Horiso 50:2 - Sơ̆p Hlabơar Nơ̆r 'Bok Kei-Dei

² Đơ̆ng Siôn 'lơ̆ng rŏ. Kră Yang 'Bok Kei-Dei pơchrang boih. Tơdrong 'lơ̆ng rŏ sư.

Horiso 50:2 ပူးပေါင်းရင်းမြစ်များ

Horiso 48:2

Kông Siôn 'lơ̆ng rŏ chơngôl kơjung, thoi anih kơjung Saphon noh, kông Siôn pơlei kơ pơtao tih oei, jing tơdrong chơt hiôk kơ đĭ teh đak.

Horiso 48:3

Lăm pơlei tih noh, Kră Yang 'Bok Kei-Dei pơdah boih akâu sư kơdih thoi minh anih kơ'nơp kơjăp.

Horiso 68:24

Ơ Kră Yang 'Bok Kei-Dei đe 'bôh boih Ih năm sơng. Ih jơ̆ Kră Yang 'Bok Kei-Dei sơng inh, Pơtao inh, năm tơ anih rơgoh.

Horiso 80:1

Ơ Kră Yang mă wei-lăng Isơrael. Ơ Kră Yang chông anhăk adrĕch Jôsep thoi khŭl triu. Pơgling đon mơ̆ng bĕ. Ơ Kră Yang oei tơ kơpal chêrubim pơchrang bĕ hơdah Ih,

Horiso 80:17

Hơpơi kơ Ih tơgŭm bơngai hơ-oei cheng 'ma Ih. Bơngai drŏ-nglo mă Ih đei bơwei rong kơdih boih.

Horiso 80:2

'Bơ̆t anăp Êphraim, Bênjamin păng Manase, pơdah bĕ tơdrong mơsêh Ih. Păng năm dŏng pơklaih lu nhôn.

Horiso 94:1

Ơ Kră Yang, Ih boih Kră Yang 'Bok Kei-Dei, iung kơting. Ih boih Kră Yang 'Bok Kei-Dei iung kơting. Pơchrang bĕ tơdrong Ih hil mĭl.

Hơri Hiôk 5:16

Nơ̆r pơma sư hơbôn dêh, Đe lăng sư rŏ kơ hưch tơpă, Noh boih pơyô inh păng buăl inh, Ơ lu adruh pơlei Jêrusalem. Buăl sư

Êsai 12:6

Ơ kon pơlei Siôn ôr hơri mă re bĕ! Yua kơ Kră Yang 'Lơ̆ng Rơgoh Isơrael jơ̆ tih hloh tŏk-bŏk lăm lu iĕm.”

Êsai 26:21

Lăng to, Kră Yang lĕch đơ̆ng anih Sư jur wă phak kon bơngai oei kơpal teh âu, yua kơ tơdrong yoch lu sư. Kơplah noh kơnh teh gô pơdah tơ'bôh pham đêl lu đe pơlôch păng ưh kơ gơh ôn dơ̆ng lu bơngai đêl đe pơlôch.

Nhom 2:15

Lu bơngai yak rok trong 'bôh iĕm lu sư tap ti, Hiĕk ăr tơtreh kơ̆l, Yua kơ 'bôh kon adruh Jêrusalem, Hăm trŏ kơ 'nâu pơlei tih mă đe khan pơlei tih pơlei 'lơ̆ng rŏ, đei chơt hiôk kơjăp kơ teh đak?

Hôsia 5:15

Inh gô wih brŏk tơ anih Inh, dĭng truh tơ lu sư băt 'bôh lu sư đei yoch, na krao chă Inh, lăm năr pơmat-tat, lu sư gô adrin chă Inh. Tơdrong lu bơngai Isơrael tơbral. Hil chrih păng phak bơtho.

Habakuk 2:20

Mă-lei Kră Yang oei tơ lăm hnam 'lơ̆ng rơgoh Sư, 'bơ̆t anăp Sư, jơ̆p kơ lăm teh gô ngăn hreh.”

Sa 9:17

Tơdrong sư pơm 'lơ̆ng rai 'lơ̆ng dêh tơpă! Sik 'ba mi gô pơm ăn kơ lu bơngai tơdăm rai pran păng sik 'nao gô pơm ăn kơ lu adruh hơlai đei pŭn hiôk.

Both 33:2

Sư khan: Kră Yang truh đơ̆ng kông Sinai. Pơchrang hơdah kơpal lu bơ̆n đơ̆ng Seirơ, păng rang mơnhal đơ̆ng Kông Paran; Sư truh hăm lơ rơbâu hơngan linh jang, Rang hơdah kơmlat lĕch đơ̆ng ti 'ma Sư.

Tơdrông Tơ'bôh 1:16

Tơpang ti Sư gah 'ma, Sư chĕp tơpơh tŏ sơnglŏng. Đei minh hlak đao han dêh, đao noh đei 'bar pah măt, lĕch đơ̆ng 'bơ̆r Sư pơma. Muh măt Sư rang hơdah dang măt 'năr pơchrang tŏk-bŏk 'năr dơ̆ng.

Tơdrông Tơ'bôh 21:23

Pơlei noh ưh kơ kăl kơ măt 'năr dah khei pơchrang hơdah ăn ôh, yua kơ tơdrong mơsêh 'Bok Kei-Dei hăm Kon Triu pơchrang ăn hơdah boih.