Horiso 5:5 - Sơ̆p Hlabơar Nơ̆r 'Bok Kei-Dei

⁵ Lu bơngai pơang ưh kơ kĕ dơ̆ng 'bơ̆t anăp Ih ôh; Ih areh kơ đĭ-đăng lu bơngai pơm kơnê̆.

Horiso 5:5 ပူးပေါင်းရင်းမြစ်များ

Horiso 1:5

Yua kơ thoi noh lu bơngai kơnê̆ ưh kơ kĕ dơ̆ng ôh lăm năr sek tơlang, Lu bơngai kơnê̆ ưh kơ gơh mơ̆t lăm lu khŭl bơngai tơpăt.

Horiso 10:3

Yua kơ lu bơngai kơnê̆ pơư kơdih kơ tơdrong lu sư 'maih wă; Lu bơngai ham kơ tơmam, achăng lê̆ păng pơjăm Kră Yang.

Horiso 11:5

Kră Yang pơlong lăng lu bơngai tơpăt; Mă-lei jơhngơ̆ma Sư areh kơ bơngai kơnê̆ păng lu bơngai pơm kư̆ kă.

Horiso 130:3

Ơ Kră Yang, tơdah Ih oei 'blŏk tơdrong kơnê̆ lu nhôn, Lei ơ Kră Yang! Bu gơh oei arih?a

Horiso 14:1

Lu bơngai kơtul khan lăm jơhngơ̆m; “Ưh kơ đei Kră Yang 'Bok Kei-Dei.”* Lu sư ôm răm, pơm dôm tơdrong kơnê̆.

Horiso 73:3

Yua kơ inh 'bôh lu bơngai kơnê̆ đei tơdrong hiôk chơt. Inh đei jơhngơ̆m gar lu bơngai pơang.

Horiso 75:4

Inh khan kơ lu pơang: “'Nĕ pă pơang.” Hăm khan kơ lu bơngai kơnê̆: “'Nĕ pă pơư khan pran kơtang.

Horiso 92:6

Lu bơngai kơwao ưh kơ gơh băt, lu bơngai kơtul kư̆m ưh kơ gơh hlôh,

Horiso 94:8

Ơ lu bơngai bơlŭk lăm kon pơlei kơchăng bĕ; Ơ lu bơngai kơtul kơwao, dang yơ mă iĕm gơh hơgei?

Tơdrông Pơđơk 1:22

Ơ lu bơngai kơtul kơwao, Lu iĕm 'mêm kơ tơdrong kơtul kơwao dĭng dang yơ? Lu bơngai pơjăm pơjuă chơt hiôk pơjăm pơjuă dĭng dang yơ? Lu bơngai kơtul areh kơ tơdrong hơgei dĭng dang yơ?

Tơdrông Pơđơk 1:7

Hli yom kơ Kră Yang jing tơm tơdrong hlôh wao. Lu bơngai kơtul areh kơ tơdrong gơh hơgei păng nơ̆r bơtho pơhrăm.

Tơdrông Pơđơk 15:9

Kră Yang areh dêh trong lu bơngai kơnê̆; Mă-lei sư 'mêm mơnat kơ bơngai bu kiơ̆ trong tơpăt.

Tơdrông Pơđơk 8:5

Ơ lu bơngai kơ hlôh, hŏk pơhrăm bĕ tơdrong hlôh wao, Ơ lu bơngai kơtul, iŏk bĕ tơdrong hlôh wao.

Bôk Bơthô 5:4

Tơdah ih đei pơma pơkă hăm Kră Yang 'Bok Kei-Dei athei jah pơm pơkeh nơ̆r pơkă noh; yua kơ lu bơngai kơtul ưh kơ đei pơm kơ Kră Yang lăp đon. Lei jah pơkeh nơ̆r ih pơkă noh.

Hôsia 9:15

Đĭ-đăng tơdrong kơnê̆, tơdrong yoch lu sư pơdah boih tơ pơlei Gilgal, Inh đei hil kơ lu sư boih. Yua kơ tơdrong kơnê̆ lu sư pơm Inh gô pơpuh lê̆ lu sư đơ̆ng hnam Inh. Inh ưh pă 'mêm kơ lu sư dơ̆ng, đĭ-đăng lu yŏng sư kư̆m gô ayăt kơ Inh.

Lêwi 20:23

'Nĕ kơ pơm kiơ̆ tơdrong juăt lu kon pơlei mă Inh gô puh tơweh sư đơ̆ng anăp lu iĕm; yua kơ lu sư pơm dôm tơdrong kơnê̆ noh na Inh hil mĭl dêh kơ lu sư tơpă.

Habakuk 1:13

Măt Kră Yang 'lơ̆ng rơgoh ưh kơ wă lăng ôh tơdrong kơnê̆, kư̆m ưh kơ wă lăng dôm tơdrong ưh kơ trŏ. Liơ Ih lê̆ kơ lu bơngai hơlĕnh. Tơdah lu bơngai kơnê̆ luăn sa lu bơngai mă tơpăt hloh kơ lu sư, yua kơ kiơ Ih ĕnh thoi noh?

Sa 11:8

Lăp lăm minh khei đĕch Inh pơlôch đĭ pêng 'nu bơngai wei triu; Inh pă kĕ ĕnh hăm lu sư boih păng lu sư kư̆m lei-lăi ưh pă lăp kơ Inh.

Mathiơ 25:41

“Klaih kơ noh Inh pơma kơ lu bơngai mă oei gah 'ngiĕo kơ Inh dơ̆ng thoi âu: ‘Dang ei 'Bok Kei-Dei wă phak iĕm boih, iĕm jah weh đơ̆ng âu kơdâu năm tơ dơnâu ŭnh to bĕ. Ŭnh noh ưh kơ layơ păt, ŭnh noh 'Bok Kei-Dei hơmet ăn kơ yang Satan păng đĭ-đăng kơ lu linh jang kơ sư năm oei tơ lăm dơnâu ŭnh noh.

Mathiơ 7:23

Mă-lei năr 'noh kơnh Inh gô khan kơ lu sư thoi âu: ‘Inh ưh kơ băt kơ lu iĕm âu ôh. Weh tơ nai năm, iĕm bơngai kơnê̆ ngăl.’