Horiso 50:15 - Sơ̆p Hlabơar Nơ̆r 'Bok Kei-Dei

¹⁵ Lăm năr anat anot krao bĕ Inh. Inh gô pơklaih ih, na ih gô bơnê ư-ang kơ Inh.”

Horiso 50:15 ပူးပေါင်းရင်းမြစ်များ

II Pot 20:2

Na Hesekia tơwih muh măt sư tơ tơnăr hnam păng krao khan kơ Kră Yang:

II Ho 20:9

‘Dah đei tơdrong kơnê̆ truh kơ lu nhôn, đao gưm, phak pơmat, dah lôch hơbuh, pơngot rơwĕt, lu nhôn gô năm dơng 'bơ̆t anăp hnam 'nâu, na lu nhôn krao apinh Ih lăm năr pơmat-tat, Ih mơ̆ng păng dŏng pơklaih nhôn.’

Jop 22:27

Ih gô krao apinh Sư, Sư gô mơ̆ng nơ̆r ih, Păng ih gô pơkeh tơdrong ih pơkă.

Horiso 107:19

Lăm năr pơmat-tat lu sư krao apinh Kră Yang, Kră Yang dŏng pơklaih lu sư đơ̆ng tơdrong pơmat-tat.

Horiso 107:28

Lăm năr pơmat-tat lu sư krao apinh Kră Yang. Kră Yang dŏng pơklaih lu sư đơ̆ng tơdrong pơmat-tat.

Horiso 120:1

Lăm năr đei tơdrong pơmat-tat inh krao apinh Kră Yang. Na Sư tơl tơwih nơ̆r inh.

Horiso 22:23

Ơ lu bơngai băt hli yom kơ Kră Yang, bơnê bĕ kơ Sư, Ơ đĭ-đăng adrĕch Jakôp, kơkuh ư-ang bĕ kơ Sư, Ơ đĭ-đăng adrĕch adrung Isơrael hli yom bĕ kơ sư.

Horiso 34:5

Lu bơngai lăng tơ Kră Yang na Kră Yang pơchrang hơdah kơ lu sư. Muh măt lu sư ưh kơ mơlâu.

Horiso 34:7

Linh jang Kră Yang war tăp dăr kơ lu đe bu mă hli yom kơ Sư. Păng dŏng pơklaih lu sư.

Horiso 4:2

Ơ kon bơngai! Tơdrong ư-ang inh, iĕm wă pơjăm dĭng dang yơ? Lu iĕm 'mêm kơ tơdrong kư̆ kă 'maih chă tơdrong hơlĕnh dĭng dang yơ dơ̆ng?

Horiso 50:23

Bu pơyơ̆r nơ̆r bơnê tơmam soi kơkuh ư-ang kơ Inh; păng sư kiơ̆ trong Inh; Inh gô tơ'bôh tơdrong dŏng pơklaih đơ̆ng Kră Yang 'Bok Kei-Dei.”

Horiso 77:2

Lăm năr anat anot inh krao chă Kră Yang; Kơmăng inh yơ̆r ti krao apinh ưh kơ rơgah; Bơhngol inh ưh kơ wă bu pơlung

Horiso 77:3

Inh 'blŏk kơ Ih, ơ Kră Yang 'Bok Kei-Dei Inh ôr tơtok, Inh tơchĕng dêh na jơhngơ̆m inh rơdu rơmơ̆n. Sêla

Horiso 81:7

Lăm năr anat anot iĕm krao apinh, Inh dŏng pơklaih iĕm. Inh tơl tơwih kơ iĕm đơ̆ng anih hlơp lăm grơ̆m glaih, Păng pơlong lăng ih 'bơ̆t tu đak Mêri 'ba. Sêla

Horiso 86:5

Ơ Kră Yang! Ih 'lơ̆ng tơpăt băt mơnat ăn. Ih 'bĕnh kơ 'mêm mơnat rơkah rơkai kơ đĭ-đăng lu bơngai mă krao chă Ih.

