.

II Kor 3:17

Kră Yang Yêsu kư̆m thoi Yang Bơhngol 'Lơ̆ng. Yang Bơhngol 'Lơ̆ng oei tơ yơ, tơ anih noh rơngei hiôk-hian.

I Pet 1:5

Yua kơ bơ̆n lui păng gơnang kơ Sư tơpă, na 'Bok Kei-Dei tơ'ngla mă mơsêh mơyang, Sư wei-lăng lu bơ̆n ling-lang truh tơ năr Sư wă ăn kơ bơ̆n tôm tơdrong mă Sư đei hơmet lê̆ boih tơ năr tôch noh kơnh.

Ju 1:24

Bơnê kơ 'Bok Kei-Dei, pôm Sư đĕch kĕ wei-lăng iĕm, huay ăn kơ iĕm lê̆ Sư, wă kơ iĕm dơ̆ng 'bơ̆t anăp Sư ning-mônh iĕm 'bôh Sư mơsêh mơyang, iĕm hiôk hơiă huay kơ hli kơ Sư, yua kơ iĕm ưh kơ đei tơdrong yoch.