Horiso 49:6 - Sơ̆p Hlabơar Nơ̆r 'Bok Kei-Dei

⁶ Lu bơngai gơnang kơ jên tơmam lu sư, Pơư mŭk tơmam lơ, mơdrŏng lu sư.

Horiso 49:6 ပူးပေါင်းရင်းမြစ်များ

Esther 5:11

Haman roi pơư kơdih akâu, tơdrong mơdrŏng sư, roi sư đei kon drŏ-nglo lơ, roi kơ pơtao pơyom kơ sư păng sư pơm yŏng hloh kơ lu kuan tih nai.

Horiso 112:7

Sư ưh kơ hli ôh mă đe roi tơdrong kơnê̆, jơhngơ̆m sư oei hơđơ̆ng, gơnang kơ Kră Yang.

Horiso 112:8

Jơhngơ̆m sư kơjăp, ưh kơ hli tơrơ, truh tơ sư 'bôh lu ayăt thuơ kơ sư.

Horiso 52:7

“To, bơngai mă ưh kơ gơnang kơ Kră Yang 'Bok Kei-Dei wei sư pran kơjăp. Mă-lei gơnang kơ tơdrong sư mơdrŏng.c Wă pơm kơ sư kơjăp lăm tơdrong sư pơm kơnê̆!”

Horiso 56:5

Rim năr lu sư chă pơma hơlĕnh kơ nơ̆r inh,c dôm đon lu sư tơchĕng wă pơrăm inh.

Horiso 56:7

Lu sư pơm kơnê̆ thoi noh na lê̆ lu sư klaih hă? Ơ Kră Yang 'Bok Kei-Dei, lăm tơdrong Ih hil păng apinh Ih blah tơhuŏng lu kon pơlei.

Horiso 62:10

'Nĕ gơnang kơ kĕ pơjuă đe. 'Nĕ gơnang hơmĕng kơ tơtông klĕ, Mă đei mŭk tơmam lơ, 'nĕ kơ hơđơ̆ng kơ noh.

Tơdrông Pơđơk 10:15

Mŭk tơmam bơngai mơdrŏng jing thoi kơđông kơjăp kơ sư, Mă-lei tơdrong hiong răm kơ bơngai dơnuh hoh noh tơdrong dơnuh hin kơ lu sư.

Tơdrông Pơđơk 11:28

Bơngai bu gơnang kơ mŭk tơmam mơdrŏng gô huŏng răm; Mă-lei đei bu tơpăt băt rai 'lơ̆ng thoi tơmơ̆ng hla hơdrih.

Tơdrông Pơđơk 23:5

Măt ih nŏng kơ lăng 'bloh tơ mơdrŏng hă? Ưh pă đei boih! Yua kơ sư đĭ chăt pơnăr păr tŏk tơ plĕnh thoi sem kring.

Je 9:23

Kră Yang khan: “Bơngai hơgei 'nĕ pă pơang kơ sư hơgei, bơngai pran 'nĕ pă pơang kơ sư pran. Bơngai mơdrŏng kư̆m 'nĕ pă pơang kơ sư mơdrŏng;

Hôsia 12:8

Lu bơngai Êphraim pơang akâu kơdih khan: Sĭt tơpă Inh jing bơngai mơdrŏng, inh đei mŭk lơ. Lăm đĭ dôm tơdrong jang mă Inh pơm ưh kơ đe 'bôh minh tơdrong jang kiơ khan yoch kơnê̆.

Markôs 10:24

Lu bơngai pơhrăm păng Sư sơleng kơ đon ưh kơ hlôh tơdrong Sư pơma âu. Mă-lei Yêsu khan dơ̆ng kơ lu sư: “Ơ lu kon Inh, anat dêh mơ̆t tơ dêh char 'Bok Kei-Dei.

Luka 12:19

Lăp inh pơm đang boih, inh wă khan kơ inh kơdih thoi âu: Inh đei mŭk drăm lơ wă 'măn lê̆ kơ đunh sơnăm. Inh pơdơh bĕ, sŏng sa nhă đak phĭ mah rơkah rơkai, hiôk boih inh.’

I Tim 6:17

Ih khan kơ lu bơngai mơdrŏng 'nĕ pơang akâu kơdih păng khan kơ sư 'nĕ gơnang kơ mŭk măk sư mơdrŏng. Athei sư tơchĕng gơnang kơ 'Bok Kei-Dei đĕch gơh tơgŭm sư. Tơdrong mơdrŏng ưh kơ kơjăp nhoi ôh. 'Bok Kei-Dei hơlăng, Sư ăn kơ bơ̆n tôm tơdrong bơ̆n kăl yua wă kơ bơ̆n chơt hiôk.