Horiso 86:7

Lăm năr pơmat-tat inh gô krao chă Ih; na Ih gô tơl tơwih; nơ̆r inh.

Horiso 91:15

Sư gô krao khan apinh Inh, Inh gô tơl tơwih kơ sư; Lăm năr pơmat-tat, Inh oei hơdai sư, dŏng pơklaih sư păng pôk pơư kơ sư.

Je 39:17

Kră Yang khan: “Mă-lei kơplah noh Inh gô pơklaih ih. Đe ưh pă pơjao ih lăm ti lu bơngai mă ih oei hli.

Sa 13:9

Inh gô tah minh puăt lăm pêng noh tơ lăm ŭnh Inh, 'buh lu sư thoi đe 'buh hu, pơlong lăng lu sư thoi đe 'buh maih; lu sư gô ôr krao anăn Inh păng Inh gô tơl tơwih nơ̆r sư; Inh gô khan thoi âu: ‘Noh boih kon pơlei Inh âu.’ Lu sư gô khan: ‘Kră Yang noh Kră Yang 'Bok Kei-Dei inh.’ ”

Mathiơ 5:16

Lu iĕm athei pơchrang hơdah kơ đe tơdrong hơdah lu iĕm thoi noh mơ̆n, na đe băt kơ tơdrong iĕm pơm 'lơ̆ng, na đe bơnê hăm ư-ang kơ 'Bă bơ̆n tơ plĕnh ti.

Luka 22:44

Yêsu hli sơ'ngon tơpă, na Sư rai adrin krao khan kơ 'Bok Kei-Dei rai dêh mah tuh bơuh bơang thoi lĕ kơ pham lĕch đơ̆ng akâu Sư.

Yo 15:8

Dah iĕm đei plei trem iĕm bơngai kiơ̆ Inh tơpă păng đe gô 'bôh iĕm pơm thoi noh na đe ư-ang kơ 'Bă Inh tơpă.

Jang 16:25

Dang mơjĭt-'bar jơ tŏk-bŏk măng bre Pôl păng Silas oei krao khan păng hơri bơnê kơ 'Bok Kei-Dei. Đĭ-đăng tơduă lu sư bơngai phak mơ̆ng bre sư ngăl.

Ya 5:13

Tơ̆ng đei bu lăm lu iĕm đei tơdrong gleh kiơ truh kơ lu sư, sư athei krao khan hloi; jơhngơ̆m bu hiôk chơt sư athei hơri bơnê kơ 'Bok Kei-Dei.

I Pet 4:11

Dah Sư ăn kơ bơ̆n hơgei bơtho đe tơdrong Sư, bơ̆n athei adrin bơtho tơbăt kơ đe tơdrong Sư tơpă. Dah Sư ăn kơ bơ̆n hơgei gah tơdrong tơgŭm đe, bơ̆n athei gơnang kơ Sư tơpă, na bơ̆n gơh jang tơdrong tơgŭm đe. Thoi noh na đe băt kơ tơdrong jang bơ̆n, na ư-ang 'Bok Kei-Dei păng đe gô băt kơ bơ̆n đơ̆ng Yêsu Krist tơgŭm, yua kơ Sư mơsêh mơyang pơgơ̆r tôm tơdrong ưh kơ layơ tôch. A-men.

I Pet 4:14

Hiôk chơt bĕ lu iĕm dah đe che bơle kơ iĕm lui kơ Yêsu Krist, iĕm hiôk yua kơ iĕm đei Yang Bơhngol 'Lơ̆ng mơsêh mơyang đơ̆ng 'Bok Kei-Dei jur oei hăm iĕm boih.

Lu 15:19

Kră Yang 'Bok Kei-Dei ăn tơmo hơđang tơ lăm tơring Lêhi, na đei đak lĕch ro hloi: Samsơn đang kơ sư nhă lăm jơhngơ̆m sư 'brưk đei jơhngơ̆m pran dơ̆ng. Yua kơ 'noh na đe krao anăn đak mơlĕch âu Ên Hakor, truh tơ dang ei đak mơlĕch 'noh tơ tơring Lêhi.